សម្ដេចតេជោ ហ៊ុន សែន ៖ អគ្គស្នងការនគរបាលជាតិ អាចនឹងមានការផ្លាស់ប្ដូរ សម្រាប់អាណត្តិទី ៧នេះ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ថា អគ្គស្នងការនគរបាលជាតិ អាចនឹងមានការផ្លាស់ប្ដូរ សម្រាប់អាណត្តិទី ៧នេះ ហើយឯកឧត្តម នាយឧត្តមសេនីយ៍សន្តិបណ្ឌិត នេត សាវឿន នឹងត្រូវឡើងកាន់តំណែងជាឧបនាយករដ្ឋមន្ត្រី។ ការបញ្ជាក់របស់សម្ដេចតេជោ ហ៊ុន សែន បានធ្វើឡើងក្នុងពិធីសម្ពោធដាក់ឲ្យប្រើប្រាស់ផ្លូវក្រវាត់ក្រុងទី ៣ នាព្រឹកថ្ងៃទី ៣ ខែសីហា ឆ្នាំ ២០២៣នេះ។   

នៅក្នុងឱកាសនេះ សម្ដេចតេជោ ហ៊ុន សែន បានបញ្ជាក់ថា ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ នឹងត្រូវឡើងកាន់តំណែងជាឧបនាយករដ្ឋមន្ត្រី ដើម្បីជួយកិច្ចការរបស់នាយករដ្ឋមន្ត្រី។

សម្ដេចតេជោ ហ៊ុន សែន បានថ្លែងបែបនេះថា «អគ្គប៉ូលីស អាចនឹងមានការផ្លាស់ប្ដូរ និយាយតាមមួយបែបទៅគឺថា អគ្គប៉ូលីស អាចនឹងមានការផ្លាស់ប្ដូរទៅកាន់តំណែង តាមត្រង់ទៅចុះឧបនាយករដ្ឋមន្ត្រី ដែលនឹងជួយនាយករដ្ឋមន្ត្រី លើកិច្ចការជាច្រើនដែលនាយករដ្ឋមន្ត្រីប្រគល់ឲ្យនៅពេលនោះៗ»៕