សមត្ថកិច្ចរកឃើញសាកសពប្ដីក្នុងករណីក្រឡាប់ទូកនៅទន្លេខេត្តកំពង់ឆ្នាំង

សពបុរសជាប្ដីដែលបានក្រឡាប់បាឡាស្មាច់ជាមួយប្រពន្ធកាលពីល្ងាចថ្ងៃទី ២៥ ត្រូវបានសមត្ថកិច្ចរកឃើញហើយគឺប្រទះឃើញអណ្ដែតទឹកនៅវេលាម៉ោង ៧ និង៣០នាទីព្រឹកថ្ងៃទី២៧ ខែកក្តដា ឆ្នាំ ២០២៣ ដែលនៅចំណាយប្រមាណជាងមួយគីឡូម៉ែត្រពីចំណុចកើតខែក្នុងភូមិអន្លង់កញ្ចុះ ឃុំប្រឡាយមាស ស្រុកកំពង់លែង។

ករណីជនរងគ្រោះពីរនាក់ប្ដីប្រពន្ធក្រឡាប់បាឡាស្មាច់លិចទឹកបណ្ដាលឱ្យស្លាប់ក្រោយពេលកើតហេតុថ្ងៃទី ២៦ ខែកក្កដាក្រោមការណែនាំ និងយកចិត្តទុក្ខដាក់ពីលោក ស៊ុន សុវណ្ណារិទ្ធិ អភិបាលនៃគណៈអភិបាលខេត្ត បានបញ្ជារឲ្យលោក សាន់ យូ អភិបាលរងខេត្ត លោក យ៉ែម លក្ខិណា អភិបាលស្រុកដឹកនាំកម្លាំងកងនគរបាលកងកម្លាំងអាវុធហត្ថ កងកម្លាំងយោធា ប្រជាពលរដ្ឋ និងប្រជានេសាទដែលមានម៉ាស៊ីនខ្យល់សរុបប្រមាណជាង ៥០ នាក់ ប្រើប្រាស់បាស្មាច់ ជាង១០ គ្រឿង ចុះរុករកសពជនរងគ្រោះជុំវិញចំណុចកើតហេតុ។

សមត្ថកិច្ចចម្រុះបានឲ្យដឹងថា ជាលទ្ធផលសំបកបាឡាស្មាច់ជនរងគ្រោះបានរកឃើញនៅម៉ោង ៩ ព្រឹក សពប្រពន្ធឈ្មោះ អេង យឹម អាយុ៤២ឆ្នាំ រកឃើញនៅម៉ោង ១២ ថ្ងៃទី ២៦  សពរបស់ប្ដីឈ្មោះ រ៉េត រិទ្ធ អាយុ ៣៩ឆ្នាំ រកឃើញ នៅព្រឹកថ្ងៃទី ២៧ លាម៉ោង ៧ ព្រឹក។

សពប្តី និងប្រពន្ធ ត្រូវបានក្រុមគ្រួសារសាច់ញាតិយកទៅធ្វើបុណ្យនៅឯភូមិដំណាក់កកោះ ឃុំពោធិ៍ ស្រុកកំពង់លែង ខេត្តកំពង់ឆ្នាំង។

ករណីខាងលើនេះបន្សល់ទុកកូនកំព្រាបួននាក់ក្រោយពីឪពុកម្ដាយបានស្លាប់ទៅដែលកូនប្អូនបង្អស់ឈ្មោះ ប៉ុន បញ្ញាសាក់អាយុ ១២ ឆ្នាំដែលបានរងគ្រោះក្រឡាប់បាឡាស្មាច់ជាមួយឪពុកម្ដាយ៕

អត្ថបទ៖ ឈៀងថារិទ្ធ