ព័ត៌មានជាតិ

រដ្ឋមន្ត្រីក្រសួងសង្គមកិច្ច ជំរុញឲ្យក្រុមការងារ បន្តប្រឹងប្រែងបម្រើសេវាសាធារណៈជូនពលរដ្ឋឲ្យលឿននិងល្អ

បានផុស

៤ years មុន

នៅ

ថ្ងៃសៅរ៍ ៣០ មករា ២០២១

ដោយ

ប្រមុខដឹកនាំក្រសួងសង្គមកិច្ច និងជាប្រធានក្រុមការងារថ្នាក់ជាតិចុះពង្រឹងមូលដ្ឋានស្រុកពញាក្រែក ខេត្តត្បូងឃ្មុំ និងឃុំជាចស្រុកកំចាយមារ ខេត្តព្រៃវែង បានថ្លែងនូវការជំរុញឲ្យក្រុមការងារគ្រប់ថ្នាក់មូលដ្ឋានទាំងអស់ បន្តប្រឹងប្រែងបម្រើសេវាសាធារណៈប្រចាំថ្ងៃជូនពលរដ្ឋកាន់តែលឿនកាន់តែល្អហើយ ប្រកបដោយគុណធម៌និងគុណភាពខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះការលើកឡើងរបស់លោក វង សូត ខណៈពេលដឹកនាំក្រុមការងារចុះពិនិត្យមើលការសាងសង់ទីចាត់ការ និងរបង នៅវិទ្យាល័យជាច និងមណ្ឌលសុខភាពដែលកំពុងលេចរូបរាងជាបណ្តើរៗនោះនាថ្ងៃទី២៩ ខែមករា ឆ្នាំ២០២១ ស្ថិតនៅឃុំជាច ស្រុកកំចាយមារ ខេត្តព្រៃវែង ក្រោយបញ្ចប់ពិធីសំណេះសំណាលជាមួយគ្រួសារក្រីក្រទទួលបានប្រាក់ឧបត្ថម្ភពីរាជរដ្ឋាភិបាល និងសម្ពោធដាក់ឲ្យប្រើប្រាស់សមិទ្ធិផលនានា នៅស្រុកកំចាយមាររួចមក ។

លោករដ្ឋមន្ត្រីវង សូត បានថ្លែងថា ជាការពិតណាស់ក្រោមការដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានដឹកនាំប្រទេសមានសុខសន្តិភាព និងបានដាក់ចេញនូវវិធានការជាច្រើន ក្នុងន័យពង្រឹង និងធ្វើឲ្យប្រសើរឡើងនូវ ភូមិ ឃុំ មានសុវត្ថិភាព ក៏ដូចជា គោលនយោបាយគាំពារសង្គមផ្សេងៗ ដើម្បីធ្វើឲ្យជីវភាពរស់នៅរបស់ប្រជាពលរដ្ឋក្រីក្រនិងជនងាយរងគ្រោះឲ្យកាន់តែប្រសើរឡើង ជាពិសេស ការដាក់ឲ្យអនុវត្តនូវការផ្តល់សាច់ប្រាក់ជូនដល់ប្រជាពលរដ្ឋ ក្រ១ និង ក្រ២ ខណៈមេរោគកូវីដ១៩ បាននឹងកំពុងរាតត្បាតនៅលើពិភពលោកដោយមានអ្នកឆ្លងរាប់រយលាននាក់និងស្លាប់ជាងមួយលាននាក់ទៅហើយនោះ។ ចំណែកសំណង់អាគារនេះ គឺជាមណ្ឌលសុខភាពដែលកសាងឡើង ដើម្បីបម្រើសេវាសុខភាពជូនពលរដ្ឋនិងកាសម្រាកព្យាបាលជំងឺផ្សេងៗ៕

អត្ថបទ៖ វិមាន