ព័ត៌មានជាតិ
ត្រីភាគី មិនទាន់ដាក់តួលេខប្រាក់ឈ្នួល ឆ្នាំ ២០២៤ នៅឡើយទេ
កិច្ចប្រជុំលើកទី ២ របស់ក្រុមប្រឹក្សាជាតិប្រាក់ឈ្នួលអប្បបរមា អាណត្តិទី ៣ រួមមាន ភាគីរដ្ឋាភិបាល ភាគីនិយោជក និងភាគីសហជីព នៅព្រឹកថ្ងៃទី ២៨ ខែសីហា ឆ្នាំ ២០២៣ នេះ មិនទាន់បានដាក់ចេញតួលេខប្រាក់ឈ្នួលកម្មករសម្រាប់ឆ្នាំ ២០២៤ នៅឡើយទេ។
បើតាម លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ដែលជាអ្នកដឹកនាំកិច្ចប្រជុំ បានប្រាប់អ្នកសារព័ត៌មានថា កិច្ចប្រជុំព្រឹកមិញដែលប្រើពេលជាង ៣ ម៉ោង ភាគីទាំងពីរ មិនទាន់បានដាក់ចេញជាតួលេខប្រាក់ឈ្នួលនៅឡើយទេ ដោយផ្ដោតសំខាន់ទៅលើស្ថានភាព នៃវិស័យកាត់ដេរ និងតម្រូវការរបស់អតិថិជននៅតាមបណ្ដាប្រទេសនានា ហើយវាក៏ជាដំណាក់កាលមួយស្ថិតក្នុងចរន្តសាកល នៃការថយចុះតម្រូវការផ្នែកសម្លៀកបំពាក់ ស្បែកជើង និងកាបូបនេះ។
លោករដ្ឋមន្ត្រី បានបន្តថា នៅក្នុងកិច្ចប្រជុំ ភាគីនិយោជន និងភាគីសហជីព មានការយោគយល់គ្នាច្រើន ដោយភាគីនិយោជកទទួលស្គាល់ពីការធ្លាក់ចុះប្រាក់ចំណូលចុងក្រោយរបស់កម្មករនិយោជិតមានតិចជាងមុន ដែលតម្រូវឲ្យមានការបន្ថែមម៉ោង។ ចំណែកភាគីសហជីព ក៏ទទួលស្គាល់ថា ការនាំចេញសម្លៀកបំពាក់ ស្បែកជើង និងកាបូប ធ្លាក់ចុះ សូម្បីប្រទេសមួយចំនួនដូចជា វៀតណាម ឥណ្ឌូណេស៊ី បង់ក្លាដេស ស្រីលង្កា ដែលធ្លាប់តែប្រទេសនាំចេញសម្លៀកបំពាក់ធំៗ ក៏មានការធ្លាក់ចុះដូចកម្ពុជាដែរ។
លោករដ្ឋមន្ត្រី បានបន្ថែមថា អ្វីដែលភាគទាំងពីរនៅមិនទាន់ភាពគ្នាត្រង់ថា បើមានការថយចុះ ឬ ស្ថានភាពតម្រូវការថយចុះ និងក្ដីរំពឹងការកើនឡើងវិញនៅឆមាសទី ២ ឆ្នាំ ២០២៤ ក៏ដោយ ក៏ភាគីនិយោជកមិនទាន់ឯកភាពថា តើគួររក្សាគោលជំហរដដែល ឬ បង្កើនយ៉ាងណានោះ។
ភាគីសហជីពទទួលស្គាល់ថា «តម្រូវការបញ្ជាទិញសម្លៀកបំពាក់ ស្បែកជើង និងកាបូប ធ្លាក់ចុះជាសាកលមែន ប៉ុន្តែតម្រូវការចាំបាច់របស់កម្មករក៏មានការកើនឡើងដែរ សុំឲ្យភាគីនិយោជកគិតគូរលើកំណើនការចំណាយការរស់នៅរបស់កម្មករ។ ចំណែកភាគីនិយោជកលើកឡើងថា បើស្ថិតក្នុងស្ថានភាពធ្លាក់ចុះការបញ្ជាទិញបែបនេះហើយឲ្យដំឡើងប្រាក់ឈ្នួលទៀតនោះ ខ្លាចរត់មិនរួច។ អីចឹងនៅខុសគ្នាត្រង់កន្លែងហ្នឹង»។
យ៉ាងណាក៏ដោយ លោករដ្ឋមន្ត្រី បានបញ្ជាក់ថា គម្លាតភាគីទាំងពីរ ក៏មិនស្ថិតនៅឆ្ងាយគ្នាពេកដែរ។ ប្រជុំថ្ងៃនេះ ភាគីទាំងពីរ ពន្យល់គ្នាទៅវិញទៅមកឲ្យច្បាស់សិន មុនបន្តប្រជុំបន្ទាប់នៅថ្ងៃទី ៤ កញ្ញា។
លោករដ្ឋមន្ត្រី បានឲ្យដឹងទៀតថា «កិច្ចប្រជុំប្រាក់ឈ្នួលនេះ យើងមិនរំពឹងថា នឹងចប់មុនកាលកំណត់នោះទេ ដោយសារភាគីទាំងអស់នៅមិនទាន់បញ្ចេញគោលជំហរតួលេខនៅឡើយទេ។ ប៉ុន្តែនៅពេលបញ្ចេញតួលេខហើយ ភាគីនីមួយៗ នឹងការពារតួលេខទាំងនោះរៀងៗខ្លួន និងពន្យល់បន្ថែម។ យើងនឹងខិតខំសម្របសម្រួល ដើម្បីធ្វើយ៉ាងណាឲ្យភាគីទាំងពីរយល់គ្នា ខិតជិតរកតួលេខរួមគ្នា»។
លោករដ្ឋមន្ត្រី បានបន្ថែមទៀតថា យើងនឹងបន្តសម្របសម្រួលបន្តទៀត ព្រោះភាគីរាជរដ្ឋាភិបាលយើងមានតួនាទីផ្ដល់ហេតុផល ទឡ្ហីករណ៍ ស្ថិតិផ្សេងៗ ដល់ភាគីទាំងពីរ។ ហើយបើភាគីទាំងពីរខិតចូលរកគ្នាលើតួលេខណាមួយបានយើងសម្របសម្រួល បើមិនអាចទេ យើងក៏អាចបង្ខំខ្លះដែរ ក្នុងករណីចាំបាច់ ដើម្បីឈានដល់កិច្ចព្រមព្រៀងណាមួយ។
លោករដ្ឋមន្ត្រី បានលើកឡើងទៀតថា «ក្នុងករណីយើងមិនអាចឯកភាពគ្នាទេ យើងអាចបោះឆ្នោតសម្រេច ព្រោះថាច្បាប់ប្រាក់ឈ្នួលសម្រេចហើយថាបានទុកពេលវេលាឲ្យភាគីទាំងពីរពិភាក្សាគ្នាបង្ខិតតួលេខឲ្យកៀកគ្នាអាចឈានទៅដល់ការឯកភាពគ្នាជាឯកច្ឆន្ទ។ ប្រជុំគ្នា និងពិភាក្សាច្រើនលើក បើនៅមិនទាន់ឯកភាពទៀត ភាគីនមួយៗ ដាក់តួលេខរៀងៗខ្លួន រួចធ្វើការបោះឆ្នោតសម្រេចតែម្ដង»។
គួរបញ្ជាក់ថា កិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាអាណត្តិទី ៣ បានសម្រេចរៀបចំកិច្ចប្រជុំកំណត់ប្រាក់ឈ្នួលចំនួន ៧ លើក គឺនៅថ្ងៃទី ១៦ សីហា ,ថ្ងៃទី ២៨ ខែសីហា, ថ្ងៃទី ៤, ថ្ងៃទី ១១,ថ្ងៃទី ១៨, ថ្ងៃទី ២៥ ខែកញ្ញា និងថ្ងៃទី ២ ខែតុលា ឆ្នាំ ២០២៣៕
អត្ថបទ ៖ សំអឿន
ជាងក្រឡឹងម្នាក់នៅស្រុកអូយ៉ាដាវ ខេត្តរតនគីរី ឈ្នះរង្វាន់ ១២៥លានរៀល ពីភេសជ្ជៈប៉ូវកម្លាំង ខារ៉ាបាវ
ផ្លូវថ្មើរជើង (Walk street) តាមបណ្តោយមាត់ទន្លេចាប់មុខប្រៃសណីយ៍ ដល់មុខព្រះបរមរាជវាំង នឹងដាក់ឱ្យដំណើរការនៅចុងខែមករា២០២៥ខាងមុខនេះ
ប្រធានគណបក្សខ្មែរតែមួយ អំពាវនាវដល់យុវជនជំនាន់ក្រោយចងចាំ«ទិវាសន្ដិភាពនៅកម្ពុជា»
ត្បិតទំហំពាណិជ្ជកម្ពុជា-ឥណ្ឌា កើនឡើង តែសម្ដេចតេជោ ថាមិនទាន់សមនឹងសក្តានុពលប្រទេសទាំងពីរ និងបានស្នើឱ្យពង្រីកការផ្លាស់ប្តូរសេដ្ឋកិច្ច និងការវិនិយោគ
ប្រធានគណបក្សខ្មែរតែមួយ ហៅទណ្ឌិត សម រង្ស៊ី ជាអ្នកនយោបាយប្រើគំនុំសងសឹក ធ្វើជាដើមទុនបោកប្រាស់ពលរដ្ឋ
ដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
អ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
បុរសម្នាក់ បើករថយន្តធុនធំ ងោកមួយភាំង រេចង្កូតបុកស្លាកប៉ាណូអស់ ០២ ដើម និងរបងដីឡូត៍ពលរដ្ឋរងការខូចខាត
ដំណឹងល្អ! វ៉ាក់សាំងមហារីករុស្ស៊ី ព្យាបាលអ្នកជំងឺជាសះស្បើយ៧នាក់ហើយ និងគ្រោងដាក់លក់លើទីផ្សារនៅឆ្នាំក្រោយ
បុរសកម្សត់ម្នាក់ អួលដើមកសម្រក់ទឹកភ្នែក លើកដៃទទួលទឹកចិត្តឧកញ៉ា ព្រាប សុវត្ថិ ដែលជូនថវិកាដល់គ្រួសារខ្លួន
-
ព័ត៌មានជាតិ៦ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៦ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម២១ ម៉ោង agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម២ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៥ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៥ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានអន្ដរជាតិ១ សប្តាហ៍ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
-
ព័ត៌មានអន្ដរជាតិ៥ ថ្ងៃ agoស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ