ព័ត៌មានជាតិ

អាជ្ញាធរអំពាវនាវឲ្យពលរដ្ឋដែលរស់នៅតាមដងទន្លេស្រែពក និងទន្លេសេសាន បង្កើនការប្រុងប្រយ័ត្នខ្ពស់ ខណៈទឹកភ្លៀងនៅតែបន្តធ្លាក់

បានផុស

២ years មុន

នៅ

ថ្ងៃអង្គារ ១ សីហា ២០២៣

ដោយ

រតនគិរី ៖ គណៈកម្មាធិការជាតិគ្រប់គ្រងគ្រោះមហន្តរាយខេត្តរតនគិរី បានអំពាវនាវដល់ពលរដ្ឋដែលរស់នៅតាមដងទន្លេស្រែពក និងរស់នៅតាមដងទន្លេសេសាន បង្កើនការប្រុងប្រយ័ត្នឲ្យបានខ្ពស់ ខណៈកម្ពស់ទឹកនៅតាមដងទន្លេមេគង្គអាចនឹងហក់ឡើងក្នុងកម្រិតគួរឲ្យកត់សម្គាល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណៈកម្មាធិការជាតិគ្រប់គ្រងគ្រោះមហន្តរាយខេត្តរតនគិរី អំពាវនាវប្រជាពលរដ្ឋដែលរស់នៅតាមដងទន្លេស្រែពក ស្ថិតក្នុងស្រុកលំផាត់ និងស្រុកកូនមុំ និងរស់នៅតាមដងទន្លេសេសាន ស្ថិតក្នុងស្រុកអូយ៉ាដាវ ស្រុកអណ្តូងមាស ស្រុកវើនសៃ ស្រុកតាវែង នៃខេត្តរតនគិរី ត្រៀមលក្ខណៈការពារទុកជាមុន ដើម្បីជៀសវាងគ្រោះថ្នាក់ជាយថាហេតុ។

តាមការព្យាករណ៍របស់ក្រសួងធនធានទឹក និងឧតុនិយម ចាប់ពីថ្ងៃទី២ ដល់ថ្ងៃទី៨ ខែសីហា ឆ្នាំ២០២៣ កម្ពុជាទទួលរងនូវសម្ពាធ និងព្យុះជាបន្តបន្ទាប់បណ្តាលឲ្យទឹកទន្លេហក់ឡើងក្នុងកម្រិតគួរឲ្យកត់សម្គាល់។

គណៈកម្មាធិការជាតិគ្រប់គ្រងគ្រោះមហន្តរាយខេត្តរតនគិរីប្រាប់ថា ប្រជាពលរដ្ឋដែលរងគ្រោះដោយសារទឹកទន្លេមេគង្គហក់ឡើង អាចខលមកតាមលេខទូរសព្ទបន្ទាន់គឺ ១២៩៤ រួចអនុវត្តមានការណែនាំ៕

ដោយ ៖ វុទ្ធឦសាន