ព័ត៌មានជាតិ
រដ្ឋមន្ត្រីថ្មីក្រសួងសាធារណការ បញ្ចប់ការសិក្សាពីកាណាដា អតីតជាជំនួយការសម្តេច សុខ អាន
លោក ប៉េង ពោធិ៍នា បានទទួលការតែងតាំងជារដ្ឋមន្ត្រីក្រសួងសាធារណការនិងដឹកជញ្ជូនជំនួសលោក ស៊ុន ចាន់ថុល។ ការប្រកាសតែងតាំងលោក ប៉េង ពោធិ៍នា ទទួលបានការចាប់អារម្មណ៍ ដោយសាររដ្ឋមន្រ្តីវ័យក្មេងរូបនេះត្រូវគេដឹងថាជាកូនប្រុសសម្តេចម៉ែន សំអន។
តាមជីវប្រវត្តិ មុនទទួលតំណែងដឹកនាំការងារនៅក្រសួងសាធារណការនិងដឹកជញ្ជូន លោក ប៉េង ពោធិ៍នាធ្លាប់បម្រើការងារជាមន្រ្តីនៅទីស្តីការគណៈរដ្ឋមន្រ្តី និងជាជំនួយការផ្ទាល់សម្តេចវិបុលបញ្ញា សុខ អាន។
ស្ថិតនៅក្នុងចំណោមរដ្ឋមន្រ្តីវ័យក្មេងក្នុងជួររដ្ឋាភិបាលនីតិកាលទី ៧ ដែលដឹកនាំដោយឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តី លោក ប៉េង ពោធិ៍នា ជាបញ្ញវន្តមួយរូបដែលទទួលបានការអប់រំជ្រៅជ្រះដោយលោកបានបញ្ចប់ការសិក្សាពីប្រទេសកាណាដា។
តើថ្នាក់ដឹកនាំវ័យក្មេងជាអ្នកបន្តវេនរូបនេះមានប្រវត្តិបែបណា?
ក្រុមគ្រួសារ
លោក ប៉េង ពោធិ៍នា កើតនៅរាជធានីភ្នំពេញក្នុងឆ្នាំ ១៩៨៣។ លោកជាកូនប្រុសលោក ប៉េង ប៉ាត់ អតីតសមាជិកព្រឹទ្ធសភាគណបក្សប្រជាជនកម្ពុជា និងសម្តេច ម៉ែន សំអន អតីតរដ្ឋមន្រ្តីក្រសួងទំនាក់ទំនងជាមួយព្រឹទ្ធសភា រដ្ឋសភា និងអធិការកិច្ច (បច្ចុប្បន្នក្រសួងអធិការកិច្ច)។
លោកជាប្អូនប្រុសបង្កើតលោក ប៉េង ពោធិ៍សា ដែលទើបទទួលបានការតែងតាំងជាអភិបាលខេត្តស្វាយរៀងជំនួសលោកម៉ែន វិបុល។ លោក ប៉េង ពោធិ៍នា បានរៀបអាពាហ៍ពិពាហ៍និងមានកូនចំនួន ០៣ នាក់។
ការអប់រំ
លោក ប៉េង ពោធិ៍នា បានបញ្ចប់ការសិក្សាថ្នាក់ទុតិយភូមិពីវិទ្យាល័យព្រះស៊ីសុវត្ថិនៅឆ្នាំ ១៩៩៩ និងបន្តការសិក្សាថ្នាក់បរិញ្ញាបត្រផ្នែក Mathematics & Statistic នៅប្រទេសកាណាដានៅឆ្នាំ ២០១១ និងបរិញ្ញាបត្រជាន់ខ្ពស់ផ្នែកពាណិជ្ជសាស្រ្តពីសាកលវិទ្យាល័យ Charles Sturt នៅឆ្នាំ ២០១៧។
បទពិសោធ៍ការងារ
-នៅឆ្នាំ ២០១៥ លោកបានចូលទៅបម្រើការងារជាមន្ត្រីខុទ្ទកាល័យសម្តេចវិបុលបញ្ញា សុខ អាន នៅទីស្តីការគណៈរដ្ឋមន្ត្រី
-ឆ្នាំ២០១៥-២០១៦៖ ជាជំនួយការផ្ទាល់សម្តេចវិបុលបញ្ញា សុខ អាន នៅទីស្តីការគណៈរដ្ឋមន្រ្តី
-ឆ្នាំ២០១៦-២០១៩៖ អនុរដ្ឋលេខាធិការ នៅក្រសួងសាធារណការ និងដឹកជញ្ជូន
-ឆ្នាំ២០១៩-២០២៣៖ រដ្ឋលេខាធិការ ក្រសួងសាធារណការនិងដឹកជញ្ជូន
-ឆ្នាំ២០២៣-ដល់បច្ចុប្បន្ន៖ ជារដ្ឋមន្ត្រីក្រសួងសាធារណការ និងដឹកជញ្ជូន
សារពីលោករដ្ឋមន្រ្តី
ក្រោយទទួលតំណែងជារដ្ឋមន្ត្រីក្រសួងសាធារណការ និងដឹកជញ្ជូន លោក ប៉េង ពោធិ៍នា បានប្តេជ្ញានឹងយកចំណេះ ជំនាញ និងបទពិសោធន៍ទៅបន្តដឹកនាំអភិវឌ្ឍវិស័យសាធារណការឲ្យរីកចម្រើនបន្ថែមទៀត។
ដោយបានរៀនសូត្រ ជាមួយបទពិសោធន៍បានចូលរួមអនុវត្តការងារជាមួយថ្នាក់ដឹកនាំជារៀមច្បងអស់រយៈពេលជាង ៧ ឆ្នាំ ក្នុងវិស័យសាធារណការនិងដឹកជញ្ជូន លោករដ្ឋមន្រ្តីបានប្តេជ្ញានឹងប្រឹងប្រែងឱ្យអស់ពីសមត្ថភាព និងកម្លាំងកាយចិត្តក្នុងការបន្តអភិវឌ្ឍវិស័យសាធារណរការឱ្យកាន់តែមានវឌ្ឍនភាពរីកចម្រើន ស្របតាមកម្មវិធីនយោបាយនិងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាល ដែលផ្ដោតលើគោលនយោបាយអាទិភាពសម្រាប់ការអភិវឌ្ឍចំនួន ៥ ចំណុចរួមមាន៖ មនុស្ស ផ្លូវ ទឹក ភ្លើង និងបច្ចេកវិទ្យា ដើម្បីប្រែក្លាយកម្ពុជាឱ្យទៅជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងជាប្រទេសមានចំណូលខ្ពស់នៅឆ្នាំ ២០៥០ ក្រោមការដឹកនាំដោយឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រី។
ក្រោយទទួលបានតួនាទីដឹកនាំនៅក្រសួងសាធារណការនិងដឹកជញ្ជូន លោកក៏នឹងជំរុញឲ្យថ្នាក់ដឹកនាំនិងបុគ្គលិកមន្ត្រីរាជការនៅក្នុងក្រសួងខិតខំយកអស់កម្លាំងកាយចិត្ត និងសមត្ថភាពចូលរួមអនុវត្តតួនាទីភារកិច្ចរបស់ខ្លួនប្រកបដោយឆន្ទៈមោះមុត ភាពបុរេសកម្ម និងអន្តរសកម្ម ដើម្បីសហការគ្នាសម្រចឱ្យបាននូវសមិទ្ធផលការងារថ្មីៗ ប្រកបដោយប្រសិទ្ធភាព និងប្រសិទ្ធផលខ្ពស់ជូនរាជរដ្ឋាភិបាលក៏ដូចជាប្រជាពលរដ្ឋ៕
ធ្លាប់ជាតារាភាពយន្តឯកច្រើនឆ្នាំ ចុងក្រោយ សឿ សុធារ៉ា បែរមកប្រកបរបរលក់សាច់ងៀតចិញ្ចឹមកូនៗ
រថយន្តបុករះនៅផ្សារបុណ្យណូអែលអាល្លឺម៉ង់ ស្លាប់និងរបួសមនុស្សច្រើននាក់ សង្ស័យជាអំពើភេរវកម្ម
ផ្លាស់ប្តូរប្រធានមន្ទីររៀបចំដែនដីខេត្តបន្ទាយមានជ័យ ជំនួសលោក អាង ណារិទ្ធ ទៅបំពេញភារកិច្ចនៅក្រសួង
ពិព័រណ៍ម្ហូបអាហារខ្មែរអ្នកបាត់ដំបង ត្រៀមរៀបចំអបអរឆ្លងឆ្នាំសកល ២០២៤-២០២៥ នៅខេត្តបាត់ដំបង
ព្រឹត្តិការណ៍ “សាទរកម្ពុជា” នឹងប្រព្រឹត្តទៅនៅ ថ្ងៃទី៣១ ខែធ្នូ ដែលមានអ្នកចូលរួមប្រមាណ ៣០០០នាក់ នៅមុខព្រះបរមរាជវាំង
លោក ពូទីន ថា ចង់ផឹកទឹកតែជាមួយអតីតមេដឹកនាំពិភពលោក៣រូប ដែលបាត់បង់ជីវិត
អ្នកស្លាប់ដោយសារព្យុះស៊ីក្លូន Chido នៅម៉ូសំប៊ិកកើនឡើងដល់៧៣នាក់
អាកាសយានដ្ឋានតារាសាគរនឹងបើកការហោះហើរសាកល្បងជាមួយនិង ការស្វាគមជើងហោះហើរ ឆាតទើរដំបូងនៅថ្ងៃទី២៦ខែធ្នូ
អាជ្ញាធរសៀមរាប ព្រមានឈ្មោះ សេក ដារ៉ា ត្រូវបញ្ឈប់ជាបន្ទាន់ការព្យាបាលជំងឺគ្រប់ប្រភេទដោយចាក់ម្ជុលវិទ្យាសាស្ត្រ
មេដឹកនាំក្រុមយុវជនសង្គមស៊ីវិល អំពាវនាវឱ្យធ្វើយុទ្ធនាការផ្ការីក ដើម្បីសន្តិភាព និងថ្កោលទោសចលនាផ្ការីកបែប«ភេរវកម្ម»
-
វប្បធម៌ ជំនឿ១ សប្តាហ៍ agoកត់ចំណាំទុក បើគេងយល់សប្តិឃើញ ១០ ប្រភេទនេះ គួរពិចារណា
-
នយោបាយ៤ ថ្ងៃ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ៤ ថ្ងៃ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ៥ ថ្ងៃ agoទឹកជំនន់នៅថៃឆក់យកជីវិតមនុស្ស៣៥នាក់និងប៉ះពាល់ដល់១១ខេត្ត
-
ជីវិតកម្សាន្ដ១ សប្តាហ៍ agoសឿន វីតា កំពុងកៀរគរសប្បុរជនជួយនិស្សិតពេទ្យបញ្ចប់ការសិក្សាម្នាក់ ដែលត្រូវលាងឈាម (មានវីដេអូ)
-
ព័ត៌មានអន្ដរជាតិ៤ ថ្ងៃ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៥ ថ្ងៃ agoប្រទេសនៅអាហ្វ្រិក ផ្ទុះជំងឺចម្លែក អ្នកឆ្លងហើយ ញាក់ខ្លួនដូចរាំ
-
ព័ត៌មានអន្ដរជាតិ៣ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ