ព័ត៌មានជាតិ
គណៈរដ្ឋមន្ត្រីថ្មីរបស់ឯកឧត្តម ហ៊ុន ម៉ាណែត ត្រូវបានរដ្ឋសភាបោះឆ្នោតផ្ដល់សេចក្ដីទុកចិត្តទាំងស្រុង
សមាសភាពគណៈរដ្ឋមន្ត្រីថ្មី ដែលមានឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រី ត្រូវបានសម័យប្រជុំលើកទី១ នីតិកាលទី៧ នៃរដ្ឋសភា បោះឆ្នោតផ្ដល់សេចក្ដីទុកចិត្តទាំងស្រុង នៅព្រឹកថ្ងៃទី២២ ខែសីហា ឆ្នាំ២០២៣នេះ។

សម័យប្រជុំលើកទី១ នៃរដ្ឋសភា នាព្រឹកនេះ ក្រោមការដឹកនាំរបស់សម្ដេចពញាចក្រី ហេង សំរិន ព្រឹទ្ធសមាជិករដ្ឋសភា ដោយមានវត្តមានចូលរួមរបស់តំណាងរាស្ត្រសរុបទាំងអស់ ១២៣រូប ដែលក្នុងនោះ មកពីគណបក្សប្រជាជនកម្ពុជា និងមកពីគណបក្សហ្វ៊ុនស៊ិនប៉ិន។ ការបោះឆ្នោតផ្ដល់សេចក្ដីទុកចិត្តចំពោះរាជរដ្ឋាភិបាលថ្មីនេះ ក្នុងសំឡេងគាំទ្រ ១២៣។

ការបោះឆ្នោតគាំទ្រឯកឧត្តមបណ្ឌិត ហ៊ុន ម៉ាណែត ធ្វើជានាយករដ្ឋមន្ត្រីកម្ពុជា នាអាណត្តិនេះ គឺបន្ទាប់ពីគណបក្សប្រជាជនកម្ពុជា បានឈ្នះភ្នូកទឹកភ្នូកដីក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៧ កាលពីថ្ងៃទី២៣ ខែកក្កដា ឆ្នាំ២០២៣ ហើយខណៈដែលសម្ដេចតេជោ ហ៊ុន សែន បានប្រកាសមិនបន្តធ្វើជានាយករដ្ឋមន្ត្រី ដោយទុកឱកាសឱ្យអ្នកបន្តវេនជំនាន់ក្រោយមកដឹកនាំបន្ត។

សម្ដេចតេជោ ហ៊ុន សែន ធ្លាប់លើកឡើងថា នេះ គឺជាការផ្លាស់ប្តូរជាប្រវត្តិសាស្ត្រក្នុងរបត់នយោបាយរបស់កម្ពុជា ដោយសម្ដេចជាអ្នកដែលបានលះបង់ធំជាងគេ ដើម្បីធានាថានេះ ជាការផ្លាស់ប្ដូរដោយសន្តិវិធី ពិសេស ធានាដល់សន្តិភាព ស្ថិរភាព និងការអភិវឌ្ឍរបស់កម្ពុជាសម្រាប់រយៈកាលយូរអង្វែងតទៅមុខទៀត។ ដោយឡែក បន្ទាប់ពីបោះឆ្នោតរួច សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ដែលជាគណបក្សឈ្នះឆ្នោត នឹងធ្វើសន្និសីទសារព័ត៌មាន នៅវិមានរដ្ឋសភា ផងដែរ៕
អត្ថបទ៖ ធឿន វ៉ាន់សុង

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ