សម្ដេចតេជោ ហ៊ុន សែន នៅតែជាតួអង្គអ្នកនយោបាយដែលដឹកនាំប្រទេសជាបន្តទៀត តាមរយៈជាប្រធានគណបក្សកាន់អំណាច

សម្ដេចតេជោ ហ៊ុន សែន បានបញ្ជាក់ថា ទោះបីជាសម្ដេច មិនបន្តតំណែងជានាយករដ្ឋមន្ត្រី​ សម្រាប់អាណត្តិទី ៧នេះក៏ដោយ ក៏សម្ដេច នៅតែជាតួអង្គអ្នកនយោបាយ ដែលដឹកនាំប្រទេសបន្តទៀត តាមរយៈជាប្រធានគណបក្សប្រជាជនកម្ពុជា។

តាមរយៈសារផ្ញើជូនជនរួមជាតិ នៅរសៀលថ្ងៃទី ២៦ ខែកក្កដានេះ សម្ដេចតេជោ ហ៊ុន សែន មានប្រសាសន៍ថា សម្ដេច នៅតែជាតួអង្គអ្នកនយោបាយ ដែលដឹកនាំប្រទេសបន្តទៀត តាមរយៈជាប្រធានគណបក្សប្រជាជនកម្ពុជា។

សម្ដេចតេជោ ហ៊ុន សែន ថ្លែងបែបនេះថា «សូមបញ្ជាក់សារជាថ្មីថា ខ្ញុំព្រះករុណ​ ខ្ញុំនៅតែជាតួអង្គអ្នកនយោបាយដែលដឹកនាំប្រទេសជាបន្តទៀត តាមរយៈជាប្រធានគណបក្សកាន់អំណាច ហើយនៅក្នុងរយៈអន្តរកាលខ្ញុំព្រះករុណខ្ញុំជាសមាជិការដ្ឋសភា ដើរទន្ទឹមគ្នាជាមួយនឹងជាប្រធានឧត្ដមក្រុមប្រឹក្សាព្រះមហាក្សត្រ តែមុខនាទីនេះមិនមានអំណាចទេ តែខ្ញុំព្រះករុណាខ្ញុំនឹងដង្ហែព្រះមហាក្សត្រ ក៏ដូចជាជួយសម្របសម្រួលរវាងព្រះបរមរាជវាំង ជាមួយនឹងរាជរដ្ឋាភិបាល»៕