ព័ត៌មានជាតិ
អភិបាលរាជធានីចុះពិនិត្យពលរដ្ឋជិះរថយន្តក្រុងសាធារណៈដោយឥតគិតថ្លៃទៅស្រុកកំណើត
រដ្ឋបាលរាជធានីភ្នំពេញ បានរៀបចំរថយន្តក្រុងសាធារណៈទាំងជួលគេនិងរថយន្តរដ្ឋជាង ៤០០ គ្រឿង ដើម្បីដឹកកម្មករ និយោជិតនិងបងប្អូនប្រជាពលរដ្ឋទៅស្រុកកំណើត ក្នុងអំឡុងនៃការបោះឆ្នោតនាថ្ងៃស្អែកទី ២៣ ខែកក្កដាឆ្នាំ២០២៣នេះ។ នេះជាការលើកឡើងរបស់លោក ឃួង ស្រេង អភិបាលរាជធានីភ្នំពេញ ខណៈចុះពិនិត្យនិងសួរសុខទុក្ខបងប្អូនកម្មករនិយោជិត និងបងប្អូនប្រជាពលរដ្ឋដែលអញ្ជើញមកជិះរថយន្តក្រុងសាធារណៈដោយឥតគិថ្លៃ ទៅស្រុកកំណើត តាមបណ្តាខេត្តនៅឯចំណតរថយន្តមុខទីបញ្ជាការកងរាជអាវុធហត្ថរាជធានីភ្នំពេញនាព្រឹកថ្ងៃទី២២ ខែកក្កដា ឆ្នាំ២០២៣។
លោក ឃួង ស្រេង បានមានប្រសាសន៍លើកឡើងថា អនុវត្តតាមអនុសាស្ត្រដ៏ខ្ពង់ខ្ពស់របស់សម្ដេចតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា រដ្ឋបាលរាជធានីភ្នំពេញបានរៀបចំរថយន្តរថយន្តក្រុងសាធារណៈ ដើម្បីដឹក កម្មករ និយោជិតនិងបងប្អូនប្រជាពលរដ្ឋទៅស្រុកកំណើតក្នុងអំឡុងនៃការបោះឆ្នោតនាថ្ងៃស្អែកទី ២៣ ខែ កក្កដាឆ្នាំ២០២៣ ចំនួន ១០ ទីតាំងនៅក្នុងរាជធានីភ្មំពេញ។
រដ្ឋបាលរាជធានីភ្នំពេញបានប្រើប្រាស់រថយន្តក្រុងជាង ៤០០ គ្រឿង ក្នុងចំនួននេះក៏បានជួលរថយន្តឯកជនមួយចំនួនផងដែរ ដើម្បីដឹកកម្មករនិយោជកនិងប្រជាពលរដ្ឋទៅស្រុកកំណើត នាអំឡុងពេលបោះឆ្នោតនេះ។ ការជូលរថយន្តបន្ថែមនេះ គឺដោយសារតែកម្មករកម្មការនីរោងចក្រ និងកម្មករក្រៅប្រព័ន្ធមានចំនួនច្រើនរហូតដល់ ៦០ ម៉ឺននាក់។ បើទោះបីជាយ៉ាងណាក្តី មានកម្មករមួយចំនួនមិនបានមកជិះរថយន្តក្រុងទេ ដោយសារស្ថានភាពជីវភាពពួកគាត់ធូរធារ ដែលអាចធ្វើដំណើរដោយខ្លួនឯងបាន ហើយបងប្អូនកម្មករកម្មការិនីខ្លះទៀតអាចជិះម៉ូតូទៅស្រុកកំណើតតែម្ដង។
លោកឃួង ស្រេង ក៏បានបញ្ជាក់ផងដែរថា សម្ដេចតេជោហ៊ុន សែន តែងតែណែនាំឲ្យរដ្ឋបាលរាជធានីភ្នំពេញ អនុវត្តនៅការងារនេះជាប្រចាំពោលគឺអោយតែមានពិធីធំៗ ដូចជាចូលឆ្នាំខ្មែរនិងបុណ្យភ្ជុំបិណ្ឌ សម្តេចតែងអោយរដ្ឋបាលរាជធានីភ្នំពេញដឹកប្រជាពលរដ្ឋ កម្មករ កម្មការនីទៅស្រុកកំណើតដោយមិនយកប្រាក់ជានិច្ច។
រដ្ឋបាលរាជធានីភ្នំពេញ កាលពីថ្ងៃទី១៩ ខែកក្កដា ឆ្នាំ២០២៣ បានចេញសេចក្ដីជូនដំណឹងបង្ហាញអំពីទីតាំង និងពេលវេលាចេញដំណើររបស់រថយន្ដក្រុងសាធារណៈចំនួន៤៣០គ្រឿង សម្រាប់ដឹកប្រជាពលរដ្ឋនៅរាជធានីភ្នំពេញ ទៅតាមបណ្ដាខេត្ត និងត្រឡប់មកពីតាមបណ្ដាខេត្ត ចូលមករាជធានីភ្នំពេញវិញ ក្នុងថ្ងៃបោះឆ្នោតជ្រើសតាំងតំណាងរាស្ដ្រ នីតិកាលទី៧ នៅថ្ងៃទី២៣ ខែកក្កដា ឆ្នាំ២០២៣៕
អត្ថបទ៖ ស្រីរ័ត្ន
-
ព័ត៌មានជាតិ១ សប្តាហ៍ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ១ សប្តាហ៍ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ៣ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ៦ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ជីវិតកម្សាន្ដ១៤ ម៉ោង ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ៣ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ១៧ ម៉ោង ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ២ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan