ព័ត៌មានជាតិ
អ្នកជំនាញពិធីការការទូតកម្ពុជា បកស្រាយរឿងលោក វ៉ាង យី ដោះក្រវ៉ាត់កចេញពេលជួបរដ្ឋមន្រ្តីការបរទេសសិង្ហបុរី
«ពិធីការការទូត បានផ្សារភ្ជាប់ជាមួយនយោបាយ បើមិនយល់ពីពិធីការទេនោះ អាចនឹងនាំឱ្យខូចដល់ប្រយោជន៍ជាតិ»។ នេះជាការលើកឡើងរបស់ម្ចាស់សៀភៅ «ពិធីការជាតិ និងអន្តរជាតិ» លោកសាស្ត្រាចារ្យបណ្ឌិត ឥន សុផល នៅលើទំព័រហ្វេសប៊ុករបស់លោកនៅថ្ងៃទី១៤ ខែសីហា ឆ្នាំ២០២៣។
ការលើកឡើងបែបនេះរបស់លោកសាស្ត្រាចារ្យបណ្ឌិត ឥន សុផល គឺក្រោយផ្ទុះការចាប់អារម្មណ៍ទៅលើករណីរដ្ឋមន្ត្រីការបរទេសចិន លោក វ៉ាង យី បានទាញក្រវាត់កចេញភ្លាមៗ ក្នុងពេលដែលលោកជួបជាមួយលោករដ្ឋមន្ត្រីការបរទេសសិង្ហបុរី ដោយសារតែពេលនោះរដ្ឋមន្ត្រីការបរទេសសិង្ហបុរី មិនបានពាក់ក្រវាត់ក។ លោករដ្ឋមន្ត្រីការបទេសចិន ទទួលបានការកោតសរសើរជាច្រើនពីសំណាក់អ្នកប្រើប្រាស់បណ្ដាញសង្គម បន្ទាប់ពីលោក បានបង្ហាញកាយវិការដ៏គួរឱ្យគោរពបែបនេះទៅដល់សមភាគីរបស់លោក គឺរដ្ឋមន្ត្រីការបរទេសសិង្ហបុរី។
ជុំវិញបញ្ហានេះ លោកបណ្ឌិត ឥន សុផល បានលើកឡើងនៅលើបណ្ដាញទំនាក់ទំនងសង្គមហ្វេសប៊ុករបស់លោក ថា «ឈ្វេងយល់ពីពិធីការការទូត! ទស្សនកិច្ចផ្លូវការ ត្រូវស្លៀកពាក់ Lounge Suit / Formal Dress»។ ក្នុងន័យនេះ លោកបណ្ឌិត ចង់សំដៅដល់ទស្សនកិច្ចផ្លូវការរបស់លោក វ៉ាង យី រដ្ឋមន្ត្រីការបរទេសចិន ទៅកាន់ប្រទេសសិង្ហបុរី ដែលភាគីម្ចាស់ផ្ទះស្លៀកពាក់ជា Smart Casual (ស្លៀកពាក់ពាក់កណ្តាលផ្លូវការ) ប៉ុន្តែលោក វ៉ាង យី ជាភ្ញៀវស្លៀកពាក់ Lounge Suit (ស្លៀកពាក់ផ្លូវការការទូត)។
បើតាមលោកបណ្ឌិត ឥន សុផល កាយវិការបែបនេះអាចហៅថា Protocol Error គឺមានន័យថា កំហុសពិធីការ ឬ ជាចេតនាមិនផ្តល់តម្លៃដល់រដ្ឋមន្ត្រីការបរទេសចិន។ ដូច្នេះ លោក វ៉ាង យី បានឆ្លើយតបភ្លាមៗនៅចំពោះមុខតែម្តង គឺការដោះក្រវ៉ាត់កចេញទាំងអស់គ្នា។
លោកបណ្ឌិត ឥន សុផល បានចាត់ទុកលោក វ៉ាង យី ពិតជាប្រមុខការទូតពោរពេញទៅដោយបទពិសោធន៍ ដែលមានប្រតិកម្មរហ័សភ្លាមៗតែម្តង ដើម្បីបង្ហាញដល់ភាគីសិង្ហបុរី ថា «ចិនមិនអាចប្រមាថបាននោះទេ»។ លោកបណ្ឌិត ក៏បានបញ្ជាក់ដែរថា ពិធីការការទូតបានផ្សារភ្ជាប់ជាមួយនឹងនយោបាយ តែបើមិនយល់ពីពិធីការទេនោះ អាចនឹងនាំឱ្យខូចដល់ប្រយោជន៍ជាតិ។
ប៉ុន្តែ យ៉ាងណាក្ដី ដោយកំហុសអចេតនា រដ្ឋមន្ត្រីការបរទេសសិង្ហបុរី លោក Balakrishnan ក៏បាននិយាយសុំទោសទៅកាន់រដ្ឋមន្ត្រីការបរទេសចិនផងដែរ សម្រាប់ការមិនពាក់ក្រវាត់កក្នុងពិធីទទួលស្វាគមន៍ជាផ្លូវការមួយនេះ៕
ដោយ៖ ធឿន វ៉ាន់សុង
-
សេដ្ឋកិច្ច៧ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៧ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៧ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ៣ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ