ព័ត៌មានជាតិ

កូនស្រីអតីតរដ្ឋមន្រ្តីឧស្សាហកម្ម អមដំណើរស្វាមីរដ្ឋមន្រ្តីថ្មីក្រសួងទេសចរណ៍ ចូលរួមពិធីពិសារអាហារថ្ងៃត្រង់ជាមួយលោក ថោង ខុន

បានផុស

២ years មុន

នៅ

ថ្ងៃអាទិត្យ ២៧ សីហា ២០២៣

ដោយ

លោកស្រី ចម ក្រស្នា ដែលជាភរិយារបស់រដ្ឋមន្រ្តីក្រសួងទេសចរណ៍ថ្មី លោក សុខ សូកេន បានបង្ហាញវត្តមានចូលរួមក្នុងពិធីពិសារអាហារថ្ងៃត្រង់ជាមួយលោក ថោង ខុន ទេសរដ្ឋមន្រ្តីទទួលបន្ទុកបេសកកម្មពិសេស ព្រមទាំងថ្នាក់ដឹកនាំសំខាន់ៗរបស់ក្រសួងទេសចរណ៍កាលពីម្សិលមិញនេះ។

លោកស្រី ចម ក្រស្នា គឺជាកូនស្រីអតីតរដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លោក ចម ប្រសិទ្ធ។ លោកស្រីជាភរិយាលោក សុខ សូកេន រដ្ឋមន្រ្តីក្រសួងទេសចរណ៍ថ្មី និងត្រូវជាកូនប្រសារសម្តេចវិបុលបញ្ញា សុខ អាន អតីតរដ្ឋមន្រ្តីទីស្តីការគណៈរដ្ឋមន្រ្តី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វត្តមានរបស់លោកស្រី ចម ក្រស្នា ព្រមទាំងស្វាមីជាមួយលោកថោង ខុន អតីតរដ្ឋមន្រ្តីក្រសួងទេសចរណ៍ និងថ្នាក់ដឹកនាំសំខាន់ៗរបស់ក្រសួងទេសចរណ៍កាលពីម្សិលមិញនេះ ប្រព្រឹត្តិឡើងក្រោមបរិយាកាសសប្បាយរីករាយ ប្រកបដោយមនោសញ្ចេតនា និងភាពស្និទ្ធស្នាលបំផុត។

ក្នុងពិធីពិសារអាហារថ្ងៃត្រង់ជាមួយលោក ថោង ខុន អតីតរដ្ឋមន្រ្តីក្រសួងទេសចរណ៍ ក៏មានការជជែកពិភាក្សានិងចែករំលែកបទពិសោធន៍ ដេីម្បីជំរុញអភិវឌ្ឍន៍វិស័យទេសចរណ៍ប្រទេសកម្ពុជាឱ្យកាន់តែមានភាពប្រកួតប្រជែង ចីរភាព និងបរិយាបន្នផងដែរ៕