ព័ត៌មានជាតិ

បើកម៉ូតូលឿនពេក បុកបង្កាន់ដៃស្ពានអ្នកតាវាំងបាក់ករស្លាប់ភ្លាមៗ

បានផុស

៤ years មុន

នៅ

ថ្ងៃអាទិត្យ ៣១ មករា ២០២១

ដោយ

Kang Tola

ភ្នំពេញ ៖ ពិតជាគួរឲ្យរន្ធត់និងមានការសោកស្តាយពីក្រុមគ្រួសារដែលបាត់បង់មនុស្សជាទីស្រឡាញ់តែមួយប៉ព្រិចភ្នែក។

ជាក់ស្តែងករណីគ្រោះថ្នាក់ចរាចរណ៍មួយបានកើតឡើងនៅលើស្ពានអ្នកតាវាំងតាមបណ្តោយផ្លូវ៣៦៩ភូមិព្រែកថ្មី១ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅទទួលបន្ទុកចរាចរណ៍បានឲ្យដឹងថា កាលពីវេលាម៉ោង២២និង៣០នាទីយប់ថ្ងៃទី៣០ខែមករានេះជនរងគ្រោះឈ្មោះ នង វ៉ា ភេទប្រុស អាយុ៤២ឆ្នាំ មុខរបរបុគ្គលិកក្រុមCRY មានស្រុកកំណើតភូមិគោករកា ឃុំរាមអណ្តើក ស្រុកគីរីវង្ស ខេត្តតាកែវ បានជិះម៉ូតូម៉ាកស្គូបពី ពណ៌ក្រហម ពាក់ស្លាកលេខ ភ្នំពេញ 1BK-4494 បានបើកបរតាមបណ្តោយផ្លូវលេខ៣៦៩តែម្នាក់ឯង ក្នុងទិសដៅពីកើតទៅលិច។

លុះមកដល់ចំណុចស្ពានអ្នកតាវាំងស្ថិតនៅភូមិព្រែកថ្មី១បានរេដៃចង្កូតទៅបុកបង្កាន់ដៃស្ពានបណ្តាលឲ្យបោកក្បាលទៅនឹងទ្រូងផ្លូវបណ្តាលឲ្យបាក់ករស្លាប់ភ្លាមៗ។

តាមការសន្និដ្ឋានរបស់នគរបាលដោយមានការបញ្ជាក់ពីសាក្សី គឺករណីគ្រោះថ្នាក់ចរាចរណ៍នេះដោយសារជនរងគ្រោះបើកបរលឿនខ្វះការប្រុងប្រយ័ត្ន។ សពត្រូវបានក្រុមគ្រួសារបញ្ជូនទៅធ្វើបុណ្យនៅស្រុកកំណើតទាំងយប់ដោយគ្មានការប្តឹងផ្តល់ឡើយ៕

ដោយ ៖ នរា