ព័ត៌មានជាតិ

ខេត្តមណ្ឌលគិរី កំណត់ទីតាំងភ្នំសំខាន់ៗក្នុងផែនការអភិវឌ្ឍបន្តទៀត

បានផុស

២ years មុន

នៅ

ថ្ងៃព្រហស្បតិ៍ ២៧ កក្កដា ២០២៣

ដោយ

ក្នុងផែនការរៀបចំដែនដីខេត្តមណ្ឌលគិរី និងចក្ខុវិស័យឆ្នាំ ២០៤០ រដ្ឋបាលខេត្តមណ្ឌលគិរីបានកំណត់ទីតាំងភ្នំសំខាន់ៗនៅក្នុងភូមិសាស្រ្តក្រុង ១ ស្រុក ៤ ដើម្បីអភិវឌ្ឍខេត្តឱ្យកាន់តែមានភាពរីកចម្រើនបន្តបន្ទាប់ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្តមណ្ឌលគិរីត្រូវបានរដ្ឋាភិបាលចាត់ទុកជាខេត្តយុទ្ធសាស្ត្រមួយនៅភាគឦសានក្នុងប្រទេសកម្ពុជា ដែលស្ថិតនៅក្នុងក្របខ័ណ្ឌតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម ព្រមទាំងមានសក្ដានុពលតភ្ជាប់ទំនាក់ទំនងជាមួយបណ្ដាញគមនាគមន៍ និងសេដ្ឋកិច្ចនៃមហាអនុ តំបន់ទន្លេមេគង្គផងដែរ។

ខេត្តមណ្ឌលគិរីក៏ជាខេត្តមួយដែលមានភាពល្បីល្បាញ និងសក្ដានុពលផ្នែកធនធានធម្មជាតិ និងវប្បធម៌ដ៏សម្បូរបែបសម្រាប់បម្រើដល់វិស័យទេសចរណ៍។

ស្របពេលជាមួយគ្នានេះ ដើម្បីកាន់តែងាយស្រួលនៅក្នុងការអភិវឌ្ឍន៍និងថែរក្សាតំបន់តំបន់ទាំងនោះ រដ្ឋបាលខេត្តក៏បានកំណត់ទីតាំងភ្នំសំខាន់ៗមួយចំនួនសម្រាប់ផែនការអភិវឌ្ឍក្នុងនោះរួមមាន៖

-ក្រុងសែនមនោរម្យ មានភ្នំដោះក្រមុំ, ភ្នំបាយឆៅ

-ស្រុកកែវសីមា មានភ្នំកែវសីមា, ភ្នំគូស

-ស្រុកអូររាំង មានភ្នំអណ្តូងស្នេហ៍, ភ្នំយោគយៅ(ភ្នំ ខ្លា), ភ្នំណល់ទឹត, ភ្នំចុតម្លុង, ភ្នំរតាប់, ភ្នំឡាវវីក, ភ្នំកុងក្លែ, ភ្នំអូមត្រូន, ភ្នំគង់ក្វាច់, ភ្នំដាញ, ភ្នំគង់ក្លេល, ភ្នំស្រេះចត, ភ្នំរលូវឆែ, ភ្នំព្រឹក(តំបន់ទេសចរណ៍សត្វទោច), ភ្នំបារាំងសុំ, ភ្នំគង់រញូង

-ស្រុកពេជ្រាដា មានភ្នំណាមលៀរ, ក្នំលុប្រាណ, ភ្នំមុសរលូង, ភ្នំអូរទេរ

-ស្រុកកោះញែក មានភ្នំណាមរ៉ាម, ភ្នំក្អន, ភ្នំក្រោល

ក្រៅពីការកំណត់ទីតាំងភ្នំសំខាន់ៗ រដ្ឋបាលខេត្តក៏បានកំណត់ទីតាំងផ្សេងៗមួយចំនួនទៀត ព្រមទាំងកំណត់ទីតាំង ការកសាងបញ្ជី និងចុះបញ្ជីសារពើភណ្ឌ តំបន់ការពារទេសភាពដែលជាអត្តសញ្ញាណបរិស្ថាន សង្គម និងវប្បធម៌ របស់ខេត្តមណ្ឌលគិរី និងតំបន់ដែលមានទេសភាពពិសេសផ្សេងៗទៀតដែលត្រូវការពារ៕