ព័ត៌មានជាតិ
ស.ស.យ.ក ប្រកាសគាំទ្រលទ្ធផលផ្លូវការ នៃការបោះឆ្នោតជ្រើសតាំងតំណាងរាស្ត្រ នីតិកាលទី ៧
សហភាពសហព័ន្ធយុវជនកម្ពុជា (ស.ស.យ.ក) ប្រកាសគាំទ្រទាំងស្រុងនូវលទ្ធផលផ្លូវការ នៃការបោះឆ្នោតជ្រើសតាំងតំណាងរាស្ត្រ នីតិកាលទី ៧ ដែលគណៈកម្មាធិការជាតិរៀបចំការបោះឆ្នោត បានប្រកាសកាលពីថ្ងៃទី ៥ ខែសីហា ឆ្នាំ ២០២៣ នេះ។ នេះបើយោងតាមសេចក្ដីថ្លែងការណ៍របស់សហភាពសហព័ន្ធយុវជនកម្ពុជា បានបង្ហោះឲ្យដឹងនៅព្រឹកថ្ងៃទី ៧ ខែសីហា ឆ្នាំ ២០២៣ នេះ។
សេចក្ដីថ្លែងការណ៍ខាងលើបានសរសេរថា តាមរយៈយុទ្ធនាការពលរដ្ឋល្អ សហភាពសហព័ន្ធយុវជនកម្ពុជា បានចូលរួមសង្កេតការណ៍ និងតាមដាន យ៉ាងយកចិត្តទុកដាក់នៅក្នុងដំណើរការ នៃការបោះឆ្នោតជ្រើសតាំងតំណាងរាស្ត្រ នីតិកាលទី ៧ គិតចាប់តាំងពីដំណាក់កាល នៃការចុះឈ្មោះ និងពិនិត្យបញ្ជីឈ្មោះបោះឆ្នោត ការឃោសនាបោះឆ្នោត ការបោះឆ្នោត ការរាប់សន្លឹកឆ្នោត ការដោះស្រាយពាក្យបណ្ដឹងពាក់ព័ន្ធនឹងការបោះឆ្នោត រហូតដល់ការប្រកាសលទ្ធផលស្ថាពរ នៅថ្ងៃទី ៥ ខែសីហា ឆ្នាំ ២០២៣ នេះ។ នៅថ្ងៃបោះឆ្នោត សហភាពសហព័ន្ធយុវជនកម្ពុជា បានបញ្ជូនសមាជិករបស់ខ្លួន សរុបចំនួន ៤១ ៣៣៣ នាក់ ដែលទទួលបានការអនុញ្ញាតពីគណៈកម្មាធិការជាតិរៀបចំការបោះឆ្នោត ដើម្បីធ្វើជាអ្នកសង្កេតការណ៍តាមបណ្ដាការិយាល័យបោះឆ្នោតនៅទូទាំង ២៥ រាជធានី-ខេត្ត។
សេចក្ដីថ្លែងការណ៍ដដែលបន្តថា ផ្អែកតាមរបាយការណ៍ដែលទទួលបានពីអ្នកសង្កេតការណ៍របស់ខ្លួននៅទូទាំងប្រទេស និងដូចក្នុងសេចក្ដីថ្លែងការណ៍ចុះថ្ងៃទី ២៨ ខែកក្កដា ឆ្នាំ ២០២៣ សហភាពសហព័ន្ធយុវជនកម្ពុជា សូមធ្វើការវាយតម្លៃ និងសន្និដ្ឋានថា ការបោះឆ្នោតជ្រើសតាំងតំណាងរាស្ត្រ នីតិកាលទី ៧ បានដំណើរការប្រព្រឹត្តទៅដោយសេរី ត្រឹមត្រូវ និងយុត្តិធម៌ ស្របតាមគោលការណ៍ នៃលទ្ធិប្រជាធិបតេយ្យ សេរីពហុបក្ស និងគោលការណ៍ច្បាប់ ជាពិសេសការបោះឆ្នោតបានប្រព្រឹត្តទៅដោយរលូន ក្នុងបរិយាកាសល្អប្រសើរ និងគ្មានអំពើហិង្សា គ្មានការបំភិតបំភ័យ ឬ គ្មាន ការគំរាមកំហែង ហើយប្រជាពលរដ្ឋបានចេញទៅបោះឆ្នោតយ៉ាងច្រើនកុះករ ក្នុងអត្រា ៨៤,៥៨% ដែលជាអត្រាមួយខ្ពស់ជាងគេ បើប្រៀបធៀបទៅនឹងការបោះឆ្នោតជ្រើសតាំងតំណាងរាស្ត្រនាពេលកន្លងមក។
ជាមួយនេះ សហភាពសហព័ន្ធយុវជនកម្ពុជា ដោយផ្អែកលើមូលដ្ឋានដូចបានបញ្ជាក់ខាងលើនេះ បានប្រកាសគាំទ្រទាំងស្រុងនូវលទ្ធផលផ្លូវការ នៃការបោះឆ្នោតជ្រើសតាំងតំណាងរាស្ត្រ នីតិកាលទី ៧ ដែលគណៈកម្មាធិការជាតិរៀបចំការបោះឆ្នោតបានប្រកាសកាលពីថ្ងៃទី ៥ ខែសីហា ឆ្នាំ ២០២៣ នេះ។
សេចក្ដីថ្លែងការណ៍ដដែលបន្ថែមថា ការបោះឆ្នោតជ្រើសតាំងតំណាងរាស្ត្រ នីតិកាលទី ៧ នេះ បានក្លាយជាព្រឹត្តិការណ៍ជាតិជាប្រវត្តិសាស្ត្រថ្មីមួយទៀត ដែលប្រជាជនកម្ពុជាប្រើសិទ្ធិរបស់ខ្លួនក្នុងការជ្រើសរើសមេដឹកនាំប្រទេស តាមគោលការណ៍ប្រជាធិបតេយ្យ សេរីពហុបក្ស ស្របតាមរដ្ឋធម្មនុញ្ញដែលជាច្បាប់កំពូលរបស់ជាតិ ព្រមទាំងច្បាប់ បទបញ្ជា និងនីតិវិធី ទាក់ទងនឹងការបោះឆ្នោត។ជោគជ័យសម្រាប់ការបោះឆ្នោតជ្រើសតាំងតំណាងរាស្ត្រ ជាមួយនឹងអត្រា នៃអ្នកបោះឆ្នោតមាន រហូតដល់ទៅ ៨៤,៥៨% និងបរិយាកាស នៃការបោះឆ្នោតប្រកបដោយសន្តិសុខ និងសណ្ដាប់ធ្នាប់ល្អប្រសើរ គ្មានអំពើហិង្សា និងការគំរាមកំហែង គឺ បានបង្ហាញឲ្យឃើញថា ដំណើរការប្រជាធិបតេយ្យនៅកម្ពុជា កាន់តែចាក់ឫសជ្រៅ កាន់តែរឹងមាំ និងកាន់តែមានភាពរស់រវើកក្នុងសង្គមកម្ពុជា, ប្រជាជនកម្ពុជា ដែលជាម្ចាស់អំណាច កាន់តែមានភាពចាស់ទុំខាងនយោបាយក្នុងការប្រើសិទ្ធិរបស់ខ្លួនជ្រើសរើសមេដឹកនាំ តាមរយៈការបោះឆ្នោត ក៏ដូចជាក្នុងការចូលរួមប្រកួតប្រជែងគ្នាតាមបែបប្រជាធិបតេយ្យ ហើយអាជ្ញាធរមានសមត្ថកិច្ចកាន់តែមានភាពម្ចាស់ការប្រកបដោយសមត្ថភាព និងពិសោធន៍ខ្ពស់ក្នុងការគ្រប់គ្រងសន្តិសុខ និងសណ្ដាប់ធ្នាប់ ក៏ដូចជាធានាឲ្យកិច្ចដំណើរការ នៃការបោះឆ្នោត ប្រព្រឹត្តទៅក្នុងបរិយាកាសល្អប្រសើរ និងប្រកបដោយជោគជ័យ ស្របតាមច្បាប់ បទបញ្ជា និងនីតិវិធីទាក់ទងនឹងការបោះឆ្នោត។
ជាថ្មីម្ដងទៀត សហភាពសហព័ន្ធយុវជនកម្ពុជា បានសម្ដែងការវាយតម្លៃខ្ពស់ចំពោះគណៈកម្មាធិការជាតិរៀបចំការបោះឆ្នោត ដែលបានអនុវត្តតួនាទី និងភារកិច្ចរបស់ខ្លួន ប្រកបដោយការទទួលខុសត្រូវ ក្នុងជំហរឯករាជ្យ អព្យាក្រឹត តម្លាភាព និងយុត្តិធម៌ ធ្វើឲ្យដំណើរការរៀបចំការបោះឆ្នោតនៅគ្រប់ដំណាក់កាល បានប្រព្រឹត្តទៅយ៉ាងល្អប្រសើរ ត្រឹមត្រូវ ស្របតាមរដ្ឋធម្មនុញ្ញ ច្បាប់ បទបញ្ជា នីតិវិធី និងក្រមសីលធម៌សម្រាប់ការបោះឆ្នោត។
ទន្ទឹមនេះដែរ សហភាពសហព័ន្ធយុវជនកម្ពុជា ក៏បានថ្លែងអំណរគុណចំពោះរាជរដ្ឋាភិបាល អាជ្ញាធរដែនដី កងកម្លាំងមានសមត្ថកិច្ច នៅគ្រប់លំដាប់ថ្នាក់ និងផ្នែកពាក់ព័ន្ធនានា ដែលបានជួយគាំទ្រយ៉ាងសកម្មដល់ដំណើរការ នៃការរៀបចំការបោះឆ្នោត ជាពិសេសការការពារសន្តិសុខ សណ្ដាប់ធ្នាប់ទូទៅក្នុងពេលយុទ្ធនាការឃោសនាបោះឆ្នោត និងថ្ងៃបោះឆ្នោត ដែលធ្វើឲ្យដំណើរការបោះឆ្នោត បានប្រព្រឹត្តទៅយ៉ាងរលូនក្នុងបរិយាកាសល្អប្រសើរ តាំងពីពេលចាប់ផ្ដើមរហូតដល់ការប្រកាសលទ្ធផលជាផ្លូវការនេះ។
ជាចុងក្រោយ សហភាពសហព័ន្ធយុវជនកម្ពុជា បានជូនពរដល់បេក្ខជនដែលជាប់ឆ្នោតជា តំណាងរាស្ត្រ សូមទទួលបាននូវជោគជ័យក្នុងការបំពេញតួនាទី និងភារកិច្ចរបស់ខ្លួន ក្នុងបេសកកម្មបម្រើជាតិ មាតុភូមិ និងប្រជាជនកម្ពុជាប្រកបដោយភាពស្មោះត្រង់ និងការទទួលខុសត្រូវ ជាពិសេស ការបន្តរក្សានូវសមិទ្ធផលជាតិដែលសម្រេចបាន និងបន្តជំរុញវឌ្ឍនភាពកម្ពុជាទៅមុខជាលំដាប់ ដើម្បីបុព្វហេតុជាតិ និងប្រជាជនកម្ពុជា៕
អត្ថបទ ៖ ពិសី
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
នៅមណ្ឌលគិរី អាជ្ញាធរលែងកូនត្រីចម្រុះ២ម៉ឺន៧ពាន់ក្បាលក្នុងទំនប់អូរតេធិបតី ដើម្បីបង្កើនការផ្គត់ផ្គង់ និងស្ទួចលេងកម្សាន្ត
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
ណុប បាយ៉ារិទ្ធ រន្ធត់ចិត្តរហូតហូរទឹកភ្នែកចំពោះសោកនាដកម្មលើ ក្រុមគ្រួសារមួយ នៅផ្លូវ ៦០ ម៉ែត្រ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ជីវិតកម្សាន្ដ១៩ ម៉ោង agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា