លោក ទូច សុខៈ ពីអ្នកសារព័ត៌មាន ក្លាយជាអ្នកនាំពាក្យរងនៅក្រសួងមហាផ្ទៃ

រដ្ឋមន្ត្រីក្រសួងមហាផ្ទៃថ្មី សម្រេចតាំងតែង លោក ទូច សុខៈ ដែលមានអតីតភាពជាអ្នកសារព័ត៌មានមានបទពិសោធន៍ក្នុងវិស័យសារព័ត៌មានជាង១០ឆ្នាំ ជាអ្នកនាំពាក្យរងនៅក្រសួងមហាផ្ទៃ។ នេះបើតាមសេចក្ដីសម្រេចរបស់លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៅទី២៥ ខែសីហា ឆ្នាំ២០២៣។

សេចក្ដីសម្រេចរបស់លោក ស សុខា រដ្ឋមន្ត្រីក្រសួងមហាផ្ទៃ បានប្រកាសតែងតាំង បណ្ឌិត ទូច សុឃៈ ជាអ្នកនាំពាក្យរងនៃក្រសួងមហាផ្ទៃ។

សេចក្ដីសម្រេចដដែលក៏បានប្រកាសតែងតាំង លោក ខៀវ សុភ័គ ជារដ្ឋលេខាធិការ និងជាអ្នកនាំពាក្យបន្តទៀត។ ជាមួយគ្នានេះ ក៏មានដែរនូវការតែងតាំង លោក ផាត សុផានិត ជាអ្នកនាំពាក្យរង ក្រសួងមហាផ្ទៃ។

ផ្អែកលើសេចក្ដីសម្រេចនេះ គឺមានន័យថា លោក ខៀវ សុភ័គ ជានាំពាក្យឱ្យក្រសួងមហាផ្ទៃ។ ប៉ុន្តែនៅពេលដែល លោក ខៀវ សុភ័គ អវត្តមាននោះ លោក ផាត សុផានិត នឹងបំពេញតួនាទីជាអ្នកនាំពាក្យបន្ត។ ប្រសិនបើក្នុងករណីដែលលោក ខៀវ សុភ័ក្រ និងលោក ផាត សុផានិត អវត្តមាន នោះតួនាទីជាអ្នកនាំពាក្យ ក្រសួងមហាផ្ទៃ តម្រូវឱ្យ លោកទូច សុឃៈជាអ្នករ៉ាប់រ៉ង៕

អត្ថបទដោយ៖ ង៉ិល ណារ៉ាត់​