ព័ត៌មានជាតិ
ឯកឧត្តម វង សូត ជំរុញដល់គ្រួសារក្រីក្រត្រូវយកសាច់ប្រាក់ដែលឧបត្ថម្ភក្នុងវិបត្តកូវីដ ទៅបង្កើតមុខរបរឲ្យកាន់តែល្អប្រសើរឡើង
ឯកឧត្តម វង សូត បានជំរុញដល់គ្រួសារក្រីក្រ ត្រូវខិតខំប្រឹងប្រែងយកសាច់ប្រាក់ដែលទទួលបានពីរាជរដ្ឋាភិបាលក្នុងកំឡុងពេលនៃការរីករាលដាលជំងឺកូវីដ១៩នេះ យកទៅប្រកបមុខរបរចិញ្ចឹមជីវិត និងបង្កើតការងារដាំដុះ ចិញ្ចឹមសត្វ ដើម្បីបង្កើនជីវភាពឲ្យល្អប្រសើរ។
ឯកឧត្ដមរដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងប្រធានក្រុមការងារថ្នាក់ជាតិចុះជួយស្រុកពញាក្រែក ខេត្តត្បូងឃ្មុំ និងឃុំជាច ស្រុកកំចាយមារ ខេត្តព្រៃវែង បានថ្លែងបែបនេះ ក្នុងពិធីសំណេះសំណាលជាមួយគ្រួសារក្រីក្រដែលទទួលបានសាច់ប្រាក់ឧបត្តម្ភពីរាជរដ្ឋាភិបាល ក្នុងកំឡុងពេលនៃការរីករាលដាលជំងឺកូវីដ១៩ នៅក្នុងបរិវេណវត្តទួលសង្កែ ឃុំជាច ស្រុកកំចាយមារ ខេត្តព្រៃវែង ។
ឯកឧត្ដមរដ្ឋមន្ត្រី បានជំរុញដល់បងប្អូនប្រជាពលរដ្ឋដែលជួបការលំបាក និងជីវភាពខ្វះខាត សរុបទូទាំងប្រទេសប្រមាណជាង៧០ម៉ឺនគ្រួសារ ត្រូវរាជរដ្ឋាភិបាលកម្ពុជា ក្រោមការដឹកនាំរបស់ សម្តេចតេជោហ៊ុនសែន ប្រមុខរាជរដ្ឋាភិបាលកម្ពុជា បានផ្តល់សាច់ប្រាក់ជួយសម្រួលជីវភាពគ្រួសារក្រីក្រក្នុងវិបត្តិកូវីដ១៩នេះ ដោយលើកទឹកចិត្តបន្ថែមឲ្យគ្រួសារក្រីក្រទាំងអស់ខិតខំស្វែងរកការងារ និងបង្កើតមុខរបរធ្វើ ក្នុងការសម្រួលនូវជីវភាពឲ្យកាន់តែល្អប្រសើរវិញ ។
ឯកឧត្ដម បានបញ្ជាក់ទៀតថា គ្រួសារដែលក្រីក្រកំឡុងពេលកូវីដ១៩នេះ គឺប្រសិនបើបញ្ហាវិបត្តិកូវីដត្រូវរលាយសាបសូន្យទៅវិញនោះ ការជួយឧបត្ថម្ភសាច់ប្រាក់របស់រាជរដ្ឋាភិបាលក៏ត្រូវបិទបញ្ចប់ដែរ ខណៈបច្ចុប្បន្នបានផ្តល់បីខែទៀត ក្នុងឆ្នាំ២០២១នេះរួមមាន៖ ខែមករា កុម្ភៈ និងមីនា ប៉ុន្តែចំពោះស្ត្រីក្រីក្រ និងកុមារនៅតែទទួលការគាំពារសង្គម ឧបត្ថម្ភសាច់ប្រាក់ជារៀងរហូត។
ក្រោយពិធីសំណេះសំណាល ឯកឧត្ដម វង សូត និងលោកជំទាវ បានអញ្ជើញចុះពិនិត្យការកសាងអគារវិទ្យាល័យ ជាច រួចមកក៏បន្តដំណើរពិនិត្យការសាងសង់មណ្ឌលសុខភាពឃុំ ជាច ហើយចុងក្រោយចុះពិនិត្យការសាងសង់កុដិព្រះសង្ឃនៅវត្ត ជាច៕
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
លោក ហេង សួរ ប្រគល់កុំព្យូទ័រជាអំណោយសម្តេចបវរធិបតី ១៣៩គ្រឿង ជូនមន្ទីរ អង្គភាព គ្រឹះស្ថានអប់រំ
សម្ដេចតេជោ ស្ដាយដែលអ្នកសារព័ត៌មានចាត់ទុកថាថៃជោគជ័យលើការបង្ក្រាបបទល្មើសឆបោកតាមអនឡាញ តែថាកម្ពុជាបរាជ័យ
បណ្ឌិត សូ ណារ៉ូ ៖ ពលរដ្ឋកុំធ្វើតាមទណ្ឌិត សម រង្ស៊ី ព្រោះជាការញុះញង់ផ្តួលរំលំរដ្ឋាភិបាល និងជាបទល្មើសព្រហ្មទណ្ឌកម្រិតធ្ងន់
បុណ្យកោងកាងសន្តិភាពឆ្នាំនេះ÷ កូនកោងកាង៥ពាន់ដើម ត្រូវបានដាំនៅក្នុងសហគមន៍កោះកាពិ ខេត្តកោះកុង
Trump ដាក់លក្ខខណ្ឌបើ Zelensky ចង់មកចរចាម្តងទៀត
ជម្លោះ Trump-Zelensky ធ្វើឲ្យអឺរ៉ុបធ្លាក់ចូលវិបត្តិជ្រៅ, តើណាតូនិងអ៊ុយក្រែន ទៅជាយ៉ាងណា?
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
សម្ព័ន្ធមិត្តអ៊ឺរ៉ុបបង្ហាញជំហរនៅជាមួយអ៊ុយក្រែនបន្ទាប់ពីជម្លោះជាមួយដូណាល់ ត្រាំ
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ៧ ថ្ងៃ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ