ព័ត៌មានជាតិ

ឧត្ដមសេនីយ៍ឯក រ័ត្ន ស្រ៊ាង ៖ អ្នកធ្វើតែងតែមានកំហុស ទោះតិចឬច្រើនតែមានលទ្ធផលប្រសើរជាងអ្នកមិនធ្វើសោះ

បានផុស

៤ years មុន

នៅ

ថ្ងៃព្រហស្បតិ៍ ២៨ មករា ២០២១

ដោយ

លោកឧត្ដមសេនីយ៍ឯក រ័ត្ន ស្រ៊ាង បានលើកឡើងថា អ្នកធ្វើតែងតែមានកំហុស ទោះតិចឬច្រើនតែមានលទ្ធផលប្រសើរជាងអ្នកមិនធ្វើសោះ នៅព្រឹកនេះនៅហ្វេសប៊ុកផ្ទាល់ខ្លួនរបស់លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧត្តមសេនីយ៍ឯករ័ត្ន ស្រ៊ាង មេបញ្ជាការរង បាននិយាយនៅមុននេះបន្តិចថា ជានិច្ចកាលលោក តែងតែណែនាំ និងចេញបទបញ្ជាដល់កម្លាំងសមាជិកអាវុធហត្ថទូទាំងរាជធានីភ្នំពេញគ្រប់ៗរូបថា ក្នុងនាមជាកម្លាំងអាវុធហត្ថត្រូវតែដាក់ចិត្តដាក់កាយ លះបង់ពេលវេលាផ្ទាល់ខ្លួននិងពេលវេលាជួបជុំគ្រួសារ មកបម្រើពលរដ្ឋឲ្យបានច្រើនបំផុតតាមតែអាចធ្វើបានដោយមិនថាយប់ថ្ងៃភ្លៀងខ្យល់នោះឡើយ។ ជាការពិតណាស់ «អ្នកធ្វើតែងតែមានកំហុស ទោះតិចឬច្រើនតែមានលទ្ធផលប្រសើរជាងអ្នកមិនធ្វើសោះ »។

នេះគឺជាបទបញ្ជាជាប្រចាំថ្ងៃរបស់លោកឧត្តមសេនីយ៍ឯក រ័ត្ន ស្រ៊ាង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ មេបញ្ជាការ កងរាជអាវុធហត្ថរាជធានីភ្នំពេញ ដែលបានដាក់ជាទិសដៅយុទ្ធសាស្ត្រដល់កងកម្លាំងរាជអាវុធហត្ថទូទាំងរាជធានីអនុវត្តន៍គ្រប់ពេលវេលាមិនថា យប់ថ្ងៃដើម្បីបម្រើសេចក្តីសប្បាយជូនប្រជាពលរដ្ឋ ដែលជាចៅហ្វាយនាយ។

ទន្ទឹមនឹងនេះដែរលោកឧត្តមសេនីយ៍ឯក រ័ត្ន ស្រ៊ាង បានណែនាំឲ្យមន្ត្រីអាវុធហត្ថទូទាំងរាជធានីភ្នំពេញទាំងអស់ បង្កើនការធ្វើអនាម័យ ដើម្បីបញ្ចៀសជំងឺរាតត្បាតកូវីដ១៩ពិសេសបំផុត ត្រូវអនុវត្តន៍នូវគម្លាតបុគ្គល និងគម្លាតសង្គមតែម្តង ដែលជាកត្តាសំខាន់នៃការបញ្ចៀសជំងឺកូវីដ១៩ដ៏កាចសាហាវនេះ បានពីព្រោះជំងឺរាតត្បាតមួយនេះ បានឆក់យកអាយុជីវិតមនុស្សរាប់លាននាក់និងឆ្លងរាប់រយលាននាក់ហើយនៅលើពិភពលោក។

ក្រៅពីអនុវត្តន៍នូវភារកិច្ចដូចខាងលើ រួចមកនោះកម្លាំងអាវុធហត្ថផ្នែកអន្តរាគមន៍ ក្នុងទីបញ្ជាការ បានរៀនបំប៉នក្បាច់គុណចំបាប់ ស្នៀតចាប់បោក ចាប់កាច់ (ក្លេ) ចេញល្បាតក្បួនម៉ូតូ ឡានតាមដងផ្លូវ ដើម្បីបង្កើនសមត្ថភាព និងការពារខ្លួន ពេលប៉ះទង្គិចជាមួយជនសង្ស័យ ក្នុងនោះដែរកម្លាំងផ្សេងៗទៀតនាំគ្នាធ្វើលំហាត់ប្រាណ លេងកីឡា ដើម្បីសុខភាពល្អមាំងមួនបំពេញកាតព្វកិច្ចបន្តក្នុងនាមមន្ត្រីជាអ្នកបម្រើប្រជាពលរដ្ឋ ដោយភាពស្មោះត្រង់មិនគិតនឿយហត់ឬ យប់ថ្ងៃភ្លៀងខ្យល់ឡើយ៕

អត្ថបទ៖ វិមាន

Related Topics:សណ្ដាប់ធ្នាប់