ព័ត៌មានជាតិ
តំណាងសហជីព ពន្យល់មូលហេតុទាមទារឲ្យមានការតម្លើងប្រាក់ឈ្នួលបន្ថែម សម្រាប់ឆ្នាំ ២០២៤
លោក អាត់ ធន់ ប្រធានសហភាពការងារកម្ពុជា បានបញ្ជាក់ថា មូលហេតុដែលភាគីសហជីពទាមទារឲ្យមានការតម្លើងប្រាក់ឈ្នួលដល់កម្មករនិយោជិតសម្រាប់ឆ្នាំ ២០២៤ ដើម្បីចូលរួមលើកស្ទួយជីវភាពរស់នៅកាន់តែប្រសើរ ដោយសារបច្ចុប្បន្នប្រាក់ចំណូលពួកគាត់ទាបជាងមុន។
លោកបានប្រាប់អ្នកសារព័ត៌មានក្រោយចប់កិច្ចប្រជុំប្រាក់ឈ្នួល កាលពីថ្ងៃទី ២៨ សីហា ថា បច្ចុប្បន្ននេះការចំណាយទៅលើការរស់នៅរបស់កម្មករនិយោជិតច្រើនជាងមុន ដោយសារអតិផរណាខ្ពស់ជាងមុន ពិសេសលើតម្លៃទំនិញនៅលើទីផ្សារ ស្បៀងអាហារខ្ពស់ បើធៀបមុនៗ ទោះបីជាអតិផរណាទូទៅមានត្រឹម ២,៥% ក៏ដោយ ខណៈប្រាក់ចំណូលរបស់ពួកគាត់ទាបជាងមុន។
លោកបានបន្តថា ប្រាក់ចំណូលទាបជាងមុននេះ ទាំងភាគីនិយោជក និងរដ្ឋាភិបាល ក៏បានទទួលស្គាល់ដែរ។ លោកបានស្នើសុំដល់រាជរដ្ឋាភិបាល គួរពិនិត្យលើការឡើងថ្លៃទំនិញនៅលើទីផ្សារ ពិសេសទំនិញជាចាំបាច់របស់ប្រជាពលរដ្ឋដូចជា អាហារ ឬ ត្រី សាច់ និងជួយពិនិត្យផ្ទះជួលដែលកម្មករស្នាក់នៅ តទឹក និងភ្លើងរដ្ឋ ដើម្បីកាត់បន្ថយការចំណាយរបស់កម្មករ។
លោកបញ្ជាក់ថា ដោយសារកម្មករចំណាយច្រើនចំណូលទាបជាងមុន ទើបសហជីពស្នើឲ្យនិយោជកជួយតម្លើងប្រាក់ឈ្នួលបន្ថែម ដើម្បីអាចឲ្យកម្មកររស់នៅបានសមរម្យ។
លោកបានបន្ថែមថា «បញ្ហាប្រាក់ឈ្នួល រដ្ឋាភិបាលសម្រេចថា នឹងឡើងហើយ តែខាងភាគីនិយោជកថា នៅរក្សាដដែល ដោយគាត់សំអាងថា ការបញ្ជាទិញធ្លាក់ចុះ និងការចំណាយលើការដឹកជញ្ជូនខ្ពស់ ដូចនេះគាត់មិនមានលទ្ធភាពតម្លើងទេ»។
យ៉ាងណាក៏ដោយ លោកបានឲ្យដឹងថា សម្រាប់សហជីពនៅតែបន្តទាមទារឲ្យតម្លើងដដែល ប៉ុន្តែកម្រិតការឡើងខ្ពស់ ឬ ទាប អាស្រ័យលើការជជែកគ្នានៅថ្ងៃបន្តបន្ទាប់ទៀត។
បើតាម លោក ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ថ្លែងប្រាប់អ្នកសារព័ត៌មាន ក្រោយកិច្ចប្រជុំប្រាក់ឈ្នួលកាលពីម្សិលមិញថា ភាគីនិយោជក និងភាគីសហជីព មានការយោគយល់គ្នាច្រើន ដោយភាគីនិយោជកទទួលស្គាល់ពីការធ្លាក់ចុះប្រាក់ចំណូលចុងក្រោយរបស់កម្មករនិយោជិតមានតិចជាងមុន ដែលតម្រូវឲ្យមានការបន្ថែមម៉ោង។ ចំណែកភាគីសហជីពក៏ទទួលស្គាល់ថា ការនាំចេញសម្លៀកបំពាក់ស្បែកជើង និងកាបូប ធ្លាក់ចុះដែរ។
លោករដ្ឋមន្ត្រី បានបន្ថែមថា អ្វីដែលភាគីទាំងពីរនៅមិនទាន់ឯកភាពគ្នាត្រង់ថា បើមានការថយចុះ ឬ ស្ថានភាពតម្រូវការថយចុះ និងក្តីរំពឹងការកើនឡើងវិញនៅឆមាសទី ២ ឆ្នាំ ២០២៤ ក៏ដោយ ក៏ភាគីនិយោជកមិនទាន់ឯកភាពថា តើគួររក្សាគោលជំហរដដែល ឬ បង្កើនយ៉ាងណានោះ។
គួរបញ្ជាក់ថា នៅក្នុង ២០២៣ នេះ ប្រាក់ឈ្នួលអប្បបរមារបស់កម្មករនិយោជិតក្នុងវិស័យវាយនភណ្ឌ កាត់ដេរសម្លៀកបំពាក់ ផលិតស្បែកជើង និងផលិតផលធ្វើដំណើរ និងកាបូប គឺមានចំនួន ២០០ ដុល្លារ ក្នុងមួយខែ ប្រសិនបើបូកនឹងប្រាក់អត្ថប្រយោជន៍ផ្សេងៗបន្ថែម កម្មករនិយោជិតម្នាក់ អាចទទួលបានប្រាក់ឈ្នួលចន្លោះពី ២១៧ ទៅ ២២៨ ដុល្លារ ក្នុងមួយខែ៕
អត្ថបទ ៖ សំអឿន
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
រយៈពេល ១សប្តាហ៍ មានអ្នកអានសៀវភៅលើសួននៅក្រុងស្ទឹងត្រែង ១០០០នាក់
ប្រទេសអាស៊ីអាគ្នេយ៍មួយទៀត ជួបគ្រោះរញ្ជួយដី
រញ្ជួយដីនៅមីយ៉ាន់ម៉ា៖ មនុស្សស្លាប់កើនដល់ ១ ៦៤៤នាក់ និងរបួសជាង ៣ ៤០០នាក់
រកឃើញសញ្ញាមនុស្សមានជីវិត១៥នាក់ កប់ក្រោមអគារបាក់ ដោយរញ្ជួយដីនៅ បាងកក
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ