ព័ត៌មានជាតិ

ប្រជាពលរដ្ឋនៅខេត្ដសៀមរាប នៅតែជឿជាក់លើកគណបក្សប្រជាជនកម្ពុជាកាន់តែខ្លាំង

បានផុស

២ years មុន

នៅ

ថ្ងៃសុក្រ ២១ កក្កដា ២០២៣

ដោយ

សៀមរាប ៖ ប្រជាពលរដ្ឋនៅខេត្ដសៀមរាប នៅតែបន្ដគាំទ្រ និងជឿជាក់លើកគណបក្សប្រជាជនកម្ពុជាកាន់តែខ្លាំង ដោយអះអាងថា គណបក្សប្រជាជនកម្ពុជានឹងទទួល ជោគជ័យក្នុងការបោះឆ្នោត អាណត្តិទី៧។ ពួកគាត់បានបន្ដថា មានតែគណបក្សប្រជាជនតែមួយប៉ុណ្ណោះ ដែលធ្វើឱ្យប្រទេសជាតិមានសុខសន្តិភាព និងការអភិវឌ្ឍប្រទេសជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពួកគាត់បានលើកឡើងបែបនេះនៅក្នុងពិធីបិទ យុទ្ធនាការបិទបញ្ចប់ហែក្បួនឃោសនាបោះឆ្នោតជ្រើសតាំងតំណាងរាស្ដ្រអាណតិ្ដទី៧ ដែលធ្វើឡើងនៅផ្លូវ៦០ម សង្កាត់ស្លក្រាម ក្រុងសៀមរាប។

ពួកគាត់បានបន្ដថា រាល់ពេលបោះឆ្នោត ពួកគាត់គាំទ្រគណបក្សប្រជាជនកម្ពុជា ពីមួយអាណត្តិទៅមួយអាណត្តិ ដើម្បីឱ្យកម្ពុជាមានអភិវឌ្ឍន៍រីកចម្រើនស្ទើរគ្រប់វិស័យ។ បច្ចុប្បន្នមានតែសម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានខិតខំលះបង់កម្លាំងកាយចិត្ត និងយកជីវិតទៅប្តូរ ដើម្បីស្វែងរកសុខសន្តិភាពជូនប្រជាជនកម្ពុជាតាំងពីបាតដៃទទេ។

ពួកគាត់បន្ដថា ប្រជាពលរដ្ឋបានត្រៀមខ្លួនជាស្រេច និងបានអំពាវដល់ប្រជាពលរដ្ឋនៅក្នុងស្រុកក៏ដូចជាពលករធ្វើការនៅក្រៅប្រទេសចូលរួមបោះឆ្នោតជូនគណបក្សប្រជាជន ដែលប្រព្រឹត្ដឡើងនៅថ្ងៃទី២៣ ខែកក្កដា ឆ្នាំ២០២៣ខាងមខនេះ បោះជូនបក្សទេវតាដែលមានលេខរៀងទី១៨។

សម្តេចពិជ័យសេនាទៀ បាញ់ អនុប្រធានគណបក្សប្រជាជនកម្ពុជា បានមានប្រសាសន៍ថា កម្ពុជាកំពុងបោះជំហានទៅមុខជាមួយភាពរីកចម្រើនគ្រប់វិស័យ ដែលទាំងអស់នេះ បានកើតឡើងពីការខិតខំយ៉ាងយកចិត្តទុកដាក់របស់ថ្នាក់ដឹកនាំរាជរដ្ឋាភិបាលកម្ពុជា ក្នុងការអនុវត្តនូវគោលនយោបាយឈ្នះៗ នាំមកនូវសុខសន្តិភាពជូនជាតិទាំងមូល។

សម្តេចពិជ័យសេនាបានលើកឡើងថា ចាប់តាំងពីផ្តួលរំលំរបបប្រល័យពូជសាសន៍ កាលពីថ្ងៃទី៧ មករា ១៩៧៩ ក្នុងរយៈពេល៤៤ឆ្នាំមកនេះ ថ្នាក់ដឹកនាំគណបក្សប្រជាជនកម្ពុជា បានខិតខំរួមសុខរួមទុក្ខជាមួយប្រជាជនកម្ពុជា ដើម្បីអភិវឌ្ឍប្រទេសឲ្យរីកចម្រើនលើកគ្រប់វិស័យដូចបានស្តែងចេញឲ្យឃើញដូចសព្វនេះ។ សម្តេចបន្តថា ក្នុងចំណោមសមិទ្ធផលដែលសម្រេចបានទាំងនោះ សុខសន្តិភាព ជាសមិទ្ធផលធំជាងគេ ព្រោះវាជាគ្រឹះក្នុងការអភិវឌ្ឍ៕

ដោយ ៖ គឿនវេត