ព័ត៌មានជាតិ
លោក ជួន ណារិន្ធ ប្តេជ្ញាផ្តល់ឲ្យពលរដ្ឋនៅភ្នំពេញនូវសន្តិសុខ ទាំងផ្លូវកាយ និងផ្លូវចិត្ត
ក្នុងថ្ងៃឡើងកាន់តំណែង ជាស្នងការរាជធានីភ្នំពេញ នៅថ្ងៃទី២៩ ខែសីហា ឆ្នាំ២០២៣ នេះ លោក ជួន ណារិន្ទ បានប្តេជ្ញាចិត្តយ៉ាងមុតមាំ ក្នុងការបម្រើជាតិ និងប្រជាជន ប្រកបដោយភក្តីភាព និងតម្លាភាព។ ក្នុងនោះ លោកក៏បានប្តេជ្ញាផ្តល់សេវាសន្តិសុខ ទាំងផ្លូវកាយ និងផ្លូវចិត្តជូនដល់ប្រជាពលរដ្ឋនៅក្នុងរាជធានីភ្នំពេញផងដែរ។
![](https://www.kampucheathmey.com/wp-content/uploads/2023/08/image-1999-1024x683.png)
លោក ជួន ណារិន្ទ អគ្គស្នងការរងនៃអគ្គស្នងការដ្ឋាននគរបាលជាតិ និងជាស្នងការរាជធានីភ្នំពេញថ្មី បានប្តេជ្ញាស្មោះត្រង់ចំពោះជាតិ សាសនា ព្រះមហាក្សត្រ ការពាររដ្ឋធម្មនុញ្ញ។ លោក ក៏បានប្តេជ្ញាការពារដាច់ខាតរាជរដ្ឋាភិបាលស្របច្បាប់ ដែលប្រសូតចេញពីឆន្ទៈរាស្ត្រ និងចូលរួមអនុវត្តឲ្យ បានសម្រេចជោគជ័យនូវគ្រប់កម្មវិធីនយោបាយ យុទ្ធសាស្ត្របញ្ចកោណគ្រប់ដំណាក់កាលរបស់រាជរដ្ឋាភិបាល ជាពិសេស រក្សាការពារឲ្យបានស្ថិតស្ថេរ គង់វង្សនូវសុខសន្តិភាព ស្ថិរភាពនយោបាយ និងសមិទ្ធផលនានាដែល រាជរដ្ឋាភិបាលខិតខំកសាងតាំងពីបាតដៃទទេរ រហូតមកទល់បច្ចុប្បន្ន និងទៅថ្ងៃអនាគត។
![](https://www.kampucheathmey.com/wp-content/uploads/2023/08/image-2000-1024x683.png)
បន្ថែមលើនេះ លោក ប្តេជ្ញាគោរពយ៉ាងម៉ឺងម៉ាត់តាមច្បាប់ បទបញ្ញា បទបញ្ញត្តិ និងគោលការណ៍នានារបស់ថ្នាក់ជាតិ និងរបស់កងកម្លាំងនគរបាលជាតិ និងដឹកនាំមន្ត្រីក្រោមឱវាទ ប្រកបដោយគុណធម៌ និងមានសាមគ្គីភាព ព្រមទាំងលើកកម្ពស់គុណភាពមន្ត្រី ទាំងសមត្ថភាពជំនាញ វិន័យ សីលធម៌វិជ្ជាជីវៈ សេចក្តីថ្លៃថ្នូរ ក្នុងការលើកស្ទួយកិត្តិយស និងកិត្យានុភាពរបស់កងកម្លាំងនគរបាលជាតិ។
ជាមួយគ្នានេះ លោក ជួន ណារិន្ធ ក៏នឹងបន្តកសាងសមិទ្ធផលនានា ឱ្យពលរដ្ឋគ្រប់រូបមានបង្អែកផ្នែកសន្តិសុខរឹងមាំ បង្កើនកិច្ចសហការជិតស្និទ្ធជាមួយមន្ទីរ អង្គភាពពាក់ព័ន្ធ និងបណ្តាខេត្តពាក់ព័ន្ធ ដើម្បីការពាររក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។ លោក ក៏ប្តេជ្ញាលើកកម្ពស់ការងារអនុវត្តគោលនយោបាយ ភូមិ ឃុំ សង្កាត់មានសុវត្ថិភាព ដោយជំរុញ ផ្តល់តម្រូវការចាំបាច់ សេវាផ្នែកសន្តិសុខ ទាំងផ្លូវកាយ និងផ្លូវចិត្ត ជូនប្រជាជនដោយភក្តីភាព តម្លាភាព និងបង្កើនភាពកក់ក្តៅ និងធ្វើឱ្យពលរដ្ឋ មានការជឿជាក់មកលើការដឹកនាំរបស់រាជរដ្ឋាភិបាល។
![](https://www.kampucheathmey.com/wp-content/uploads/2023/08/image-2001-683x1024.png)
សូមជម្រាបថា លោក ជួន ណារិន្ទ ជាអតីតស្នងការនគរបាលខេត្តព្រះសីហនុ ដែលកាន់តំណែងអស់រយៈពេល ៨ឆ្នាំមកហើយ នៅខេត្តជាប់មាត់សមុទ្រមួយនេះ។ ក្នុងអាណត្តិទី៧នេះ លោកទទួលបានតួនាទីជាអគ្គស្នងការរងនៃអគ្គស្នងការដ្ឋាននគរបាលជាតិ និងជាស្នងការរាជធានីភ្នំពេញ។ លោកបានចូលកាន់តំណែង ជាស្នងការរាជធានីភ្នំពេញ នៅថ្ងៃទី២៩ ខែសីហា ឆ្នាំ២០២៣នេះ៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៧ ថ្ងៃ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ