ព័ត៌មានជាតិ

កំពុងលង់លក់ក្នុងដំណេក ត្រូវអគ្គីភ័យឆេះផ្ទះខ្ទេច

បានផុស

៤ years មុន

នៅ

ថ្ងៃព្រហស្បតិ៍ ២៨ មករា ២០២១

ដោយ

ផ្ទះឈើប្រក់ក្បឿងមួយខ្នងមានទំហំ៤ម៉ែត្រ X ៥ម៉ែត្រ ត្រូវបានអគ្គីភ័យឆាបឆេះអស់គ្មានសល់បង្កការភ្ញាក់ផ្អើលទាំងយប់នៅស្រុកអង្គរបូរី។

ហេតុការណ៍នេះកើតឡើងនៅយប់ថ្ងៃទី២៧ ខែមករា ឆ្នាំ២០២១ វេលាម៉ោង២៣និង១០នាទី ស្ថិតនៅភូមិកំពង់ពោធិ៍ ឃុំព្រែកផ្ទោល ស្រុកអង្គរបូរី ខេត្តតាកែវ ដែលម្ចាស់ផ្ទះឈ្មោះ ស្រូយ ភឿន អាយុ៤២ឆ្នាំ និងប្រពន្ធឈ្មោះ អឹម ឃឿន អាយុ៤០ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការរៀបរាប់ពីម្ចាស់ផ្ទះបានឲ្យដឹងថា ពេលកំពុងលង់លក់ក្នុងដំណេកក៏កើតមានអគ្គិភ័យ ដែលករណីនេះអាចបណ្តាលមកពីឆ្លងចរន្តអគ្គិសនីក្នុងផ្ទះ។ គាត់បន្តថា ចំពោះការខាត់បង់ក្រៅពីផ្ទះមួយខ្នង នៅមានទ្រព្យសម្បត្តិសរុបជាប្រាក់ប្រហែលជា១លាន៥០ម៉ឺនរៀលទៀត។

លោក យ៉ុន ប៊ុនយ៉ុង អធិការនគរបាលស្រុកអង្គរបូរី បានឲ្យដឹងដែរថា ក្រោយទទួលបានព័ត៌មាននេះភ្លាម កម្លាំងជំនាញអគ្គីភ័យរបស់អធិការដ្ឋាននគរបាលស្រុកអង្គរបូរី សហការជាមួយកម្លាំងប៉ុស្តិ៍នគរបាលរដ្ឋបាលព្រែកផ្ទោល រួមជាមួយប្រជាការពារភូមិ និងប្រជាពលរដ្ឋក្បែរនោះ បានចេញជួយអន្តរាគមន៍ ក្នុងនោះកម្លាំងបានប្រើប្រាស់ទឹកអស់ចំនួន០២ឡាន ទើបគ្រប់គ្រងអគ្គីភ័យនេះបានរលត់ជាស្ថាពរ និងមិនឆេះឆ្លងរាលដាលដល់ផ្ទះក្បែរខាងនោះទេ ដោយប្រើពេលមួយម៉ោងកន្លះក្នុងការទប់ស្កាត់ហេតុការន៍នេះបាន១០០ភាគរយ៕

អត្ថបទ ៖ វីរៈ