ព័ត៌មានជាតិ

ពលរដ្ឋជាច្រើនបញ្ចេញមតិ ក្រោយ លោក គួច ចំរើន បង្ហោះសារទាក់ទងរឿងសំរាម

បានផុស

៤ years មុន

នៅ

ថ្ងៃអាទិត្យ ១ វិច្ឆិកា ២០២០

ដោយ

កាលពីថ្ងៃទី៣១ ខែតុលា ឆ្នាំ២០២០ លោក គួច ចំរើន អភិបាលខេត្តព្រះសីហនុ បានធ្វើការបង្ហោះសារតាមផេកហ្វេសប៊ុកផ្លូវការរបស់លោក ភ្ជាប់ជាមួយរូបភាពប៉ុន្មានសន្លឹក ដែលមានខ្លឹមសារថាអាណិត ដប កំប៉ុង ថង់ … ពេលយកមកទុកដាក់ល្អណាស់ ពេលប្រើប្រាស់រួច គប់ បោះ ផ្ដេសផ្ដាស គ្រប់ទីកន្លែង។ វេទនាអ្នករើស។ រីករាយឆ្នេរសមុទ្រកម្ពុជា។ ជាមួយនោះ ក៏មានពលរដ្ឋ ធ្វើការបញ្ចេញមតិជាច្រើន ទៅលើរឿងសំរាមនោះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញក្រោយពី លោកអភិបាលខេត្តព្រះសីហនុ បង្ហោះសារខាងលើរួចមក ក៏មានបងប្អូនប្រជាពលរដ្ឋជាច្រើន បានធ្វើការខមិនបញ្ចេញមតិយោបល់រិះគន់ដើម្បីស្ថាបនាផងដែរ។ ក្នុងនោះ សូមលើកយកមតិរបស់បងប្រុសម្នាក់ ដែលគាត់បានសរសេរបញ្ចេញជាយោបល់ថា គ្មានសីលធម៌ និងសម្បជញ្ញៈ ដូច្នេះគឺមានតែប្រើវិធានការច្បាប់ ទើបមនុស្សពង្រាយសំរាម និងបោះសំរាមផ្ដេសផ្ដាសមានការភ្ញាក់រលឹកបានខ្លះ។ ចំណែកឯបងប្រុសម្នាក់ទៀត ក៏បានលើកឡើងផងដែរថា សូមបងប្អូនដែលបានជួបប្រទះផ្ទាល់ ពេលឃើញប្រជាពលរដ្ឋបោះចោលសំរាមផ្តេសផ្តាស សូមជួយណែនាំគាត់ផង ដើម្បីឲ្យគាត់យល់ដឹងបន្ថែមពីរបៀបទុកដាក់សំរាម មានតែបងប្អូនជួយទើបអាចធ្វើឲ្យបរិស្ថានយើងបានស្អាតជានិច្ច បើពឹងតែលើអាជ្ញាធរ ពួកគាត់ច្បាស់ជាទប់មិនឈ្នះទេ ព្រោះអ្នកចោលសំរាម មិនដែលចោលពេលអាជ្ញាធរនៅប្រចាំការទេ ការស្ដីបន្ទោសពីសំណាក់ប្រជាពលរដ្ឋដូចគ្នាទៅលើអ្នកចោលសំរាមគ្មានរបៀប អាចធ្វើឲ្យពួកគាត់ខ្មាសអៀន លែងហ៊ានចោលផ្ដេសផ្ដាសទៀត។ អគុណលោកពូ ដែលបានប្រឹងប្រែងធ្វើឲ្យបរិស្ថានឆ្នេរសមុទ្រស្អាត។

បន្ថែមពីនោះ មិនត្រឹមតែមានការបញ្ចេញមតិយោបល់ពីបងប្អូនប្រជាពលរដ្ឋក្នុងន័យស្ថាបនា និង ឲ្យមានសីលធម៌ ប៉ុណ្ណោះទេ ថែមទាំងមានការស៊ែចែករំលែកនូវសាររបស់ លោកអភិបាលខេត្តព្រះសីហនុ ដែលបានបង្ហោះខាងលើនោះយ៉ាងច្រើនផងដែរ៕