Connect with us

ព័ត៌មានជាតិ

ការបើកសាលារៀនឡើងវិញដំណាក់កាលទី៣ បាន​ចាប់ផ្តើម​ហើយ​នៅព្រឹកនេះ

បានផុស

នៅ

ភ្នំពេញ៖ក្រសួងអប់រំយុវជននិងកីឡាបានចាប់ផ្តើមបើកសាលារៀនឡើងវិញដំណាក់កាលទី៣នៅព្រឹកថ្ងៃទី០២ខែវិច្ឆិកានេះ។

បើតាមលោកបណ្ឌិតសភាចារ្យហង់ជួនណារ៉ុន រដ្ឋមន្ត្រីក្រសួងអប់រំយុវជននិងកីឡាបានឲ្យដឹងថា ការបើកសាលាដំណាក់កាលទី៣នេះគឺបើកគ្រឹះស្ថានសិក្សាសាធារណៈទាំងអស់ ខណៈគ្រឹះស្ថានសិក្សាឯកជនបានបើករួចរាល់ហើយនៅដំណាក់កាលទី២ចាប់ពីថ្ងៃទី៧កញ្ញាកន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្ត្រីបានបន្តថា ការបើកសាលានៅដំណាក់កាលទី៣នេះក៏ដោយសារក្រសួងមើលឃើញថាការបើកដំណាក់កាលទី២ទទួលបានជោគជ័យ ដោយសាលានីមួយៗអនុវត្តបានល្អប្រសើរតាមវិធាននិងគោលការណ៍របស់ក្រសួងអប់រំយុវជននិងកីឡា។

លោករដ្ឋមន្ត្រីបានបន្ថែមថា យ៉ាងណាក៏ដោយក្រសួងនៅតែបន្តអនុវត្តគោលការណ៍ប្រតិបត្តិស្តង់ដាដដែលដើម្បីទប់ស្កាត់ការឆ្លងរីករាលដាលនៃជំងឺកូវីដ១៩។

លោករដ្ឋមន្ត្រីបានឲ្យដឹងទៀតថា ក្រសួងតម្រូវឲ្យគ្រឹះស្ថានសិក្សាសាធារណៈទាំងអស់ត្រូវដាក់សិស្សក្នុង១ថ្នាក់មិនអោយលើសពី៣០នាក់ ត្រូវអនុវត្តការបង្រៀននិងរៀនលើមុខវិជ្ជាសិក្សាគោលពីរគឺភាសាខ្មែរនិងគណិតវិទ្យាហើយសម្រាប់មុខវិជ្ជាផ្សេងទៀតត្រូវព្យួរសិនដោយនឹងត្រូវរៀនបំពេញបន្ថែមនៅដើមឆ្នាំសិក្សាបន្ទាប់។

ជាងនេះទៀតត្រូវរៀនចំនួន៥ម៉ោងក្នុងមួយថ្ងៃនិងអនុវត្តការបង្រៀននិងរៀន៣ថ្ងៃក្នុងមួយសប្តាហ៍ដោយបែងចែកសិស្សជាពីរក្រុមក្នុងមួយថ្នាក់ដែលក្នុងមួយក្រុមមិនលើសពី ៣០នាក់និងអនុវត្តតាមការសិក្សាតាមបែបចម្រុះដូចក្នុងដំណាក់កាលទីពីរ។

ក្នុងករណីថ្នាក់រៀនដែលមានសិស្សក្រោម៣០នាក់ត្រូវអនុវត្តការបង្រៀននិងរៀនពេញលេញមុខវិជ្ជាសិក្សាគោលគឺភាសាខ្មែរនិងគណិតវិទ្យា។

សម្រាប់គ្រឹះស្ថានមធ្យមសិក្សាថ្នាក់ទី៩ និងទី១២ត្រូវបន្តអនុវត្តដូចក្នុងដំណាក់កាលទី២។ចំណែកថ្នាក់ទី៧ ទី៨ ទី ៩ថ្ងៃទី១១ត្រូវអនុវត្តការបង្រៀននិងរៀន៣ថ្ងៃក្នុងមួយសប្តាហ៍ដែលក្នុងមួយបន្ទប់មានសិស្សមិនលើសពី៣០នាក់នឹងអនុវត្តការសិក្សាតាមបែបចម្រុះដោយផ្ដោតលើមុខវិជ្ជាសិក្សាគោលយ៉ាងតិច៦មុខវិជ្ជាស្របតាមស្ថានភាពជាក់ស្ដែងនៃចំនួនបន្ទប់រៀន។

ក្រសួងបានបញ្ជាក់ថាចំពោះគ្រឹះស្ថានសិក្សានិងកន្លែងផ្ដល់សេវាអប់រំកុមារតូចៗវិញត្រូវបើកដំណើរការបង្រៀននិងរៀនពេញលេញគ្រប់កម្រិត៥ថ្ងៃក្នុងមួយសប្តាហ៍ដោយកំណត់ចំនួនកុមារមិនលើសពី២៥នាក់ក្នុងមួយថ្នាក់ដូចដំណាក់កាលទី២៕សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៦ នាទី មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៥៥ នាទី មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៤ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៤ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៤ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

Sokha Hotels

ព័ត៌មានពេញនិយម