ព័ត៌មានជាតិ

ចុងភៅជនជាតិចិនម្នាក់ ដើរចូលផ្សារទិញបន្លែប្រកាច់ស្លាប់ភ្លាមៗ

បានផុស

៤ years មុន

នៅ

ថ្ងៃព្រហស្បតិ៍ ២៨ មករា ២០២១

ដោយ

Sokhom Khon

បុរសជនជាតិចិនម្នាក់ក្នុងវ័យជាង៥០ឆ្នាំ បានដួលស្លាប់ភ្លាម នៅច្រកចូលផ្សារបន្លែច្បារអំពៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាក្សីបាននិយាយថា ហេតុការណ៍នេះកើតឡើងនៅម៉ោង៧និង៤០នាទីព្រឹក ថ្ងៃទី២៨ ខែមករា នៅតាមបណ្តោយផ្លូវ៣៦៩ ភូមិកណ្តាល សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ។

សាក្សីបានបន្ថែមថា ខណៈពេលជនរងគ្រោះកំពុងយួរបន្លែបំរ៉ុងដាក់លើម៉ូតូកង់បី ស្រាប់តែទន់ជង្គង់ហើយប្រកាច់បាត់មាត់បាត់ករធ្វើឲ្យភ្ញាក់ផ្អើល ហើយនាំគ្នាជួយរឹតដើមទ្រូង ប៉ុន្តែផុតដង្ហើមបាត់ទៅហើយ។

លោក យ៉ិន វុធ ចៅសង្កាត់ច្បារអំពៅទី២ បានប្រាប់កម្ពុជាថ្មីថា បុរសរងគ្រោះបានស្លាប់ដោយខ្យល់គរ។ ហើយបើតាមការអះអាងពីបងប្អូនអាជីវករលក់បន្លែនៅផ្សារបន្លែច្បារអំពៅបានប្រាប់ថា ជនរងគ្រោះជាជនជាតិចិន និងជាចុងភៅដែលតែងតែមកទិញបន្លែយកទៅធ្វើម្ហូបជារៀងរាល់ព្រឹក។ ចៃដន្យ ព្រឹកនេះបានខ្យល់គរស្លាប់តែម្តង។

លោក យ៉ិន វុធ បញ្ជាក់ថា សពជនរងគ្រោះត្រូវបានដឹកយកទៅតម្កល់នៅវត្តពោធិព្រះបាត្រ ហៅវត្តច្បារអំពៅមានទីតាំងនៅតាមបណ្តោយផ្លូវជាតិលេខ១សង្កាត់ច្បារអំពៅទី២ ខណ្ឌច្បារអំពៅដើម្បីរងចាំស្ថានទូតចិនមកចូលរួមធ្វើកោសល្យវិច័យ។ ទោះជាយ៉ាងណាក៏អាជ្ញាធរមិនទាន់ស្គាល់អត្តសញ្ញាណសពនៅឡើយទេ៕

អត្ថបទ ៖ នរា