វិទ្យាល័យព្រះមហាក្សត្រីកុសុមៈ ត្រូវបានផ្អាកសិក្សាបណ្តោះអាសន្នក្រោយរកឃើញ​គ្រាប់មិនទាន់ផ្ទុះជាង ២៨០គ្រាប់

វិទ្យាល័យព្រះមហាក្សត្រីកុសុមៈ ស្ថិតនៅក្រុងក្រចេះ ត្រូវបានផ្អាកសិក្សាជាបណ្តោះអាសន្តក្រោយពី ក្រុមការងារស៊ីម៉ាក់រាវរកឃើញគ្រាប់យុទ្ធភណ្ឌមិនទាន់ផ្ទុះជាច្រើន កាលពីថ្ងៃទី ១១ សីហា ឆ្នាំ ២០២៣។

យោងតាមមន្ទីរព័ត៌មានខេត្តក្រចេះ បានផ្សព្វផ្សារដូច្នេះថា« មន្ទីរអប់រំយុវជន និងកីឡាខេត្ត សូមជូនដំណឹង ដល់សិស្សានុសិស្ស លោកគ្រូអ្នកគ្រូ វិទ្យាល័យព្រះមហាក្សត្រីកុសុមៈ អំពីការផ្អាកបណ្ដោះអាសន្ន ពីស៊ីម៉ាក់បានរាវរកគ្រាប់យុទ្ធភណ្ឌមិនទាន់ផ្ទុះនៅក្នុងវិទ្យាល័យ ក្នុងរយៈពេលមួយថ្ងៃទី 11 ខែសីហាឆ្នាំ 2023 ទទួលបានគ្រាប់បួនប្រភេទ»។

គ្រាប់យុទ្ធភណ្ឌមិនទាន់ផ្ទុះទាំងនេះ រួមមាន៖ M79ចំនួន 250គ្រាប់, DK75ចំនួន 16គ្រាប់,  ក្បាលផ្ទុះ M48 គ្រាប់ផ្លោង 17គ្រាប់, B40 ចំនួន 1 គ្រាប់, សរុប: រួមចំនួន 284 គ្រាប់។

តាមរយៈបេសកកម្មនេះ អាជ្ញាធរ បានអំពាវនាវដល់ពលរដ្ឋ ត្រូវមានការប្រុងប្រយ័ត្នឱ្យបានខ្ពស់បំផុត ជាពិសេសជុំមូលដ្ឋាន ដែលរាវរកឃើញនេះ៕