ឯកឧត្ដម ​ឌី វិជ្ជា ដឹកនាំ​សមាជិក​សមាជិកា​គណបក្សប្រជាជន​កម្ពុជា​រាប់ពាន់​នាក់​ដង្ហែ​ក្បួន​បិទយុទ្ធនាការឃោសនាបោះឆ្នោតក្នុងខេត្តស្វាយរៀង

ស្វាយរៀង ៖ ឯកឧត្ដម​ ឌី វិជ្ជា សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងស្វាយរៀង ខេត្តស្វាយរៀង បាន​ដឹក​នាំ​សមាជិកសមាជិកា​ និងអ្នកគាំទ្រ​គណបក្សប្រជាជន​កម្ពុជា​រាប់ពាន់នាក់​ដង្ហែក្បួន​នៅព្រឹកថ្ងៃទី២១ ខែកក្កដា ​ឆ្នាំ២០២៣នេះ ។

​ក្នុង​ថ្ងៃបិទ​បញ្ចប់​យុទ្ធនាការ​ឃោសនា​បោះឆ្នោត សមាជិក សមាជិកាទាំងអស់​សុទ្ធតែ​បានប្រកាស អំពាវនាវដល់បងប្អូនប្រជាពលរដ្ឋ សូម​បោះឆ្នោត​ជូន​គណបក្សប្រជាជន​កម្ពុជា ដែល​មាន​សញ្ញា​ទេវតា​បាចផ្កា លេខរៀងទី១៨ ដើម្បីគាំទ្រសម្ដេចតេជោ ហ៊ុន សែន ជានាយករដ្ឋមន្ត្រី នៅ​អាណត្តិទី៧ និង​គាំទ្រ​ឯកឧត្ដម​បណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រី​នា​ពេល​អនាគត ដើម្បី​បន្ត​ដឹក​នាំ​ប្រទេស​ឆ្ពោះ​ទៅ​កាន់​សុខសន្តិភាព និងការអភិវឌ្ឍ​កាន់​តែ​រីកចម្រើន​។

សូម​បញ្ជាក់ផងដែរ​ថា សម្រាប់​យុទ្ធនាការ​ឃោសនា​បោះឆ្នោតជ្រើសរើសតំណាងរាស្រ្តអាណត្តិទី៧នេះ នឹងត្រូវបិទបញ្ចប់នៅថ្ងៃទី២១នេះហើយ ដែល​បាន​ចាប់ផ្ដើម​ចេញយុទ្ធនាការ​ឃោសនា​រកសំឡេងឆ្នោត​រយៈពេល​២០ថ្ងៃ​ ពោល​គឺ​ចាប់តាំងពីថ្ងៃទី១ ខែកក្កដា ឆ្នាំ២០២៣ រហូតដល់ថ្ងៃទី២១ ខែកក្កដា ឆ្នាំ២០២៣៕