ព័ត៌មានជាតិ
តើឥស្សរជនណាខ្លះដែលអាចនៅរក្សាតំណែងជាសមាជិករាជរដ្ឋាភិបាល អាណត្តិថ្មីនេះ?
សម្ដេចតេជោ ហ៊ុន សែន បង្ហើបឱ្យដឹងថា រដ្ឋមន្ត្រីមួយចំនួនដែលមានអាយុក្រោម៧០ឆ្នាំ នឹងត្រូវបានបន្តរក្សាតំណែងជារដ្ឋមន្ត្រីសម្រាប់សមាសភាពរាជរដ្ឋាភិបាលថ្មី អាណត្តិទី៧នេះ ខណៈរដ្ឋមន្ត្រីចាស់ៗខ្លះ អាចកាន់ជាទេសរដ្ឋមន្រ្តី ទទួលបន្ទុកបេសកកម្មពិសេស។
![](https://www.kampucheathmey.com/wp-content/uploads/2023/08/image-183.png)
បើតាមការប្រកាសរបស់សម្ដេចតេជោ ហ៊ុន សែន នៅថ្ងៃទី៣ ខែសីហា ឆ្នាំ២០២៣ អ្នកជំនាន់ក្រោយ ដែលនឹងចូលមកដឹកនាំរាជរដ្ឋាភិបាលថ្មី នាពេលខាងមុខនេះ គឺបានត្រៀមលក្ខណៈបានយ៉ាងល្អ ដើម្បីមកទទួលអម្រែកពីអ្នកចាស់។
សម្ដេចតេជោ អះអាងថា ក្រុមអ្នកបន្តវ័យក្មេងមួយចំនួនរបស់គណបក្សប្រជាជនកម្ពុជា បានដាក់បញ្ចូលក្នុងសមាសភាពរាជរដ្ឋាភិបាលយូរមកហើយ។ ដូច្នេះ អ្នកទាំងនេះមានលក្ខណៈសម្បត្តិ និងលក្ខខណ្ឌគ្រប់គ្រាន់ ដើម្បីក្លាយជាអ្នកបន្តវេនប្រកបដោយសមត្ថភាពក្នុងការបន្តដឹកនាំកម្ពុជា។
![](https://www.kampucheathmey.com/wp-content/uploads/2023/08/5-1-1024x614.jpg)
ក្រុមអ្នកបន្តវ័យក្មេងទាំងនោះ សម្ដេចសំដៅលើលោក អូន ព័ន្ធមុនីរ័ត្ន លោក ហង់ជួន ណារ៉ុន លោក សាយ សំអាល់ លោក ឌិត ទីណា លោក កើត រិទ្ធ និងលោក ជា វ៉ាន់ដេត។ សម្ដេចតេជោ ក៏បានបង្ហើបឱ្យដឹងដែរថា រដ្ឋមន្ត្រីក្រសួងកិច្ចការនារី លោកស្រី អ៊ឹង កន្ថាផាវី និងរដ្ឋមន្ត្រីក្រសួងវប្បធម៌ លោកស្រី ភឿង សកុណា ក៏នឹងបន្តរក្សាតំណែងនេះដដែល មិនមានការដោះដូរនោះឡើយ។
បើតាមសម្ដេចតេជោ ហ៊ុន សែន សមាសភាពនៃគណៈរដ្ឋមន្ត្រីថ្មី អាណត្តិទី៧ ដែលដឹកនាំដោយឯកឧត្តមបណ្ឌិត ហ៊ុន ម៉ាណែត គឺជិតពាក់កណ្ដាលមានសញ្ញាបត្របណ្ឌិត ខណៈរដ្ឋមន្រ្តីគ្រប់គ្រងក្រសួងនានា ត្រូវមានលក្ខខណ្ឌអាយុក្រោម ៧០ឆ្នាំ។
![](https://www.kampucheathmey.com/wp-content/uploads/2023/08/4-2-edited.jpg)
ដោយឡែករដ្ឋមន្ត្រីអាណត្តិចាស់ខ្លះ ដែលមានវ័យជាង៧០ឆ្នាំ ត្រូវកាន់ជាទេសរដ្ឋមន្ត្រី ទទួលបន្ទុកបេសកកម្មពិសេស។ ជាមួយគ្នានេះ លោក នេត សាវឿន អគ្គស្នងការនគរបាលជាតិ និងលោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន ត្រូវបានដំឡើងជាឧបនាយករដ្ឋមន្រ្តី គឺមានន័យថា តំណែងរដ្ឋមន្ត្រីក្រសួងសាធារណការ និងតំណែងអគ្គស្នងការនគរបាលជាតិ នឹងត្រូវផ្លាស់ប្ដូរ ហើយជំនួសដោយអ្នកថ្មី។
![](https://www.kampucheathmey.com/wp-content/uploads/2023/08/3-2-edited.jpg)
សម្ដេចតេជោ ហ៊ុន សែន ក្នុងនាមជានាយករដ្ឋមន្ត្រីចាំផ្ទះ បានលើកឡើងថា ការផ្ទេរអំណាចឱ្យក្រុមយុវជន នៅពេលនេះ ជាការប្រសើរបំផុត ដើម្បីធានាបាននិរន្តរភាព ស្ថិរភាពសង្គម និងសេចក្ដីសុខទាំងអស់គ្នា ដោយរាជរដ្ឋាភិបាលវ័យក្មេងនេះ នឹងចេញដំណើរជាមួយនឹងក្រុមមានអាយុច្រើនរួមគ្នា៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?