ព័ត៌មានជាតិ

ជនជាតិថៃ១៥នាក់ ត្រូវសមត្ថកិច្ចឃាត់ខ្លួន ក្រោយពួកគេប្រាប់ថា វង្វេងផ្លូវមិនមានបំណងចូលទឹកដីខ្មែរទេ

បានផុស

៤ years មុន

នៅ

ថ្ងៃព្រហស្បតិ៍ ២៨ មករា ២០២១

ដោយ

បើយោងតាមលោកវរសេនីយ៍ទោ ម៉ែន រីម អធិការនគរបាលស្រុកសំឡូតបានឲ្យដឹងថា កាលពីវេលាម៉ោង៥និង២០នាទីព្រឹកថ្ងៃទី២៨ ខែមករា ឆ្នាំ២០២១ នៅចំណុចផ្លូវបំបែកភូមិពាមតា ឃុំតាតោកស្រុកសំឡូត ខេត្តបាត់ដំបង សមត្ថកិច្ចបានធ្វើការឃាត់ខ្លួនជនជាតិថៃប្រុសស្រីចំនួន១៥នាក់ រួមជាមួយតៃកុងឡានជាជនជាតិខ្មែរ០២នាក់ផ្សេងទៀត ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបន្តថា ជនជាតិថៃដែលត្រូវឃាត់ខ្លួនទាំង១៥នាក់ ក្នុងនោះស្រី១១នាក់ដែលពួកគេមកពីខេត្តជាងរ៉ៃចំនួន១៣នាក់ ខេត្តឈាងម៉ៃចំនួន០១នាក់ និងក្រុងបាងកកចំនួន០១នាក់។ ដោយឡែក អ្នកបើកបរជាជនជាតិខ្មែរ ទាំង០២នាក់រួមមាន ១. ឈ្មោះ គឹម ឡៃ ភេទប្រុស អាយុ៣៧ឆ្នាំ មានទីលំនៅភូមិស្លក្រាម សង្កាត់ស្លក្រាម ក្រុងសៀមរាប ខេត្តសៀមរាប។ ២. ឈ្មោះ ហេង អាត ភេទប្រុស អាយុ៤០ឆ្នាំ មានទីលំនៅភូមិជញ្លុង សង្កាត់សាលាកំរើក ក្រុងសៀមរាបខេត្តសៀមរាប ជាមួយនឹងរថយន្តម៉ាកស្តារិចចំនួន០២គ្រឿង ផងដែរ។

លោកអធិការបានបញ្ជាក់បន្ថែមថា ក្រោយធ្វើការសាកសួរពួកគេបានប្រាប់ថា ដោយសារតែការធ្វើដំណើរវង្វេងផ្លូវ មិនមានបំណងណាមួយចូលមកទឹកដីកម្ពុជានោះទេ។ បច្ចុប្បន្នជនជាតិថៃប្រុសស្រីទាំង១៥នាក់ រហូតមកដល់ពេលនេះ ត្រូវបានសមត្ថកិច្ចនៃអធិការស្រុកសំឡូតបញ្ជូនទៅកាន់នគរបានអន្តោប្រវេសន៍ប្រចាំច្រកអន្តរជាតិដូងនៃស្រុកកំរៀង ដើម្បីចាត់ចែងបន្តតាមនីតិវិធី៕

អត្ថបទ៖ សៅ សារិទ្ធ

សូមចុចអាន៖ ឃាត់ខ្លួនស្ត្រីមេខ្យល់ម្នាក់ ពាក់ព័ន្ធករណីនាំក្មេងស្រី អនីតិជនឲ្យភ្ញៀវ