ព័ត៌មានជាតិ
សម្ដេច ម៉ែន សំអន សំណូមពរឲ្យបន្តអភិរក្សស្ពានកំពង់ក្ដីដែលមានអាយុកាលជាង ១ ពាន់ឆ្នាំ
សម្ដេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានធ្វើការសំណូមពរដល់ប្រជាពលរដ្ឋ និងស្ថាប័នពាក់ព័ន្ធ ឲ្យបន្តអភិរក្សស្ពានកំពង់ក្ដីដែលជាស្ពានបូរាណមានអាយុកាលជាង ១ ពាន់ឆ្នាំមកហើយនោះ។
សម្តេចកិត្តិសង្គហបណ្ឌិត ម៉ែន សំអន សំណូមពរបែបនេះ ខណៈពេលអញ្ជើញពិនិត្យមើលស្ពានកំពង់ក្ដី ខេត្តសៀមរាប នារសៀលថ្ងៃពុធ ១៥ រោច ខែទុតិយាសាឍ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី ១៦ ខែសីហា ឆ្នាំ ២០២៣ នេះ។
សូមបញ្ជាក់ថា ក្នុងអំឡុងពេលបំពេញបេសកកម្មនៅខេត្តឧត្តរមានជ័យ សម្តេចកិត្តិសង្គហបណ្ឌិត បានអញ្ជើញឆ្លៀតធ្វើដំណើរពិនិត្យមើលស្ពានកំពង់ក្តី ដែលមានអាយុកាលជាង ១ ពាន់ឆ្នាំ។ ស្ពាននេះ មានទីតាំងនៅខាងលិចឆៀងខាងជើងផ្សារកំពង់ក្តី ប្រហែល ៥០ ម៉ែត្រ ក្នុងឃុំកំពង់ក្ដី ស្រុកជីក្រែង ខេត្តសៀមរាប ដែលជាស្ពានបុរាណសម័យអង្គរ សង់ពីថ្មបាយក្រៀម និងថ្មភក់ មានបណ្ដោយ ៨៦ ម៉ែត្រ ទទឹង ១៦ ម៉ែត្រ កម្ពស់ពីបាតស្ទឹង ១០ ម៉ែត្រ និងមានរន្ធត្រដេវ (ប្រឡោះសម្រាប់ចរន្តទឹកឆ្លងកាត់)ចំនួន ២១។
តាមការវិភាគប្រវត្តិសិល្បៈលើបង្កាន់ដៃនាគ និងថ្មគោល គឺ ស្ថិតនៅក្នុងរចនាបថបាយ័ន (១១៨១-១២២០)។ ស្ពាននេះ ក៏ត្រូវបានជួសជុលពីរដងរួចមកហើយដែរ គឺលើកទី១ នៅឆ្នាំ ១៩២៥ ដោយសាលាបារាំងចុងបូព៌ា និងលើកទី ២ នៅឆ្នាំ ១៩៦៥ ដោយក្រសួងសាធារណការ និងដឹកជញ្ជូន ក្រោមជំនួយបច្ចេកទេសរបស់សាលាបារាំងចុងបូព៌ា។
ស្ពាននេះ មានសភាពទ្រុឌទ្រោមជាខ្លាំង ដោយសារអាយុកាល ធម្មជាតិ និងមនុស្ស។ សព្វថ្ងៃស្ពាននេះ ត្រូវបានគេអភិរក្ស បន្ទាប់ពីមានការសាងសង់ស្ពានថ្មី សម្រាប់បញ្ចៀសការឆ្លងកាត់ ដោយទុកស្ពាននេះសម្រាប់ភ្ញៀវទេសចរជាតិ និងអន្តរជាតិ មកកម្សាន្ត និងសិក្សាស្រាវជ្រាវប៉ុណ្ណោះ។
ខណៈនោះដែរ សម្តេចកិត្តិសង្គហបណ្ឌិត ក៏ជួបសំណេះសំណាល និងសួរសុខទុក្ខមន្ត្រីរាជការ នៃមន្ទីរទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចខេត្តកំពង់ធំ និងខេត្តសៀមរាប ផងដែរ៕
អត្ថបទ ៖ វិមាន
ACU អំពាវនាវអ្នកពុំទាន់ប្រកាសទ្រព្យសម្បត្តិ និងបំណុល រួសរាន់ឱ្យទាន់ពេល សល់តែ៤ថ្ងៃប៉ុណ្ណោះ
Hakimi ប្រាប់មូលហេតុឲ្យម្តាយគ្រប់គ្រងទ្រព្យសម្បត្តិរបស់ខ្លួន
លោក Yoon ត្រូវចោទប្រកាន់ផ្លូវការពីបទ«អំពើបះបោរ»ដែលប្រឈមទោសប្រហារជីវិតឬជាប់ទោស១ជីវិត
ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជិត ៨ ម៉ឺនកន្លែង នៅទូទាំងប្រទេស បម្រើលើវិស័យធំៗ ៣
លោក ហ្សេលេនស្គី បញ្ចេញប្រតិកម្មជុំវិញរឿងដែលអាមេរិកផ្អាកជំនួយរយៈពេល៩០ថ្ងៃ
នាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
ក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
របបខ្យល់មូសុងឦសានបានថយឥទ្ធិពល តែក៏នៅត្រជាក់ពី២០ទៅ១៩°C និងអាចមានភ្លៀងធ្លាក់៥%
ម៉ាត់ណាម៉ាត់ហ្នឹង! ត្រាំ ដាក់ទណ្ឌកម្មសេដ្ឋកិច្ចកូឡុំប៊ី ព្រោះមិនព្រមទទួលយកជនអន្តោប្រវេសន៍ទៅវិញ
ហ្សេលេនស្គី៖ លោក ត្រាំ មានចិត្តចង់បញ្ចប់សង្គ្រាម តែគាត់នៅខ្វះការយល់ដឹង
-
ចរាចរណ៍១ សប្តាហ៍ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
សន្តិសុខសង្គម១ សប្តាហ៍ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ចរាចរណ៍២ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ជីវិតកម្សាន្ដ៦ ម៉ោង agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៤ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ២ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក
-
សន្តិសុខសង្គម១ ថ្ងៃ agoអគ្គិភ័យឆេះផ្ទះស្តុកគ្រឿងបន្លាស់រថយន្តបណ្ដាលឲ្យខូចខាតសម្ភារៈមួយចំនួន