ព័ត៌មានជាតិ

ទិន្នន័យចុងក្រោយ ចំនួនពលករខ្មែរ ដែលឆ្លងកូវីដ ១៩ កំពុងព្យាបាលនៅថៃ

បានផុស

៤ years មុន

នៅ

ថ្ងៃចន្ទ ១ កុម្ភៈ ២០២១

ដោយ

Dy Bunnara

សម្តេចតេជោ ហ៊ុន សែន មានប្រសាសន៍នៅព្រឹកនេះថា មានពលករខ្មែរចំនួន ១៣៦ នាក់ ដែលបានឆ្លងកូវីដ ១៩ កំពុងព្យាបាលនៅប្រទេសថៃ។

ថៃដែលកើតផ្ទុះរាលដាលកូវីដ ១៩ ដែលក្នុងមួយថ្ងៃមានអ្នកឆ្លងរាប់រយនាក់ សម្តេចតេជោបានក្រើនរំលឹក ដល់ឲ្យអាជ្ញាធរគ្រប់គ្រងលំហូរពលករចេញចូលឲ្យបានហ្មត់ចត់បំផុត ដើម្បីបង្ការការឆ្លងចូលផ្ទៃក្នុងប្រទេស។

ការផ្ទុះឆ្លងនៅសហគមន៍ប្រទេសថៃ ពលករខ្មែរបានចាប់ផ្តើមសម្រុកវិលត្រឡប់មកស្រុកវិញ ហើយពលករចំនួន ៨៧ នាក់បានឆ្លងកូវីដ។

សម្តេចតេជោថា បើបណ្តោយគ្រប់គ្រងមិនបានល្អ វាបង្កើតហានិភ័យជាមិនខាន។ សម្តេចក៏អំពាវនាវដល់ពលករ សូមមេត្តារួមគ្នាទប់ស្កាត់ និងបន្តធ្វើចត្តាឡីស័កឲ្យគ្រប់ ១៤ ថ្ងៃ។ រដ្ឋាភិបាលធានារ៉ាប់រ៉ងដល់ការផ្គត់ផ្គង់អាហារ ដែលតាមបញ្ជាក់សម្តេចតេជោលើសដល់ ០៣ ដង របបអាហារដែលផ្តល់ដល់កងទ័ព។

តាមរបាយការណ៍ មានពលករជាង ៧ ០០០ នាក់ កំពុងធ្វើចត្តាឡីស័កនៅខេត្តទាំង ០៧ ជាប់ព្រំដែនថៃ។ ក្នុងនោះក្នុងខេត្តបន្ទាយមានជ័យមានរហូតដល់ជាង ៣៦០០ នាក់ និងខេត្តឧត្តរមានជ័យមានប្រហែល ២០០០ នាក់៕