ព័ត៌មានជាតិ

ជំរឿនលើកដំបូងឆ្នាំ ១៩៦២ ពលរដ្ឋកម្ពុជាមានត្រឹមជាង ៥ លាននាក់ប៉ុណ្ណោះ

បានផុស

៤ years មុន

នៅ

ថ្ងៃព្រហស្បតិ៍ ២៨ មករា ២០២១

ដោយ

កម្ពុជាបានបញ្ចប់ការធ្វើជំរឿនលើកទី ៤ ក្នុងរយៈពេលជាង ៥០ ឆ្នាំចុងក្រោយ។ ការធ្វើជំរឿនលើកដំបូង បានធ្វើឡើងនៅឆ្នាំ ១៩៦២ ក្នុងជំនាន់សង្គមរាស្រ្តនិយម និងលើកទីពីរនៅឆ្នាំ ១៩៩៨ ក្រោយកម្ពុជាបញ្ចប់សង្រ្គាមស៊ីវិល និងរបបសម័យពូជសាសន៍ខ្មែរក្រហម និងលើកទី ៣ នៅឆ្នាំ ២០០៨ និងលើកទី ៤ នៅឆ្នាំ ២០១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមទិន្នន័យបង្ហាញការប្រែប្រួលអត្រាកំណើនប្រជាជនដូចតទៅ៖

-ជំរឿនឆ្នាំ ១៩៦២ ជាជំរឿនលើកដំបូងក្រោយប្រទេសកម្ពុជាទទួលបានឯករាជ្យ ប្រជាជនកម្ពុជាមានចំនួន ៥,៧ លាននាក់។

-ជំរឿនលើកទីពីរ ឆ្នាំ ១៩៩៨ ចំនួនប្រជាជនកើនដល់ ១១,៤ លាននាក់។

-ជំរឿនលើកទីបី ឆ្នាំ ២០០៨ ចំនួនបានកើនដល់ ១៣,៤ លាននាក់។

-ការធ្វើជំរឿនចុងក្រោយឆ្នាំ ២០១៩ ដែលចេញប្រកាសជាផ្លូវការអត្រាកំណើនប្រជាជនមានជាង ១៥,៥ លាននាក់។

បើយោងតាមការធ្វើជំរឿនពីរលើកចុងក្រោយ អត្រាមានកូនរបស់ប្រជាជនកម្ពុជាមានកម្រិតទាប។ យោងតាមលទ្ធផលជំរឿនប្រជាជនឆ្នាំ ២០០៨ អត្រាលទ្ធភាពបង្កើតកូនសរុបគឺ ២,៧ នាក់ ក្នុងស្រ្តីម្នាក់។ ចំណែកលទ្ធផលជំរឿនប្រជាជនឆ្នាំ ២០១៩ អត្រាលទ្ធផលបង្កើតកូនសរុប ២,៥ នាក់ក្នុងស្រ្តីម្នាក់។

ទាក់ទងកំណើនប្រជាជនតិចនេះ សម្តេចក្រឡាហោម ស ខេង ឧបនាយករដ្ឋមន្រ្តីធ្លាប់ថ្លែងកន្លងទៅ ដោយលើកទឹកចិត្តពលរដ្ឋយកកូនឲ្យបានច្រើន។

សម្តេចថ្លែងថា ពលរដ្ឋគួរយកកូនឲ្យបានជាមធ្យម ៥ នាក់ ក្នុង ១ គ្រួសារ ដើម្បីឲ្យអត្រាប្រជាជនកើនឡើងទ្វេដង។ សម្តេចបញ្ជាក់ថា ដោយសារកម្ពុជាមានទឹកដីនៅធំទូលាយ បើមានកូនច្រើនកាលណាល្អកាលហ្នឹងត្រឹម ៥ ទៅ ៦ អីល្មម។

Related Topics:ជំរឿន