ព័ត៌មានជាតិ
សិប្បកម្មកែច្នៃអាហារមួយកន្លែងនៅសៀមរាប គិតពីសុវត្ថិភាពខ្ពស់ រហូតទទួលបានលិខិតបញ្ជាក់
«សិប្បកម្មសំណាង សុធា» បានកែច្នៃផលនិងផលិតផលជលផល ដែលអនុលោមបានផ្នែកសុវត្ថិភាពម្ហូបអាហាររបស់សហគ្រាសជលផលកម្ពុជា។
លោក យន់ សំណាង ម្ចាស់ «សិប្បកម្មសំណាង សុធា» បានបង្ហើបថា តាំងពីដំបូងរហូតដល់បច្ចុប្បន្នសិប្បកម្មរបស់លោកផ្ដោតទៅលើគុណភាព សុវត្ថិភាព និងការវិចខ្ចប់លើចំណីអាហារ។ កាលពីពេលថ្មីៗនេះ សិប្បកម្មរបស់លោកទទួលបានវិញ្ញាបនបត្រនិមិត្តសញ្ញាគុណភាពផល ផលិតផលជលផលកម្ពុជា CQS។
លោក យន់ សំណាង បានឱ្យ «កម្ពុជាថ្មី» ដឹងបន្តថា មុនពេលឈានទទួលស្គាល់គុណភាព CQS នេះ ចាប់តាំងពីបង្កើតឡើងនៅឆ្នាំ២០០៣ លោកតែងគិតជានិច្ចទៅលើផ្នែកគុណភាព និងសុខភាពចំណីអាហារដល់អតិថិជន។
លោកបញ្ជាក់ថា ពីមួយថ្ងៃទៅមួយថ្ងៃ សិប្បកម្មរបស់លោកកាន់តែទទួលបានការគាំទ្រច្រើន និងទំនុកចិត្តពីអតិថិជនទាំងរសជាតិ និងសុវត្ថិភាពចំណីអាហារ។
សិប្បកម្មកែច្នៃផលនិងផលិតផលជលផលរបស់លោក យន់ សំណាង មានទីតាំងនៅភូមិអារ៉ាញ់ ឃុំសៀមរាប ក្រុងសៀមរាប។ បច្ចុប្បន្នសិប្បកម្មមានផលិតជាត្រីងៀត ផ្អកត្រីប្រា ប្រហុក ម៉ាំត្រីរ៉ស់ និងត្រីផាត់ ដោយប្រើប្រាស់ផលនិងផលិតផលជលផលក្នុងស្រុកទាំងស្រុងជាមធ្យមពី ៩០-១០០តោន/ឆ្នាំ។ ផលត្រីទាំងនោះភាគច្រើនទទួលទិញពីកសិដ្ឋានចិញ្ចឹមនិងប្រជានេសាទនៅមូលដ្ឋានផ្ទាល់។
លោក យន់ សំណាង បានអះអាងថា ការចេះបត់បែនតាមទីផ្សារ គិតពីគុណភាព សុវត្ថិភាព ដើម្បីរក្សាបានការគាំទ្រពីអតិថិជន។
ម្ចាស់សិប្បកម្មរូបនេះបញ្ជាក់ថា «មុននឹងអាចមានអតិថិជនគាំទ្រច្រើន និងទទូលបានការទទួលស្គាល់ពីគុណភាពផលិតផល ជាដំបូងយើងត្រូវពង្រឹងគុណភាពរបស់យើងជាមុនសិន ដោយត្រូវគិតទៅលើបញ្ហាសុខភាព ត្រូវតែធានាបានថា នៅពេលដែលអីវ៉ាន់ដល់ដៃអ្នកហូបគ្មានផលប៉ះពាល់ ទាំងការវិចខ្ចប់ និងការទុកដាក់ និងត្រូវឱ្យមានរសជាតិឆ្ងាញ់ ដែលអាចចងចិត្តភ្ញៀវឱ្យជាប់ចិត្ត ទិញម្តងហើយចង់ទិញម្តងទៀត»។
ជាក់ស្ដែងបច្ចុប្បន្នដោយសារតែសិប្បកម្ម «សំណាង សុធា» យកចិត្តទុកដាក់លើគុណភាព សុវត្ថិភាព ទទួលបានការទុកចិត្តពីអតិថិជនច្រើន និងការទទួលស្គាល់គុណភាព CQS ផងនោះ ទើបសិប្បកម្មរបស់លោកមានការផ្គត់ផ្គង់ទៅកាន់ទីផ្សារដូចជា ទីផ្សារសុវត្ថិភាព ដៃគូរចែកចាយនានា និងផ្សារទំនើបៗជាច្រើនទៀតផងដែរ។
ចំពោះការនាំចេញទៅក្រៅស្រុកវិញ ម្ចាស់សិប្បកម្មដដែលនេះថា នៅមិនទាន់មានលក្ខណៈទូលំទូលាយនៅឡើយទេ ព្រោះមានត្រឹមតែអតិថិជនដែលដាក់កម្មងតាមអនឡាញប៉ុណ្ណោះ។ ក្នុងនោះលោកតែងទទួលបានការសរសើរពីអតិថិជន ពីរសជាតិ ការវេទខ្ចប់ និងទំនុកចិត្តគុណភាព សុវត្ថិភាព។
បើទោះបីសិប្បកម្មរបស់លោកទទួលបានគាំទ្រពីអតិថិជនក៏ពិតមែន សមត្ថភាពសិប្បកម្មក៏ត្រូវមើលលើតម្រូវការទីផ្សារ និងតម្រូវការអតិថិជន។
លោក យន់ សំណាង បានគូសបញ្ជាក់ថា «និយាយជារួមទៅ ក្នុងពេលបច្ចុប្បន្នសិប្បកម្មខ្ញុំអាចផលិតត្រីងៀតបានក្នុង ១ ថ្ងៃ ប្រមាណ ១០០ គីឡូ។ ដោយឡែកចំពោះ ផ្អក មាំ ប្រហុក មិនសូវមានតម្រូវការខ្ពស់ ព្រោះវាជាអាហារូបត្ថម្ភមួយដែលមាននៅក្នុងផ្ទះ ដូច្នេះបើទោះបីជាមានតម្រូវការក៏មិនសូវច្រើនបានន័យថា តម្រូវការនិងការផលិតនៅមានកម្រិតតូចនៅឡើយ ដោយក្នុងមួយថ្ងៃអាចបានត្រឹមតែ ២០ ទៅ ២០ គីឡូ ប៉ុណ្ណោះ»។
លោកបន្តថា ដោយឡែកគុណភាពផលិតត្រីងៀត មានច្រើនប្រភេទខុសៗគ្នា ប៉ុន្តែចំពោះត្រីងៀត ៣ ប្រភេទដែលល្អៗ អាចមានតម្លៃខ្ពស់បន្តិច គឺលេខ ១ លក់ចេញក្នុងមួយគីឡូ ២៦ ដុល្លារ, លេខ ២ លក់ក្នុងតម្លៃ ២២ ដុល្លារ និងលេខ ៣ លក់បានក្នុងតម្លៃខ្ទង់តែ ១៥ ដុល្លារុំ ហើយប្រហុក ផ្អក មាំ អាចលក់បានក្នុង ១គីឡូ ចន្លោះពី ១១ ដុល្លារ ទៅ១២ដុល្លារ។
លោក យន់ សំណាង បានបញ្ជាក់ថា បានជាគុណភាពត្រីងៀតមានតម្លៃខុសៗគ្នា ក៏ពឹងផ្អែកលើលក្ខណៈពិសេសរៀងៗខ្លួន។ បើនិយាយពីត្រីងៀតលេខ ១ វិញ ត្រីមានទំហំធំល្អ គ្មានស្បែក និងគ្មានឆ្អឹងដូចត្រីដទៃ ដែលត្រូវបានសម្អាតចេញយ៉ាងស្អាតល្អ។
ក្នុងនាមជាម្ចាស់សិប្បកម្មមួយរូប លោក យន់ សំណាង ចង់ឱ្យអតិថិជនគិតពីសុវត្ថិភាព បញ្ហាសុខភាពជាចម្បង ពិនិត្យមើលការកែច្នៃនៃចង្វាក់ផលិតកម្មនោះឱ្យបានល្អជាមុនសិនពិសេសគុណភាព សុវត្ថិភាព មិនត្រូវគិតពីតម្លៃ មិនយកចិត្តទុកដាក់ផ្ដោតលើគុណភាពនោះទេ។
គួរជម្រាបបន្ថែមថា កាលពីថ្ងៃទី០៣ ខែសីហា ឆ្នាំ២០២៣ «សិប្បកម្ម សំណាង សុធា» ទើបតែទទួលបានវិញ្ញាបនបត្រនិមិត្តសញ្ញាគុណភាពផល ផលិតផលជលផលកម្ពុជា (CQS) ដោយរដ្ឋបាលជលផល។ បច្ចុប្បន្នសិប្បកម្មនេះមានទីតាំងស្ថិតនៅភូមិអារញ្ញ សង្កាត់សៀមរាម ខេត្តសៀមរាប ដោយធ្វើការផ្គត់ផ្គង់ទៅលើងៀតត្រីរ៉ស់, ត្រីឆ្អើរ អណ្ដែង, ងៀតត្រីប្រា, ម៉ាំត្រីរ៉ស់ និងប្រហុកត្រីរ៉ស់ជាដើម៕
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
លោក ហេង សួរ ប្រគល់កុំព្យូទ័រជាអំណោយសម្តេចបវរធិបតី ១៣៩គ្រឿង ជូនមន្ទីរ អង្គភាព គ្រឹះស្ថានអប់រំ
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
Trump ដាក់លក្ខខណ្ឌបើ Zelensky ចង់មកចរចាម្តងទៀត
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ