ព័ត៌មានជាតិ
និស្សិតខ្មែរនៅវៀតណាម សូមកុំទាន់ត្រឡប់មកស្រុក អំឡុងពិធីបុណ្យចូលឆ្នាំចិន ខណៈ វៀតណាមផ្ទុះជំងឺកូវីដ
លោក វេជ្ជបណ្ឌិត កែ រដ្ឋា ប្រធានមន្ទីរសុខាភិបាលខេត្តស្វាយរៀង បានបង្ហាញនូវការព្រួយបារម្ភ ពីការឆ្លងជំងឺកូវីដ១៩ ក្នុងកំឡុងពេលបុណ្យចូលឆ្នាំចិនវៀតណាមខាងមុខ ខណៈបច្ចុប្បន្នប្រទេសវៀតណាមកំពុងមានផ្ទុះជំងឺកូវីដ១៩ នៅក្នុងសហគមន៍។
លោកបានបន្តថា«ចំពោះខ្ញុំមានការព្រួយបារម្ភដោយសារថាវៀតណាមកំពុងផ្ទុះជំងឺកូវីដ១៩នៅក្នុងសហគមន៍ហើយនាពេលខាងមុខនេះ ដល់ពេលចូលឆ្នាំប្រពៃណីចិនវៀតណាមទៀត។ អីចឹងពេលចូលឆ្នាំវៀតណាម យើងដឹងស្រាប់ហើយទំនៀមទម្លាប់ប្រពៃណីប្រជាជនវៀតណាមមិនចោលទេការជួបជុំគ្នា ដែលអាចឆ្លងជំងឺនេះ និងអាចបន្តរាលដាលដល់ខេត្តផ្សេងៗទៀតរហូតដល់តាមព្រំដែន ព្រោះខ្មែរយើងមានព្រំដែនជាប់ប្រទេសវៀតណាមច្រើន។ អីចឹងខ្ញុំមានការព្រួយបារម្ភឆ្លងចេញពីវៀតណាមចូលមកប្រទេសកម្ពុជា»។ លោកបានបន្តទៀតថា ម្យ៉ាងទៀតឥឡូវនេះ និស្សិតកម្ពុជា ដែលរៀននៅវៀតណាម ក៏ត្រូវវិលត្រឡប់មកស្រុកវិញ ដោយសារវៀតណាមត្រូវឈប់សម្រាកពិធីបុណ្យចូលឆ្នាំ។
លោកបានបន្ថែមថា«ខ្ញុំសូមសំណូមពរដល់និស្សិតខ្មែរ ដែលកំពុងរៀននៅវៀតណាមកុំអាលទាន់វិលត្រឡប់មកស្រុកនាពេលចូលឆ្នាំឬវ៉ាកង់តូចខាងមុខនេះអី សូមឲ្យស្នាក់នៅវៀតណាមនិងនៅលេងនៅវៀតណាមសិនទៅកុំមកស្រុកអី ព្រោះបើមកត្រូវធ្វើចត្តាឡីស័ក១៤ថ្ងៃហើយពេលត្រឡប់ទៅវិញ ក៏ត្រូវធ្វើចត្តាឡីស័ក១៤ថ្ងៃទៀតអីចឹងវាអស់២៨ថ្ងៃ ហើយណាមួយចូលឆ្នាំវៀតណាមអនុញ្ញាតឲ្យឈប់សម្រាកយ៉ាងច្រើន១ខែ។ ដល់អីចឹងមកលេងស្រុកបានតែ១ថ្ងៃឬពីរថ្ងៃប៉ុណ្ណោះចាំវ៉ាកងធំឈប់បានយូរសុំមកលេងទើបប្រសើរ»។ លោកបានបញ្ជាក់ថា ជាងនេះទៀតពិធីចូលឆ្នាំវៀតណាម មិនមែនជាបុណ្យជាតិរបស់ខ្មែរយើងទេ។ និស្សិតយើងគួរបន្តស្នាក់នៅនិងបន្តនៅលេងចូលឆ្នាំនៅវៀតណាម ដើម្បីចៀសវាងឬបង្ការនាំជំងឺចូលក្នុងស្រុក។
ប្រទេសវៀតណាម បានប្រកាសពីការឆ្លងចូលសហគមន៍ជាថ្មី បន្ទាប់ពីបានរកឃើញមនុស្សចំនួន៨១នាក់ មានលទ្ធផលតេស្តវិជ្ជមានជំងឺកូវីដ-១៩ នៅថ្ងៃទី២៨ ខែមករាឆ្នាំ២០២១។ យោងតាមព័ត៍មានបរទេសបានឲ្យដឹងថាលោក Nguyen Thanh Long រដ្ឋមន្ត្រីក្រសួងសុខាភិបាលវៀតណាមបញ្ជាក់ថា មនុស្សចំនួន៨១នាក់ មានលទ្ធផលតេស្តវិជ្ជមានជំងឺកូវីដ-១៩ នៅថ្ងៃទី២៨ ខែមករា។ មនុស្សទាំង៨១នាក់នេះ សុទ្ធតែមានទំនាក់ទំនងជាមួយករណីវិជ្ជមានចំនួន២ ដែលរកឃើញនៅព្រឹកថ្ងៃដដែល។ ករណីឆ្លងទាំង៨១នេះ ជាការឆ្លងក្នុងស្រុកដំបូងក្នុងរយៈពេលជិត២ខែ។
ក្រោយរកឃើញករណីថ្មីចំនួន៨១បន្ថែមនេះ ក្រសួងសុខាភិបាលបានបញ្ជាឲ្យរដ្ឋបាលខេត្ត និងទីភ្នាក់ងាររដ្ឋពង្រឹងការត្រួតពិនិត្យ និងស្វែងរកជំងឺកូវីដ-១៩។ មន្ត្រីសុខាភិបាលចាប់ផ្តើមស្វែងរកប្រភពចម្លងនៃជំងឺនេះនៅខេត្ត Hải Dương និង Quảng Ninh នៅភាគខាងជើងជាទីដែលករណីឆ្លងថ្មីបំផុតចំនួនពីរ ត្រូវបានរកឃើញ។ ករណីឆ្លងមួយ ក្នុងចំណោមករណីដំបូងចំនួនពីរ ត្រូវបានរកឃើញថា មកពីមេរោគកូវីដ-១៩ បំប្លែងខ្លួនដែលមានប្រភពពីអង់គ្លេស។ គួរបញ្ជាក់ថា គិតត្រឹមថ្ងៃទី២៧ ខែមករា ឆ្នាំ២០២១ វៀតណាមមានករណីឆ្លងចំនួន១,៥៥១ករណី និងស្លាប់ចំនួន៣៥នាក់ក្នុងចំណោមប្រជាជនជាង១០០លាននាក់៕
អត្ថបទ៖ សំអឿន
ថ្ងៃនេះក្រុមលីគកំពូលកម្ពុជា២គូជួបគ្នាវគ្គ១៦ក្រុមជើងទី១ ពានសម្តេចតេជោ
សមាគមបណ្ណាល័យគំនិតរៀបចំពិព័រណ៌សៀវភៅលើកទី១ នៅរាជធានីភ្នំពេញចុងសប្ដាហ៍នេះ
ក្រុមប្រឹក្សាធុរកិច្ចស្ត្រីហ្វីលីពីន ចាប់អារម្មណ៍វិនិយោគលើវិស័យសក្ដានុពលនៅកម្ពុជា
ក្រសួងការងារបញ្ជាឱ្យក្រុមហ៊ុន៥ចូលខ្លួនមកដោះស្រាយវិវាទការងារឱ្យបានមុនថ្ងៃទី១៤ កុម្ភៈ
ត្រឹមជាង១ឆ្នាំ កីឡាករគុនខ្មែរ៩រូបឈ្នះរង្វាន់រថយន្តថ្មី
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
ទុស្សេខ្សែភ្លើងឆេះផ្ទះជាន់ទី ០២ ខូចខាតសម្ភារៈមួយចំនួនធំ នៅខណ្ឌបឹងកេងកង
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ