ព័ត៌មានជាតិ
លោក កែម សៀន ប្រកបមុខរបរឡើងត្នោត ១៧ឆ្នាំហើយ ដោយរៀងរាល់ថ្ងៃលោកត្រូវឡើងដើមត្នោត ២០ដើម
គេសង្កេតឃើញថា តាំងពីសម័យជំនាន់ដូនតា រហូតមកពេលបច្ចុប្បន្ននេះ មុខរបរឡើងដើមត្នោតធ្វើស្ករលក់ នៅតែមានប្រជាសិករតាមតំបន់ស្រុកស្រែជនបទមួយចំនួនបន្តធ្វើ បន្ទាប់ពីពួកគាត់ទំនេរពីការធ្វើស្រែចំការ។ ក្នុងនោះដែរ លោក កែម សៀន ប្រជាកសិករឡើងត្នោតធ្វើស្ករលក់ ស្ថិតនៅ ភូមិផ្ទះកណ្ដាល ឃុំផ្ទះកណ្ដាល ស្រុកស្រីសន្ធរ ខេត្តកំពង់ចាម ក៏នៅតែប្រកបមុខរបរនេះដែរ។

លោក កែម សៀន បានប្រាប់សារព័ត៌មានកម្ពុជាថ្មីថា លោកប្រកបមុខរបរឡើងត្នោតដើម្បីធ្វើស្ករលក់ នេះ បន្តពីដូនតារបស់លោក។ លោកបន្ថែមទៀតថា លោកជ្រើសរើសមុខរបរឡើងដើមត្នោតធ្វើស្ករលក់នេះ ប្រហែលជាង ១៧ ឆ្នាំមកហើយ។ ជារៀងរាល់ថ្ងៃ លោក ត្រូវឡើងដើមត្នោតចំនួន ២០ដើម ហើយទឹកត្នោតដែលទទួលបានពីការឡើងនេះ មានចំនួនប្រមាណ ៥០លីត្រ ជារៀងរាល់ថ្ងៃ។

ក្រៅពីនេះ នៅពេលដែលទទួលបានទឹកត្នោតពីដើមហើយ លោកក៏បន្តយកទឹកត្នោតមកផ្ទះដើម្បីរំងាស់ទឹកត្នោត ធ្វើជាស្ករត្នោតលក់ ដោយក្នុងមួយថ្ងៃលោកទទួលបានស្ករត្នោត ចន្លោះពី ១០ គីឡូក្រាម ទៅ ១៥ គីឡូក្រាម។ បច្ចុប្បន្នស្ករត្នោត ១គីឡូក្រាម អាចលក់បានក្នុងតម្លៃ ៦០០០ រៀល ទៅ ៨០០០ រៀល។

លោក កែម សៀន បានបញ្ជាក់ទៀតថា មុខរបរឡើងត្នោតទោះបីជានឿយហត់ខ្លាំង និងប្រឈមនឹងគ្រោះថ្នាក់យ៉ាងណាក៏ដោយ តែលោកនៅតែធ្វើវា ព្រោះមុខរបរឡើងត្នោតនេះ អាចចិញ្ចឹមជីវិតលោក និងសមាជិកគ្រួសាររបស់លោក ប្រមាណ ៨ នាក់ទៀតផងដែរ។

លោកបន្តទៀតថា ក្រៅពីមុខរបរឡើងដើមត្នោតរំងាស់ស្ករ លោកក៏ឆ្លៀតធ្វើស្រែ ចិញ្ចឹមគោ ដាំដំណាំ បន្តិចបន្តួចទៀត ដើម្បីផ្សំគ្នា គ្រាន់បានប្រាក់បន្ថែម សម្រាប់ផ្គត់ផ្គង់ជីវភាពគ្រួសារ និងបន្តការសិក្សារបស់កូនៗ របស់គាត់ឲ្យបានរៀនសូត្រចេះដឹង ទៅថ្ងៃអនាគត៕
អត្ថបទ៖ សួស សិត




-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៣ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ