ព័ត៌មានជាតិ
មន្ត្រីនគរបាលជាតិ៧៤នាក់ ទើបមកពីវៀតណាមត្រូវធ្វើចត្តាឡីស័ក១៤ថ្ងៃ នៅខេត្តស្វាយរៀង
មន្ត្រីនគរបាលជាតិចំនួន៧៤នាក់ ជាសិក្ខាកាមបញ្ចប់វគ្គបណ្ដុះបណ្ដាលថ្នាក់ជំនាញតម្រួតនិងពន្ធនាគារដែលទើបវិលត្រឡប់មកពីប្រទេសវៀតណាម ត្រូវបានក្រុមការងារមន្ទីរសុខាភិបាលខេត្តស្វាយរៀងយកទៅធ្វើចត្តាឡីស័ករយៈពេល១៤ថ្ងៃទៅតាមវិធានរបស់ក្រសួងសុខាភិបាល។

លោក វេជ្ជបណ្ឌិត កែ រដ្ឋា ប្រធានមន្ទីរសុខាភិបាលខេត្តស្វាយរៀងបានឲ្យដឹងនៅរសៀលថ្ងៃទី២៨មករានេះថាមន្ត្រីនគរបាលជាតិ៧៤នាក់នោះ ត្រូវបានក្រុមការងារយកទៅធ្វើចត្តាឡីស័កចំនួន១៤ថ្ងៃនិងយកសំណាកចំនួន២ដងបើលទ្ធផលអវិជ្ជមានទើបយើងអនុញ្ញឲ្យពួកគាត់វិលត្រឡប់ទៅផ្ទះរៀងៗខ្លួនវិញ។

លោកបានបន្តថា ក្នុងចំណោម៧៤នាក់នោះយើងបានបញ្ជួនទៅធ្វើចត្តាឡីស័កនៅមណ្ឌលបាវិតចំនួន១៨នាក់នៅមណ្ឌលចត្តាឡីស័កនៅស្វាយរៀងចំនួន៥០និង២នាក់ទៀតដែលមានអាការៈក្តៅខ្លួន ក្អកផ្តាសាយត្រូវបញ្ជួនមកធ្វើចត្តាឡីស័កនៅមន្ទីរពេទ្យបង្អែកជម្ភូដើម្បីពិនិត្យនិងតាមដានសុខភាពជាបន្ត។

គួរបញ្ជាក់ថា មន្ត្រីនគរបាលជាតិ៧៤នាក់នោះ ដឹកនាំដោយលោកវរសេនីយ៍ឯក អុល សុភ័ក្ត្រ នាយការិយាល័យផែនការ នៃនាយកដ្ឋានបុគ្គលិកបានធ្វើដំណើរពីប្រទេសវៀតណាមនៅព្រឹកថ្ងៃទី២៨ ខែមករា ឆ្នាំ២០២១ចូលមកប្រទេសកម្ពុជាតាមប៉ុស្តិ៍នគរបាលច្រកទ្វារព្រំដែនអន្តរជាតិបាវិតបន្ទាប់ពីបានបញ្ចប់វគ្គបណ្ដុះបណ្ដាលថ្នាក់ជំនាញតម្រួត និងពន្ធនាគារ នៅមហាវិទ្យាល័យតម្រួតប្រជាជន នៃក្រសួងនគរបាលវៀតណាម៕
ដោយ ៖ សំអឿន


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី