ព័ត៌មានជាតិ
ខេត្តកោះកុង កំពុងគិតគូរយ៉ាងខ្លាំងលើការងារគ្រប់គ្រង សំណល់សំរាមរឹង នៅទីប្រជុំជន
អាជ្ញាធរខេត្តកោះកុង មន្ទីរជំនាញ និងរដ្ឋបាលក្រុងស្រុក ឃុំសង្កាត់ បាននិងកំពុងតែគិតគូររួមគ្នាអំពីយន្តការទុកដាក់ និងគ្រប់គ្រងសំរាមរឹងនៅប្រជុំជនឲ្យល្អត្រឹមត្រូវ ដើម្បីធានាបាននូវសោភ័ណភាពស្រស់បំព្រង។
![](https://www.kampucheathmey.com/wp-content/uploads/2023/08/photo_2023-08-29_14-57-07.jpg)
រដ្ឋបាលខេត្ត បានបើកវគ្គបណ្ដុះបណ្ដាលមួយស្ដីពីការឆ្លុះបញ្ចាំងការគ្រប់គ្រងសំរាមសំណល់រឹងទីប្រជុំជនជូនដល់សមាជិក នៃគណៈកម្មាធិការរៀបចំ និងគ្រប់គ្រងទីលានទុកដាក់សំរាមខេត្តកោះកុង ក្នុងគោលដៅធ្វើយ៉ាងណាគ្រប់គ្រងសំរាមសំណល់រឹងទីប្រជុំជនប្រកបដោយប្រសិទ្ធភាព តម្លាភាព គណនេយ្យភាព សំដៅធានាបាននូវសោភ័ណភាព កិច្ចគាំពារសុខភាពសាធារណៈ និងបរិស្ថាន។
![](https://www.kampucheathmey.com/wp-content/uploads/2023/08/photo_2023-08-29_14-57-05.jpg)
លោក អន សុធារិទ្ធ អភិបាលរងខេត្តកោះកុង បានឲ្យដឹងនៅថ្ងៃទី ២៩ ខែសីហា ឆ្នាំ ២០២៣ នេះថា ការពង្រឹង និងការទទួលខុសត្រូវរបស់ក្រសួងស្ថាប័ន អង្គភាពជំនាញ រដ្ឋបាលថ្នាក់ក្រោមជាតិ និងអ្នកពាក់ព័ន្ធនានាលើការគ្រប់គ្រងសំរាមសំណល់រឹងទីប្រជុំជន ជារឿងចាំបាច់រួមគ្នាគិត រួមគ្នាធ្វើ ដើម្បីមូលដ្ឋានមានសោភ័ណភាពអនាម័យស្អាតល្អជំនួសមកវិញនូវភាពទាក់ទាញ។
![](https://www.kampucheathmey.com/wp-content/uploads/2023/08/photo_2023-08-29_14-57-06-2.jpg)
បើតាមលោកអភិបាលរងខេត្ត បច្ចុប្បន្ន រដ្ឋបាលខេត្តកំពុងធ្វើយ៉ាងណាបង្កើតមានទីលានចាក់សំរាមគ្រប់ក្រុងស្រុក សម្រាប់ទុកដាក់សំរាមគ្រប់ប្រភេទដែលបញ្ចេញចោលតាមខ្នងផ្ទះ ឬ ក្រុមហ៊ុន សហគ្រាសនានាទូទាំងខេត្ត តាមរយៈការប្រមូលដឹកជញ្ជូនទៅទីលានសំរាមប្រកបដោយសណ្ដាប់ធ្នាប់ល្អ។ ចំពោះតម្លៃសេវាប្រមូលសំរាមវិញ មានស្ទើរ ៦០ ភាគរយ ដែលមានអ្នកចូលរួមបង់វិភាគទៅឲ្យក្រុមហ៊ុនសំរាម ករណីមានបុគ្គលណាចោលសំរាមគ្មានសណ្ដាប់ធ្នាប់ធ្វើឲ្យប៉ះពាល់សុខភាពសាធារណៈ នឹងរងការពិន័យអន្តរការណ៍ជាដើម។
![](https://www.kampucheathmey.com/wp-content/uploads/2023/08/photo_2023-08-29_14-57-04.jpg)
គួរជម្រាបថា ការងារគ្រប់គ្រងសំរាម ត្រូវបានរាជរដ្ឋាភិបាល ក្រសួងស្ថាប័នជំនាញ បានប្រគល់មុខ ធ្វើប្រតិភូកម្មមុខងារគ្រប់គ្រងសំរាម សំណល់រឹងទីប្រជុំជន ទៅឲ្យរដ្ឋបាលរាជធានី រដ្ឋបាលក្រុងខណ្ឌ រួចរាល់ហើយ ដើម្បីកំណត់វិធានការចាំបាច់ បង្កើនប្រសិទ្ធភាព និងសុវត្ថិភាពក្នុងការគ្រប់គ្រងសំរាមសំណល់រឹងទីប្រជុំជន។
![](https://www.kampucheathmey.com/wp-content/uploads/2023/08/photo_2023-08-29_14-57-06.jpg)
ខេត្តកោះកុង មានតែក្រុងខេមរភូមិន្ទ ស្រុកស្រែអំបិល ស្រុកមណ្ឌលសីមា និងស្រុកកោះកុង ដែលមានទីលានចាក់សំរាម តែទោះបីជាបច្ចុប្បន្នទីលានចាក់សំរាមទាំងអស់នោះ ពុំអាចមានលទ្ធភាពទទួលកាកសំណល់បានច្រើនក៏ដោយ ក៏អាជ្ញាធរពាក់ព័ន្ធប្រឹងកែសម្រួលជាបន្តបន្ទាប់។
![](https://www.kampucheathmey.com/wp-content/uploads/2023/08/photo_2023-08-29_14-57-08.jpg)
លោក ទួន ភិរម្យ អភិបាលរងក្រុងខេមរភូមិន្ទ និងលោក ប៉ែន សុផាត អភិបាលរងស្រុកមណ្ឌលសីមា លើកឡើងស្រដៀងគ្នាថា បញ្ហាគ្រប់គ្រងសំរាមមិនមែនជារឿងងាយស្រួលប៉ុន្មានទេ ប្រសិនបើគ្មានទីលានសំរាម ក្រុមហ៊ុនប្រមូល ការចូលរួមបង់កម្រៃសេវា និងការវេចខ្ចប់សំរាមបានត្រឹមត្រូវល្អ មុននឹងយកទៅទីលានសំរាម។
![](https://www.kampucheathmey.com/wp-content/uploads/2023/08/photo_2023-08-29_14-57-03-2.jpg)
តំណាងអភិបាលក្រុងខេមរភូមិន្ទ និងអភិបាលស្រុកមណ្ឌលសីមា បញ្ជាក់ទៀតថា អាជ្ញាធរ និងការិយាល័យជំនាញ បានសម្របសម្រួលច្រើនពីនីតិវិធីចង់បានទីលានចាក់សំរាម និងយន្តការប្រមូលកម្រៃសេវាពីប្រជាពលរដ្ឋ ក៏ដូចជាតាមបណ្ដាក្រុមហ៊ុនសហគ្រាស ដោយធ្វើយ៉ាងណាមិនទុកឲ្យសំរាមនៅកកស្ទះស្អុយរលួយនៅតាមខ្នងផ្ទះ ឬ ទីសាធារណៈ។
![](https://www.kampucheathmey.com/wp-content/uploads/2023/08/photo_2023-08-29_14-57-03.jpg)
បញ្ហានេះ រដ្ឋបាលខេត្តកោះកុង ក៏តម្រូវឲ្យរដ្ឋបាលឃុំសង្កាត់ រដ្ឋបាលក្រុងស្រុក ចេះរៀបចំលិខិតបទដ្ឋានចាំបាច់នានាសម្រាប់ណែនាំ និងជំរុញដល់ការអភិវឌ្ឍវិធានច្បាប់លើការប្រមូលសំរាមសំណល់រឹងទីប្រជុំជន។ ពិសេស ការគាំទ្រដល់ដំណើរការរៀបចំ និងអនុវត្តនូវវិធានការសម្រាប់ការគ្រប់គ្រងសំរាមតាមការដាក់ចេញដីកា ឬ លិខិតបទដ្ឋាននានារបស់រដ្ឋបាលក្រុងស្រុក ចំពោះការផាកពិន័យអន្តរការណ៍ពាក់ព័ន្ធនឹងសំរាមសំណល់រឹងទីប្រជុំជន៕
អត្ថបទ ៖ សិរីវឌ្ឍនៈ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានអន្ដរជាតិ៣ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១៧ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤