Connect with us

ព័ត៌មានជាតិ

ទឹកទន្លេមេគង្គ ខេត្តកំពង់ចាម ​ឡើងដល់ ៨,៧៦ ម៉ែត្រ ខ្ពស់ជាងឆ្នាំមុន

បានផុស

នៅ

ស្ថានភាពអាកាសធាតុក្នុងខេត្តកំពង់ចាម-ត្បូងឃ្មុំ​ មួយរយៈ​ចុងក្រោយ​នេះ​ មានធ្លាក់ភ្លៀងតាមតំបន់ ហេីយទឹកទន្លេមេគង្គ ក៏បានបន្តហក់ឡើងជាបន្ទបន្ទាប់​​ ពោលឡើងដល់ ៨,៧៦ ម៉ែត្រ ខ្ពស់ជាងឆ្នាំមុន ប៉ុន្តែ​មិនទាន់ដល់កម្រិតប្រកាសអាសន្ននៅឡេីយទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍កម្ពស់ទឹក ពីមន្ទីរធនធានទឹក និងឧត្តុនិយម ខេត្តកំពង់ចាម​ បានបញ្ជាក់ថា នៅថ្ងៃទី៣១​ ខែកក្កដា​ ឆ្នាំ២០២៣នេះ ទឹកទន្លេមេគង្គខេត្តកំពង់ចាម មានកម្ពស់ ៨,៧៨ ម៉ែត្រ ធៀបថ្ងៃម្សិលមិញ ទឹកឡើង ០,០៨ ម៉ែត្រ។ ដោយឡែកកម្ពស់ទឹកនាពេលនេះ បើធៀបទៅឆ្នាំ២០២២ ទឹកទន្លេមានកម្ពស់តែ ៨,២៤ ម៉ែត្រ។

កម្ពស់ទឹកទន្លេឡេីងនៅពេលនេះ​ បានហូរចូលទៅតំបន់វាលទំនាបចំនួន ៥ កន្លែង​ ក្នុងនោះស្រុកកងមាស​ ១ កន្លែង ស្រុកកំពង់សៀម​ ២ កន្លែង និងស្រុកស្ទឹងត្រង់​ចំនួន ២ កន្លែង​។ ដោយឡែកនៅតាមដងទន្លេតូច​ ក្នុងស្រុកកោះសូទិន​ ការធ្វេីដំណេីររបស់ប្រជាពលរដ្ឋ​​នៅរដូវនេះ​ គឺធ្វេីដំណេីរតាមទូកចម្លង​ ឬកាណូត​ឆ្លងពីត្រេីយម្ខាងទៅម្ខាង។

ប្រជាពលរដ្ឋ ដែលរស់នៅតាមដងទន្លេមេគង្គ ដូចក្នុងខេត្តកំពង់ចាម-ត្បូងឃ្មុំ​ បានលើកការព្រួយបារម្ភថា បើទឹកទន្លេឡើងតូចដូចឆ្នាំទៅ គឺពួកគាត់ជួបការលំបាកក្នុងការងារបង្កបង្កើនផល ជាពិសេសធ្វើឱ្យដីរឹង ពិបាកភ្ជួររាស់ សំបូរសត្វកណ្តុរ និងស្រមោចមករំខាន។

ក្រៅពីនោះ ទឹកតូចពេក ក៏មិនបាននាំមកនូវដីល្បាប់ សម្រាប់ការងារដាំដុះដំណាំផ្សេងៗ ប៉ុន្តែបើទឹកជំនន់ធំ និងអូសបន្លាយយូរពេក ក៏ពួកគាត់មិនចង់បានដែរ ពោលគឺ ពួកគាត់ប្រាថ្នាចង់បាននូវកម្ពស់ទឹកជំនន់សមល្មម និងអាចលិចដីបង្កបង្កើនផល ត្រឹមតែរយៈពេលខ្លីប៉ុណ្ណោះ គឺគ្រប់គ្រាន់សម្រាប់ពួកគាត់៕

អត្ថបទ ​និង​រូបភាព​៖ ​ឡេក​ ចាន់ពេជ្រ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៣ នាទីutes មុន

មន្ត្រី​ជាន់ខ្ពស់​នៃ​ក្រសួងសាធារណការ​ និង​ដឹកជញ្ជូន​បន្តចុះពិនិត្យ​វឌ្ឍនភាព​ការ​ស្ថាបនាផ្លូវជាតិលេខ៧

ព័ត៌មានជាតិ៥៧ នាទីutes មុន

អភិបាលរងរាជធានី ស្នើ​ឱ្យ​សមត្ថកិច្ច​ និង​ម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ

ព័ត៌មានជាតិ២ ម៉ោង មុន

សម្តេចធិបតី ជំរុញឱ្យពន្លឿនការរៀបចំនូវច្បាប់សន្តិសុខសាយប័រ

សន្តិសុខសង្គម២ ម៉ោង មុន

ជនរងគ្រោះពីរនាក់ទៀត ក្នុងហេតុការណ៍ឆេះក្លឹបនៅខណ្ឌដង្កោ បានស្លាប់នៅរសៀលនេះ

ព័ត៌មានជាតិ៣ ម៉ោង មុន

សម្ដេច ហ៊ុន ម៉ាណែត ថា សម័យបច្ចេកវិទ្យា អ្នកខ្លះយកទូរសព្ទសំខាន់ជាងគ្រួសារ

Sokha Hotels

ព័ត៌មានពេញនិយម