ព័ត៌មានជាតិ
តើតំណាងរាស្ត្រណាខ្លះ កាន់ជាប្រធាន-អនុប្រធានគណៈកម្មការជំនាញនៃរដ្ឋសភា អាណត្តិទី៧នេះ?
ក្នុងសម័យប្រជុំលើកទី១ នៅថ្ងៃទី២២ ខែសីហានេះ រដ្ឋសភា បានបោះឆ្នោតអនុម័តដោយលើកដៃចំពោះបញ្ជីរាយនាមសមាសភាពជាកញ្ចប់ ដែលមានប្រធាន-អនុប្រធានរដ្ឋសភា និងប្រធាន-អនុប្រធានគណៈកម្មការជំនាញទាំង១០ នៃរដ្ឋសភា សម្រាប់នីតិកាលទី៧នេះ។

បើតាមលទ្ធផល រដ្ឋសភាដែលមានសំឡេងគាំទ្រសរុបចំនួន ១២៣សំឡេង បានបោះឆ្នោតជ្រើសតាំងលោកស្រី ឃួន សុដារី ជាប្រធានរដ្ឋសភា លោក ជាម យៀប ជាអនុប្រធានទី១ និងលោក វង សូត ជាអនុប្រធានទី២ រដ្ឋសភា។ រីឯ សមាសភាពប្រធាន និងអនុប្រធានគណៈកម្មការជំនាញទាំង១០ នៃរដ្ឋសភា រួមមាន គណៈកម្មការសិទ្ធិមនុស្សទទួលពាក្យបណ្តឹង អង្កេត និងទំនាក់ទំនងរដ្ឋសភា ព្រឹទ្ធសភា មានលោក សរ ចំរ៉ុង ជាប្រធាន និងអនុប្រធាន គឺលោក សម តារា។

គណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម មានលោក ឈាង វុន ជាប្រធាន និងអនុប្រធាន លោក ឡោក ហ៊ួរ ខណៈគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក គឺលោក ឡូយ សុផាត ជាប្រធាន លោក ម៉ា ឈឿន ជាអនុប្រធានគណកម្មការ។

សម្រាប់គណៈកម្មការមហាផ្ទៃ ការពារជាតិ មុខងារសាធារណៈ ដឹកនាំដោយលោក កែប ជុតិមា ជាប្រធាន និងអនុប្រធាន លោក ច័ន្ទ សុផល។ គណៈកម្មការទី៥ ឬហៅថា គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន មានលោក សួស យ៉ារ៉ា ជាប្រធាន និងលោក នឹម ច័ន្ទតារា អនុប្រធាន។

ចំណែក អតីតរដ្ឋមន្ត្រីក្រសួងយុត្តិធម៌ លោក អង្គ វង្សវឌ្ឍនា ត្រូវបានបោះឆ្នោតជ្រើសតាំងជាប្រធានគណៈកម្មការនីតិកម្ម និងយុត្តិធម៌ ខណៈអនុប្រធាននៃគណៈកម្មការនេះ គឺលោកស្រី គ្រួច សំអាន។ គណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ ដែលអាណត្តិមុនដឹកនាំដោយឯកឧត្តម ហ៊ុន ម៉ានី គឺត្រូវជំនួសដោយលោក ប៉ា សុជាតិវង្ស ធ្វើជាប្រធាន និងអនុប្រធាន គឺលោកស្រី ខេង សំវ៉ដា ភរិយាលោក ប្រាក់ សុខុន។

គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារបណ្តុះ បណ្តាលវិជ្ជាជីវៈ និងកិច្ចការនារី ដឹកនាំដោយប្រធានអាណត្តិមុន គឺលោកស្រី ឡោក ខេង ហើយអនុប្រធាន លោក សោម ចិន។ ជាមួយគ្នានេះ លោកស្រី និន សាផុន បន្តកាន់ជាប្រធានគណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉េថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ ហើយមានអនុប្រធាន គឺលោក លី ឆេង។ ចំពោះគណៈកម្មការទី១០ គឺគណៈកម្មការអង្កេត បោសសំអាត និងប្រឆាំងអំពើពុករលួយ គឺលោក ប៉ែន ស៊ីម៉ន ជាប្រធាន និងអនុប្រធាន លោក កែវ វីរៈ៕
ដោយ៖ ធឿន វ៉ាន់សុង

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម៨ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ