ព័ត៌មានជាតិ

ឯកឧត្ដម ហ៊ុន ម៉ានី ចែករំលែកទស្សនៈផ្ទាល់ខ្លួនលើការអនុវត្តគម្រោងស្ទែម ផ្ដោតលើទិដ្ឋភាពខេត្តកំពង់ស្ពឺ

បានផុស

២ years មុន

នៅ

ថ្ងៃអង្គារ ២៥ កក្កដា ២០២៣

ដោយ

ឯកឧត្ដម ហ៊ុន ម៉ានី ប្រធានគណៈកម្មការទី ៧ នៃរដ្ឋសភា ចែករំលែកនូវទស្សនៈផ្ទាល់ខ្លួនលើការអនុវត្តគម្រោងស្ទែម ដោយផ្ដោតលើទិដ្ឋភាពខេត្តកំពង់ស្ពឺ ដែលតម្រូវឲ្យមានការសហការពីគ្រប់ភាគីពាក់ព័ន្ធ និងមិនអាចរំលងបាននោះ គឺ កិច្ចសហការពីសហគមន៍មូលដ្ឋានផ្ទាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចែករំលែកទស្សនៈនេះ ខណៈដែល ឯកឧត្ដម ហ៊ុន ម៉ានី ប្រធានគណៈកម្មការទី ៧ នៃរដ្ឋសភា បានអនុញ្ញាតឲ្យក្រុមការងារ នៃមជ្ឈមណ្ឌលអភិវឌ្ឍន៍កម្ពុជា ធ្វើបទបង្ហាញអំពីរបាយការណ៍ ស្ដីពី លទ្ធផលគម្រោងស្រាវជ្រាវ នៃគម្រោងសាកល្បងអនុវត្តគំរូស្ទែម នៅសាលាក្នុងខេត្តកំពង់ស្ពឺ នាថ្ងៃទី ២៥ ខែកក្កដា ឆ្នាំ ២០២៣ នេះ។

ឯកឧត្ដម ហ៊ុន ម៉ានី បានផ្ដល់នូវអនុសាសន៍ និងចែករំលែកទស្សនៈផ្ទាល់ខ្លួនលើការអនុវត្តគម្រោងស្ទែម ដោយផ្ដោតលើទិដ្ឋភាពខេត្តកំពង់ស្ពឺតែម្ដង ដែលតម្រូវឲ្យមានការសហការពីគ្រប់ភាគីពាក់ព័ន្ធ មិនអាចរំលងបាននោះ គឺ កិច្ចសហការពីសហគមន៍មូលដ្ឋានផ្ទាល់។

នាឱកាសនោះ ឯកឧត្ដម ក៏បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងក្នុងការតាក់តែងកិច្ចការស្រាវជ្រាវនេះឡើងផងដែរ។

ជាមួយនោះ ឯកឧត្ដម ហ៊ុន ម៉ានី បានលើកទឹកចិត្តឲ្យក្រុមការងារ បន្តសិក្សា ពិចារណា ស្នើសុំការពិភាក្សា និងណែនាំបន្ថែមពី ក្រសួងអប់រំ យុវជន និងកីឡា ដើម្បីធ្វើយ៉ាងណាឲ្យគម្រោងកាន់តែមានភាពស៊ីសង្វាក់ជាមួយស្ថានភាពជាក់ស្ដែង និងឆ្លើយតបទៅនឹងគោលនយោបាយ និងចក្ខុវិស័យរបស់ក្រសួង៕

អត្ថបទ ៖ ពិសី

Related Topics:ឯកឧត្ដម ហ៊ុន ម៉ានី