ព័ត៌មានជាតិ
រដ្ឋមន្រ្តីថ្មីក្រសួងអធិការកិច្ច ជាអ្នកខេត្តកំពង់ស្ពឺ ជាបញ្ញវន្តបញ្ចប់ការសិក្សានៅបារាំង
លោក ហួត ហាក់ ជាសមាសភាពរដ្ឋមន្រ្តីថ្មីមួយរូបក្នុងចំណោមសមាភាពរដ្ឋមន្រ្តីថ្មីជាច្រើនរូបទៀត នៃគណៈរដ្ឋមន្ត្រីក្នុងរាជរដ្ឋាភិបាលនីតិកាលទី ៧ ដែលមានឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជាប្រមុខថ្នាក់ដឹកនាំ។
តាមជីវប្រវត្តិ លោក ហួត ហាក់ មានស្រុកកំណើតនៅខេត្តកំពង់ស្ពឺ។ មុនទទួលតំណែងជារដ្ឋមន្ត្រីក្រសួងអធិការកិច្ច (អតីតក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច) ជំនួសលោកជំទាវកិត្តិសង្គហបណ្ឌិត ម៉ែន សំអន លោកបានបម្រើការងារនៅក្រសួងទំនាក់ទំនងជាមួយព្រឹទ្ធសភា រដ្ឋសភា និងអធិការកិច្ចបច្ចុប្បន្នក្រសួងអធិការកិច្ចជាង ៣០ ឆ្នាំ តាំងពីតួនាទីជាមន្រ្តីធម្មតារហូតឡើងជារដ្ឋលេខាធិការក្រសួង។
តើរដ្ឋមន្រ្តីថ្មីរូបនេះនរណា មានប្រវត្តិបែបណាដែរ?
ជីវប្រវត្ត
លោក ហួត ហាក់ កើតនៅភូមិត្រពាំងគង ឃុំត្រពាំងគង ស្រុកសំរោងទង ខេត្តកំពង់ស្ពឺ ដែលមានលោកឪពុកឈ្មោះ ហួត ឈុន អ្នកម្តាយឈ្មោះ យឹម ហុង និងមានភរិយាឈ្មោះ សុង ធីតា ព្រមទាំងមានកូនប្រុសស្រីចំនួន ៣ នាក់។ គិតនៅត្រឹមឆ្នាំ ២០២៣ លោកមានវ័យ ៥០ ឆ្នាំ។
ការសិក្សាអប់រំ
លោក ហួត ហាក់ បានទទួលការអប់រំបណ្តុះបណ្តាលទាំងក្នុងនិងក្រៅប្រទេស។ លោកបានបញ្ចប់ការសិក្សាថ្នាក់បរិញ្ញាបត្រនីតិសាស្រ្តនៅមហាវិទ្យាល័យនីតិសាស្ត្រ និងវិទ្យាសាសស្រ្តសេដ្ឋកិច្ច និងសញ្ញាបត្រជាមន្ត្រីជាន់ខ្ពស់ផ្នែកការទូតនៅសាលាភូមិន្ទរដ្ឋបាល (ERA) នៅឆ្នាំ២០០១។
លោកបានបន្តបញ្ចប់ថ្នាក់បរិញ្ញាបត្រជាន់ខ្ពស់ជំនាញផ្នែកវិទ្យាសាស្ត្រនយោបាយនៅឆ្នាំ ២០០៥ និងថ្នាក់បណ្ឌិតគ្រប់គ្រងធុរកិច្ចពីសកលវិទ្យាល័យ Preston (Preston University) នៅឆ្នាំ ២០០៨។ ដោយស្រឡាញ់ការសិក្សានិងការតស៊ូព្យាយាម លោក ហួត ហាក់ ក៏បានទៅបន្តការសិក្សានៅតាមបណ្តាប្រទេសមួយចំនួនដូចជា ចក្រភពអង់គ្លេស ប្រទេសសឹង្ហបុរី សាធារណៈរដ្ឋប្រជាមានិតចិន ជាពិសេសមានឱកាសទទួលបានអាហារូបករណ៍ទៅសិក្សានៅប្រទេសបារំាង និងទទួលបានសញ្ញាបត្រជាន់ខ្ពស់ផ្នែកគ្រប់គ្រងសាធារណៈពីសាលាជាតិរដ្ឋបាលបារាំង (ENA) ដែលជាសាលាដ៏ល្បីល្បាញមួយរបស់អឺរ៉ុប ក្នុងការបណ្តុះបណ្តាលអ្នកនយោបាយ អ្នករដ្ឋបាល អ្នកសេដ្ឋកិច្ច និងអ្នកការទូតជាន់ខ្ពស់។
ចំណេះភាសាបរទេស
ចំពោះភាសាបរទេស លោកអាចប្រើប្រាស់ភាសាបារាំង និងអង់គ្លេសបានយ៉ាងស្ទាត់ជំនាញ។
បទពិសោធន៍ការងារ
ទោះធ្លាប់មានបទពិសោធន៍លើការងារជំនាញផ្សេងៗជាច្រើនដូចជាសាស្ត្រាចារ្យច្បាប់ និពន្ធនាយកសារព័ត៌មាន អ្នករដ្ឋបាល អ្នកច្បាប់ មុខជំនាញការទូត លោក ហួត ហាក់ មិនមែនជាឥស្សរជនថ្មីនោះទេនៅក្នុងវិស័យអធិការកិច្ច។
លោកបានប្រឡូកក្នុងការងារនេះប្រមាណជា ៣០ ឆ្នាំ ដោយធ្លាប់ចូលបម្រើការតាំងពីជាមន្រ្តីធម្មតា ជាប្រធានការិយាល័យ ជាប្រធាននាយកដ្ឋានរដ្ឋបាលនិងបុគ្គលិកពីឆ្នាំ២០០១ ដល់ឆ្នាំ ២០០៨ ជាអនុរដ្ឋលេខាធិការរយៈពេល ១០ ឆ្នាំពីឆ្នាំ ២០០៨ ដល់ឆ្នាំ២០១៨ និងជារដ្ឋលេខាធិការទទួលបន្ទុកការងារទទួលពាក្យបណ្តឹង និងអង្កេតស្រាវជ្រាវពីឆ្នាំ២០១៨ ដល់ឆ្នាំ២០២៣ នៅក្រសួងផងដែរ។
ការប្តេជ្ញាចិត្តលើតួនាទីថ្មី
រាជរដ្ឋាភិបាលនៅក្នុងអណត្តិថ្មី បានដាក់ចេញឱ្យអនុវត្តកម្មវិធីនយោបាយនានា និងយុទ្ធសាស្រ្តបញ្ចកោណដំណាក់កាលទី១ ដែលបន្តផ្តោតការយកចិត្តទុកដាក់ជាសំខាន់ ទៅលើការកែទម្រង់កាន់តែស៊ីជម្រៅ និងកាន់តែទូលំទូលាយជាងមុន ក្នុងន័យចូលរួមថែរក្សាសមិទ្ធផលចាស់ ដែលអ្នកដឹកនាំរៀមច្បងជំនាន់មុនបានកសាងហើយអ្នកបន្តវេនជំនាន់ថ្មីនេះ ក៏រួមគ្នាប្តេជ្ញាបង្កើតសមិទ្ធផលថ្មីបន្ថែមទៀតផងដែរ។
កាន់តួនាទីដឹកនាំនៅក្រសួង លោក ហួត ហាក់ បានប្តេជ្ញាយ៉ាងមុតមាំចងចាំជានិច្ចនូវអភិក្រមការងារទាំង ៥ យ៉ាង របស់សម្តេចអគ្គមហាសេនាបតីតេជោ ហ៊ុន សែន គឺ «ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់»។
លើសពីនោះ រដ្ឋមន្រ្តីអធិការកិច្ចថ្មីរូបនេះក៏បានរៀបចំនូវការកំណែទម្រង់ជាអាទិភាពមួយចំនួនសំដៅអនុវត្តឱ្យបានជោគជ័យនូវបេសកកម្មចំបងរបស់ក្រសួង ដែលរាជរដ្ឋាភិបាលអាណត្តិទី៧ ប្រគល់ជូន ដើម្បីធានាបាននូវវប្បធម៌សុចរិតភាព តម្លាភាព គណនេយ្យភាព មនសិកាវិជ្ជាជីវៈ និងការពង្រឹងវិន័យការងារ ក៏ដូចជាការតាំងចិត្តយ៉ាងមុតមាំ ក្នុងការចូលរួមអនុវត្តឱ្យបានជោគជ័យ កម្មវិធីនយោបាយនានា របស់រាជរដ្ឋាភិបាលអាណត្តិទី ៧ និងផែនការយុទ្ធសាស្រ្តបញ្ចកោណដំណាក់កាលទី១ នៃអាណត្តិទី៧នេះ។
តាមរយៈចំណេះដឹង និងបទពិសោធន៍ការងារប្រមាណជា ៣០ ឆ្នាំ រួមជាមួយការតាំងចិត្តដ៏ម៉ឺងម៉ាត់ឥតងាករេ លោកប្តេជ្ញានឹងបន្តរួមចំណែកយ៉ាងសំខាន់ដល់ការអនុវត្តគោលនយោបាយរបស់រាជរាដ្ឋាភិបាល ក្រោមការដឹកនាំដ៏ខ្ពង់ខ្ពស់របស់ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជាពិសេសក្នុងវិស័យអធិការកិច្ចនេះ តាមរយៈការពង្រឹងសកម្មភាពនានា ដែលរួមមានជាអាទិ៍ ការងារតាមដានត្រួតពិនិត្យ ការធ្វើអធិការកិច្ចលើគ្រប់វិស័យ ការទទួលនិងដោះស្រាយពាក្យបណ្តឹង ការការពារទ្រព្យសម្បត្តិរដ្ឋ និងទ្រព្យសម្បត្តិស្របច្បាប់របស់ប្រជាពលរដ្ឋ ការប្រឆាំងនឹងអំពើពុករលួយ ការរំលោភដោយអំណាច និងបាតុភាពអសកម្មនានា ការលើកកម្ពស់អភិបាលកិច្ចល្អ និងការពង្រឹងប្រសិទ្ធភាពនៃការអនុវត្តន៍ច្បាប់ និងលិខិតបទដ្ឋានគតិយុត្តផ្សេងៗ ជាការចំណែកយ៉ាងសំខាន់ជួយដល់រាជរដ្ឋាភិបាល ក្នុងការអភិវឌ្ឍប្រទេសប្រកបដោយចីរភាព ធ្វើឱ្យរដ្ឋបាលសាធារណៈកាន់តែស្អាតស្អំ មានគុណភាព ដែលជាការឆ្លើយតបនឹងបំណងប្រាថ្នារបស់ប្រជាពលរដ្ឋទូទៅ៕
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?