ព័ត៌មានជាតិ

អាងខ្លួនជាបុគ្គលិក យកលុយក្រុមហ៊ុនទៅចាយគ្មានការអនុញ្ញាត ត្រូវសមត្ថកិច្ចឃាត់ខ្លួន

បានផុស

៤ years មុន

នៅ

ថ្ងៃចន្ទ ១ កុម្ភៈ ២០២១

ដោយ

Sorn Phanith

នគរបាលខណ្ឌសែនសុខ បានធ្វើការឃាត់ខ្លួនយុវជនម្នាក់ ដោយករណីលួចយកលុយក្រុមហ៊ុនទៅចាយគ្មានការអនុញ្ញាត។

សមត្ថកិច្ចប្រាប់ឲ្យដឹងថា កាលពីម៉ោង ១៥ និង០០នាទី ថ្ងៃទី៣១ ខែមករា ឆ្នាំ២០២១ នគរបាលប៉ុស្តិ៍រដ្ឋបាលទឹកថ្លា ឃាត់ខ្លួនជនសង្ស័យ ១នាក់ ករណី រំលោភលើទំនុកចិត្ត (យកបាក់ក្រុមហ៊ុន ឆ្នោតឡូតឺរី ទៅចាយគ្មានការអនុញ្ញាត) នៅចំណុចក្នុងក្រុមហ៊ុនឆ្នោតឡូតឺរី ផ្លូវបេតុង ភូមិទឹកថ្លា សង្កាត់ទឹកថ្លា ខណ្ឌសែនសុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យ ឈ្មោះ យាង រស្មី ភេទប្រុស អាយុ២៤ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនឆ្នោតឡូតឺរី មានទីលំនៅផ្ទះសង់ថ្មី ផ្លូវបេតុង ភូមិទឹកថ្លា សង្កាត់ទឹកថ្លា ខណ្ឌសែនសុខ (គ្មានសារធាតុញៀន) បានដកយកលុយក្រុមហ៊ុនចំនួន ១២០.០០០.០០០រៀល ទៅចាយវាយគ្មានការអនុញ្ញាត ។ ចំណែកជនរងគ្រោះ នៅក្នុងករណីនេះ ឈ្មោះ ហុង បូរ៉ា ភេទប្រុស អាយុ៣៥ឆ្នាំ ជនជាតិខ្មែរ មុខរបរបុគ្គលិក ក្រុមហ៊ុន ឆ្នោតឡុតឺរី ស្នាក់នៅផ្ទះលេខ៩ ផ្លូវបតុង សង្កាត់ទឹកល្អក់៣ ខណ្ឌទួលគោក។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី ៕

អត្ថបទ៖ រ៉ាវុទ្ធ

សូមចុចអាន៖ មិនរាងសោះ! មនុស្ស២៦នាក់ ត្រូវសមត្ថកិច្ចឃាត់ខ្លួន ក្រោយប្រមូលផ្ដុំគ្នាបើកសង្វៀនជល់មាន់