ក្រសួងផែនការ ប្រកាសជ្រើសរើសបុគ្គលិកជាប់កិច្ចសន្យាចំនួន១៥រូប

ក្រសួងផែនការ នៅថ្ងៃទី១៦ ខែសីហា ឆ្នាំ២០២៣ បានប្រកាសជ្រើសរើសបុគ្គលិកជាប់កិច្ចសន្យាចំនួន១៥រូប ដែលមានអាយុចាប់ពី ១៨ឆ្នាំដល់៤៥ឆ្នាំ។

ក្រសួងផែនការ បានឲ្យដឹងថា ការជ្រើសរើសបុគ្គលិកជាប់កិច្ចសន្យាចំនួន ១៥រូបនេះ មានទៅតាមផ្នែកការងារដូចជា៖ ១) អ្នករៀបចំគោលនយោបាយនិងយុទ្ធសាស្ត ចំនួន០២រូប ២) សេដ្ឋវិទូចំនួន០៧រូប ៣) អ្នកស្ថិតិជាន់ខ្ពស់ចំនួន០៤រូប និង៤) អ្នកព័ត៌មានវិទ្យាចំនួន០២រូប ដើម្បីបម្រើការងារ ក្នុងការសម្របសម្រួលលើការអនុវត្តគោលនយោបាយជាតិប្រជាជនឆ្នាំ២០១៦-២០៣០ និងការពង្រឹង ស្ថិតិគណនេយ្យជាតិ ស្ថិតិសេដ្ឋកិច្ច ស្ថិតិប្រជាសាស្ត្រ និងភាគលាភប្រជាសាស្ត្រ។

សូមបញ្ជាក់ថា បេក្ខជន ឬបេក្ខនារីដែលត្រូវជ្រើសរើសត្រូវមានចំណេះដឹងភាសាអង់គ្លេសច្បាស់លាស់ អាចនិយាយ បកប្រែឯកសារ បកប្រែផ្ទាល់មាត់ និងសរសេររបាយការណ៍ និងលិខិតផ្សេងៗជាផ្លូវការបាន៕