គ.ជ.ប សម្រេចចាត់តាំងក្រុមប្រឹក្សាជំនុំជម្រះ ដើម្បីបើកសវនាការជំនុំជម្រះលើបណ្ដឹងមួយចំនួន

គណៈកម្មាធិការជាតិរៀបចំការបោះឆ្នោត​ (គ.ជ.ប) បានចេញសេចក្ដីសម្រេច ស្ដីពី ការចាត់តាំងក្រុមប្រឹក្សាជំនុំជម្រះ ដើម្បីបើកសវនាការជាសាធារណៈជំនុំជម្រះលើបណ្ដឹងមួយចំនួន។

សេចក្ដីសម្រេចនៅថ្ងៃទី ២៥ ខែកក្កដា ឆ្នាំ ២០២៣នេះ បានឲ្យដឹងថា ត្រូវបានចាត់តាំងលោកប្រធាន អនុប្រធាន និងសមាជិកគណៈកម្មាធិការជាតិរៀបចំការបោះឆ្នោត ជាក្រុមប្រឹក្សាជំនុំជម្រះ ដើម្បីបើកសវនាការជាសាធារណៈជំនុំជម្រះ លើបណ្ដឹង/សំណុំរឿងលេខ ០០១​ ចុះថ្ងៃទី ១៨ ខែកក្កដា ឆ្នាំ ២០ ២៣, លេខ ០០២ និងលេខ ០០៣ ចុះថ្ងៃទី ១៩ ខែកក្កដា ឆ្នាំ ២០២៣, លេខ ០០៤ និងលេខ ០០៥ ចុះថ្ងៃទី ២២ ខែកក្កដា ឆ្នាំ ២០២៣ នាព្រហស្បត្តិ៍ ទី ២៧ ខែកក្កដា ឆ្នាំ ២០២៣ វេលាម៉ោង ៩ និង០០នាទីព្រឹក៕