ព័ត៌មានជាតិ
គ.ជ.ប នឹងប្រកាសលទ្ធផលបោះឆ្នោតផ្លូវការ នៅថ្ងៃទី ៥ សីហា ខណៈគ្មានពាក្យបណ្ដឹងណាមួយឡើយ
មន្ត្រីជាន់ខ្ពស់ គ.ជ.ប បានបញ្ជាក់ថា បន្ទាប់ពីរយៈពេល ៧២ម៉ោង នៃការប្រកាលទ្ធផលបណ្ដោះអាសន្ន សម្រាប់ការបោះឆ្នោតជ្រើសតាំង តំណាងរាស្រ្ដ នីតិកាលទី ៧មក គឺ គ.ជ.ប មិនទទួលបានពាក្យបណ្ដឹងណាមួយនោះទេ។ ដូច្នេះ គ.ជ.ប នឹងប្រកាសលទ្ធផលបោះឆ្នោតផ្លូវការ នៅថ្ងៃទី ៥ ខែសីហា ឆ្នាំ ២០២៣ស្អែកនេះ។

កាលពីថ្ងៃទី ១ ខែសីហា ឆ្នាំ ២០២៣កន្លងទៅនេះ គ.ជ.ប បានប្រកាសផ្សាយលទ្ធផលបណ្ដោះអាសន្ននៃការបោះឆ្នោតជ្រើសតាំង តំណាងរាស្រ្ត នីតិកាលទី ៧ ឆ្នាំ ២០២៣។
លទ្ធផលបណ្ដោះអាសន្ន ដែលប្រកាសដោយ គ.ជ.ប បានបង្ហាញថា គណបក្សប្រជាជនកម្ពុជា ទទួលបានសំឡេងគាំទ្រដ៏ច្រើនលើសលប់រហូតដល់ ៦,៣៩៨,៣១១សំឡេង បន្ទាប់មកគឺគណបក្សហ៊្វុនស៊ិនប៉ិច ទទួលបានសំឡេងគាំទ្រសរុប ៧១៦,៤៩០សំឡេង។ ការគណនាក្រៅផ្លូវការបង្ហាញថា គណបក្សប្រជាជនកម្ពុជា ទទួលបានចំនួន ១២០ អាសនៈ និងគណបក្សហ៊្វុនស៊ិនប៉ិច ទទួលបាន ៥ អាសនៈ។

គ.ជ.ប បានបញ្ជាក់ថា អនុលោមតាមមាត្រា ១៣១ នៃច្បាប់ ស្ដីពី ការបោះឆ្នោតជ្រើសតាំង តំណាងរាស្រ្ត ចែងថា បន្ទាប់ពីការប្រកាសលទ្ធផលបណ្ដោះអាសន្ន ក្នុងរយៈពេល ៧២ម៉ោងយ៉ាងយូរ គ្រប់គណបក្សនយោបាយ ដែលបានឈរឈ្មោះបោះឆ្នោត អាចប្ដឹងតវ៉ាអំពីលទ្ធផលមួយផ្នែក ឬលទ្ធផលទាំងអស់ នៃការបោះឆ្នោតមក គ.ជ.ប ឬទៅក្រុមប្រឹក្សាធម្មនុញ្ញ ដោយផ្ទាល់ក៏បាន។
លោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប មានប្រសាសន៍ប្រាប់កម្ពុជាថ្មីថា ក្នុងអំឡុងពេល ៧២ម៉ោង បន្ទាប់ពី គ.ជ.ប ប្រកាសលទ្ធផលបណ្ដោះអាសន្ន មិនមានពាក្យបណ្ដឹងណាមួយ ដាក់មកកាន់ គ.ជ.ប នោះទេ។ ចំពោះលទ្ធផលបោះឆ្នោតផ្លូវការ នឹងត្រូវធ្វើឡើងនៅព្រឹកថ្ងៃទី ៥ ខែសីហា ឆ្នាំ ២០២៣។
លោក សោម សូរីដា បានបញ្ជាក់បែបនេះថា «ក្នុងអំឡុងពេល ៧២ ម៉ោងបន្ទាប់ពីប្រកាសលទ្ធផលបណ្ដោះអាសន្ន ពុំមានពាក្យបណ្ដឹងទេ ហើយលទ្ធផលផ្លូវការគឺធ្វើនៅថ្ងៃទី ៥ ខែសីហា ឆ្នាំ ២០២៣ស្អែកនេះ ហើយការប្រកាសនេះគឺចាប់ពីម៉ោង ៩ព្រឹកតទៅ»។
អ្នកនាំពាក្យ គ.ជ.ប បានបញ្ជាក់ទៀតថា បន្ទាប់ពីប្រកាសលទ្ធផលបោះឆ្នោតផ្លូវការរួចហើយ គឺ គ.ជ.ប នឹងត្រូវធ្វើការបែងចែងអាសនៈ សម្រាប់គណបក្សនយោបាយឈរឈ្មោះបោះឆ្នោត តាមមណ្ឌលបោះឆ្នោតទាំង ២៥រាជធានី-ខេត្ត។ បន្ទាប់មកទៀត ត្រូវស្រង់ឈ្មោះបេក្ខជនជាប់ឆ្នោត និងប្រកាសបេក្ខជនជាប់ឆ្នោត ជាតំណាងរាស្រ្ដ សម្រាប់នីតិកាលទី ៧នេះ៕
អត្ថបទ៖ ឃួន សុភ័ក្រ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ