ព័ត៌មានជាតិ
តើអត្តសញ្ញាណប័ណ្ណខេត្ត អាចចុះបញ្ជីស្លាកលេខយានយន្ត ភ្នំពេញ បានដែរឬទេ?
ម្ចាស់យានយន្តដែលមានអត្តសញ្ញាណប័ណ្ណខេត្ត ហើយចង់បានស្លាកលេខភ្នំពេញ លុះត្រាតែម្ចាស់យានយន្តនោះ មានអាសយដ្ឋានអចិន្ត្រៃយ៍នៅភ្នំពេញ ដោយតម្រូវឱ្យភ្ជាប់នូវសៀវភៅគ្រួសារ ឬ សៀវភៅស្នាក់នៅ បន្ថែមលើឯកសារចាំបាច់មួយចំនួនប៉ុណ្ណោះ។ នេះបើតាមការចេញផ្សាយរបស់ ក្រសួងសាធារណការ និងដឹកជញ្ជូន នៅព្រឹកថ្ងៃទី២៣ ខែសីហា ឆ្នាំ២០២៣ ។

ក្រសួងសាធារណការ និងដឹកជញ្ជូន បញ្ជាក់ថា យោងប្រកាស២៦២ ប្រ.ក.សក.ដជគ ចុះថ្ងៃទី ២៧ ខែសីហា ឆ្នាំ២០១៩ ម្ចាស់យានជំនិះដែលមានអត្តសញ្ញាណប័ណ្ណអាសយដ្ឋានខេត្ត តែមានទីលំនៅអចិន្ត្រៃយ៍នៅរាជធានីភ្នំពេញ អាចដាក់ពាក្យស្នើចុះបញ្ជីយកលេខចុះបញ្ជីភ្នំពេញបាន ទៅតាមអាសយដ្ឋានបច្ចុប្បន្នរបស់ខ្លួន ដោយត្រូវភ្ជាប់មកជាមួយនូវសៀវភៅគ្រួសារ ឬសៀវភៅស្នាក់នៅអចិន្ត្រៃយ៍នៅរាជធានីភ្នំពេញ អមជាមួយនឹងអត្តសញ្ញាណប័ណ្ណអាសយដ្ឋានខេត្ត ជាច្បាប់ចម្លង ដែលមានបញ្ជាក់ពីអាជ្ញាធរមានសមត្ថកិច្ច។
ដូចនេះ ដើម្បីបានស្លាកលេខភ្នំពេញ ត្រូវយកឯកសារចាំបាច់ខាងលើ ភ្ជាប់ជាមួយបង្កាន់ដៃពន្ធយានយន្ត លិខិតទិញលក់ និងវិញ្ញាបនបត្រត្រួតពិនិត្យលក្ខណៈបច្ចេកទេសយានយន្ត (អាចស្នើសុំបានក្នុងប្រព័ន្ធស្វ័យប្រវត្តិកម្មចុះបញ្ជី)។ សម្រាប់ការចុះបញ្ជីនេះ ម្ចាស់យានយន្តដែលមានអត្តសញ្ញាណប័ណ្ណខេត្ត ក៏អាចទិញស្លាកលេខកម្ពុជាបានដែរ។
គួរបញ្ជាក់ថា ការចុះបញ្ជីយានយន្តនេះ អាចធ្វេីបាននៅតាមទីតាំងដែលកំណត់ដោយក្រសួង ដូចជានៅអគ្គនាយកដ្ឋានដឹកជញ្ជូនផ្លូវគោក មន្ទីរសាធារណការ និងដឹកជញ្ជូនរាជធានី-ខេត្ត ឬ ហាងលក់យានយន្តដែលមានសិទ្ធិចុះបញ្ជីជាមួយក្រសួង៕
អត្ថបទ៖ សុធាវី

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១០ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១០ ម៉ោង ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់