ព័ត៌មានជាតិ

រាជធានីភ្នំពេញ ទទួលបាន រថយន្ត និងបរិក្ខារសង្គ្រោះបន្ទាន់ ពីទីក្រុងជីណាន

បានផុស

២ years មុន

នៅ

ថ្ងៃព្រហស្បតិ៍ ២៤ សីហា ២០២៣

ដោយ

រដ្ឋបាលរាជធានីភ្នំពេញ ទទួលបានរថយន្តសង្គ្រោះបន្ទាន់ ១គ្រឿង ជាមួយនឹងសម្ភារបរិក្ខាពេទ្យនៅក្នុងរថយន្ត ដែលជាជំនួយឥតសំណងរបស់ទីក្រុងជីណាន នៃសាធារណរដ្ឋប្រជាមានិតចិន ដើម្បីចូលរួមចំណែក ក្នុងការលើកកម្ពស់សេវាសុខភាពសាធារណៈក្នុងរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពីធីប្រគល់-ទទួលនេះ ធ្វើឡើងនៅរសៀល ថ្ងៃទី២៤ ខែសីហា ឆ្នាំ២០២៣នេះ នៅសាលារាជធានីភ្នំពេញ ក្រោមវត្តមានលោក ឃួង ស្រេង អភិបាលរាជធានីភ្នំពេញ និង លោក Zhao Haiyan អគ្គទីប្រឹក្សានៃស្ថានទូតចិនប្រចាំកម្ពុជា។

តាមលិខិតសរសើរ របស់ លោក ឃួង ស្រេង ជូនទៅ លោក WANG WENTIAN មានសេចក្ដីថា ក្នុងនាមក្រុមប្រឹក្សារាជធានីភ្នំពេញ គណៈអភិបាល មន្ត្រីរាជការ និងប្រជាពលរដ្ឋ នៃសាលារាជធានីភ្នំពេញ លោកសូមថ្លែងអំណរគុណយ៉ាងជ្រាលជ្រៅបំផុតចំពោះការខិតខំប្រឹងប្រែងនៃការផ្តល់ជំនួយ និងកិច្ចសហការគាំទ្រ លើការប្រគល់រថយន្តសង្គ្រោះបន្ទាន់ ១គ្រឿង សម្ភារ និងបរិក្ខារ ជូនរដ្ឋបាលរាជធានីភ្នំពេញ នៃព្រះរាជាណាចក្រកម្ពុជា។

លោក ឃួង ស្រេង មានជំនឿយ៉ាងមុតមាំថា ជំនួយ និងអំណោយដ៏មានតម្លៃនេះនឹងចូលរួមចំណែកយ៉ាងសំខាន់ក្នុងការលើកកម្ពស់សេវាសុខភាពសាធារណៈក្នុងរាជធានីភ្នំពេញ ហើយរដ្ឋបាលរាជធានីនឹងរក្សា និងចងចាំជានិច្ចចំពោះជំនួយដ៏មានអត្ថន័យ និងមានតម្លៃទាំងអស់នេះ។

លោកសូមអរគុណចំពោះការខិតខំប្រឹងប្រែង និងការគាំទ្រ ដ៏សប្បុរសនេះ។ ជំនួយ និងកង្វល់របស់ម្ចាស់ជំនួយនឹងធ្វើឱ្យមានការផ្លាស់ប្តូរនៅក្នុងផ្លូវអភិវឌ្ឍនៃទីក្រុងភ្នំពេញនាពេលបច្ចុប្បន្ន និងទៅអនាគត៕

អត្ថបទ៖ ស្រីរ័ត្ន