ព័ត៌មានជាតិ

សម្តេចតេជោ ហ៊ុន សែន ផ្តាំឲ្យឯកឧត្តម ហ៊ុន ម៉ាណែត ពេលក្លាយជានាយករដ្ឋមន្ត្រី ការពារឲ្យ ខាងតែបាននូវសន្តិភាពដើម្បីធានាដល់ការអភិវឌ្ឍ និងភាពសុខសាន្តរបស់ប្រជាជន

បានផុស

១ year មុន

នៅ

ថ្ងៃពុធ ២៦ កក្កដា ២០២៣

ដោយ

សម្តេចតេជោ ហ៊ុន សែន នាយករដ្ឋមន្ត្រីមន្ត្រីនៃកម្ពុជា តាមរយៈបណ្តាញសង្គម Twitte បានផ្តាំឱ្យឯកឧត្តម ហ៊ុន ម៉ាណែត ពេលក្លាយជានាយករដ្ឋមន្ត្រី ការពារឱ្យខាងតែបាននូវសន្តិភាពដើម្បីធានាដល់ការអភិវឌ្ឍនិងភាពសុខសាន្តរបស់ប្រជាជន។ សម្តេចបានសរសេរថា “វាជាការគាប់ជួនមួយដែលថ្ងៃនេះខ្ញុំបានប្រកាសថា ហ៊ុន ម៉ាណែតនឹងក្លាយជានាយករដ្ឋមន្ត្រីក្រោយសភាបោះឆ្នោតផ្តល់សេចក្តីទុកចិត្តសម្រាប់គណៈរដ្ឋមន្ត្រីនាថ្ងៃ២២សីហា២០២៣ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ល្ងាចនេះទូរទស្សន៍បាយ័ន្តចាក់ផ្សាយរឿងកូនប្រុសក្រោមពន្លឺព្រះចន្ទពេញបូណ៌មីភាគ៧២គឺចំពេលដែលម៉ាណែត ចាកផ្ទៃម្តាយថ្ងៃ២០តុលា១៩៧៧។ ជីវិតកូនពិតជាកម្សត់ណាស់តែកូនជាមួយម្តាយបានខិតខំរស់ដើម្បីជួបជុំជាមួយពុកវិញ។

ពេលកូនក្លាយជានាយករដ្ឋមន្ត្រីរបស់កម្ពុជា កូនត្រូវតែការពារឱ្យខាងតែបាននូវសន្តិភាពដើម្បីធានាដល់ការអភិវឌ្ឍនិងភាពសុខសាន្តរបស់ប្រជាជន”។

សូមបញ្ជាក់ថា នៅរសៀលថ្ងៃនេះ សម្តេចតេជោ ហ៊ុន សែន បានប្រកាសឲ្យដឹងពីការដកខ្លួនរបស់សម្តេចពីតំណែងនាយករដ្ឋមន្ត្រីកម្ពុជា ទុកឲ្យឯកឧត្តមបណ្ឌិត ហ៊ុន ម៉ាណែត បន្តនៅក្នុងអាណត្តិថ្មីនេះ។ ក្រោយពីដកខ្លួននេះ សម្ដេចតេជោ ក៏បានប្រកាសឲ្យដឹងថា នឹងឈរឈ្មោះនៅក្នុងការបោះឆ្នោតជ្រើសតាំងសមាជិកព្រឹទ្ធសភា ដែលប្រព្រឹត្តទៅនាថ្ងៃទី២៥ ខែកុម្ភៈ ឆ្នាំ២០២៤ ហើយគ្រោងគ្រងតំណែងជាប្រធានព្រឹទ្ធសភា៕