ណែនាំ​ឲ្យ​ស្គាល់​ ស្ថាប័ន​ជាតិ​តែ​មួយ​គត់​ទទួល​ខុស​ត្រូវ​គ្រប់គ្រង​ទំនិញ​ចេញ​ចូល​នៅ​ច្រក​ព្រំដែន​

អគ្គនាយកដ្ឋាន​គយ​និង​រដ្ឋាករ​ បំពេញមុខងារ​ជា​សេនាធិការ​ឲ្យ​ក្រសួង​សេដ្ឋកិច្ច​និង​ហិរញ្ញវត្ថុ​។ អគ្គនាយកដ្ឋាន​គយ​និង​រដ្ឋាករ​​ជា​ស្ថាប័ន​ជាតិ​ដ៏​សំខាន់ ដែល​​រក​ចំណូល​ចូល​ថវិកា​ជាតិ។ អគ្គនាយកដ្ឋាន​គយ​និង​រដ្ឋាករ​ ​​ទទួលខុសត្រូវ​លើ​ការ​គ្រប់គ្រង​ត្រួត​ពិនិត្យ​ការ​ធ្វើ​ចរាចរ ​និង​ការ​ធ្វើ​សន្និធិ​ទំនិញ​ចេញចូល​នៅមាត់​ច្រកព្រំដែន។

តើ​ស្ថាប័ន​ជាតិ​ដ៏​សំខាន់​នេះ​មាន​រចនាសម្ព័ន្ធ​ការងារ និង​ភារកិច្ច​យ៉ាងណា​ខ្លះ?

អគ្គនាយកដ្ឋានគយនិងរដ្ឋាករកម្ពុជាមានភារកិច្ចដូចតទៅ៖

– លើក​សំណើ​គោលនយោបាយ ដែល​ពាក់ព័ន្ធ​នឹង​ការផ្លាស់ប្ដូរ​ពាណិជ្ជកម្ម​អន្តរជាតិ និង​រៀបចំ​សេចក្តី​ព្រាង​បទប្បញ្ញត្តិ ពាក់ព័ន្ធ​នឹង​ការងារ​គ្រប់គ្រង​ប្រមូល​ពន្ធ​និង​អាករ​នាំចេញនាំចូលលើ​ទំនិញ​គ្រប់​ប្រភេទ ជាពិសេសពិនិត្យពិចារណា​ក្នុងការកសាងនិងអនុវត្តតារាងពន្ធគយ​និង​នីតិវិធី​ទាំងឡាយ ដែល​ទាក់ទង​នឹងការងារគយនិងរដ្ឋាករឱ្យ​បានសមស្រប​ទៅតាមដំណាក់កាលនីមួយៗ​នៃការវិវត្តសេដ្ឋកិច្ចជាតិនិងអន្តរជាតិ
-ជា​ស្ថាប័ន​នាំមុខ​តែមួយគត់ ដែល​ទទួលខុសត្រូវ​លើការ​គ្រប់គ្រង​ត្រួត​ពិនិត្យ​ការ​ធ្វើចរាចរ ការធ្វើ​សន្និធិ​ទំនិញ​នាំចេញ​ឬ​នាំចូល​នៅមាត់​ច្រកព្រំដែន និង​មាន​ភារកិច្ច​សម្របសម្រួល​ឱ្យ​មាន​ការ​ត្រួតពិនិត្យ​រួមគ្នា​តែមួយ​លើក ក្នុង​ករណី​ដែល​តម្រូវ​ឱ្យ​មាន​ការ​ត្រួត​ពិនិត្យ​ដោយ​ស្ថាប័ន​ផ្សេងទៀត ស្រប​តាម​ការកំណត់រកឃើញហានិភ័យ
– គ្រប់គ្រង ត្រួតពិនិត្យ និង​អនុវត្ត​ការប្រមូលពន្ធ អាករ និង​កម្រៃផ្សេងៗ លើទំនិញនាំចេញ​ឬនាំ​ចូល​គ្រប់​ប្រភេទ
– លើក​វិធានការ​រាំងខ្ទប់និងចាប់ឃាត់​ទំនិញរត់ពន្ធ​គយគ្រប់ប្រភេទ
– ត្រួតពិនិត្យ តាមដាន និង​គ្រប់គ្រង​ការនាំចេញ នាំចូល​ទំនិញ​គ្រប់ប្រភេទ ទោះ​មាន​ឬ​គ្មាន​លក្ខណៈ​ពាណិជ្ជកម្ម​ក្តី ដោយ​រាប់បញ្ចូល​ទាំងសម្ភារៈប្រើប្រាស់ផ្ទាល់ខ្លួនរបស់អ្នកដំណើរ ឬផ្លាស់ប្តូរ​លំនៅឋាន រូបិយប័ណ្ណ លោហធាតុ- ត្បូងថ្ម​មានតម្លៃ បេតិកភណ្ឌវប្បធម៌ និង​ភណ្ឌិការប្រៃសណីយ៍ ព្រម​ទាំង​មធ្យោបាយ​ដឹកជញ្ជូនគ្រប់ប្រភេទ
– កសាង​ស្ថិតិទំនិញ​ពាណិជ្ជកម្ម​
-លើក​គម្រោង​ជ្រើសរើស​និង​បណ្តុះបណ្តាល​ជំនាញ​បច្ចេកទេស មន្ត្រី បុគ្គលិក និង​ភ្នាក់ងារ​គយ​និង​រដ្ឋាករ
– អនុវត្តនយោបាយ​សមាហរណកម្មសេដ្ឋកិច្ច និងសហប្រតិបត្តិការ​អន្តរជាតិ ពាក់ព័ន្ធ​នឹង​ការងារ​គយ​និង​រដ្ឋាករ
– ចូលរួម​រៀបចំ​គម្រោងថវិកា​ជាតិប្រចាំឆ្នាំ ដើម្បី​បញ្ចូល​ទៅក្នុង​សេចក្តីព្រាង​ច្បាប់​ស្តីពីហិរញ្ញវត្ថុ​សម្រាប់​ការគ្រប់គ្រង​ប្រចាំ​ឆ្នាំនីមួយៗ
– បំពេញ​ភារកិច្ចផ្សេងទៀត​តាមការប្រគល់ពីរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។

អគ្គនាយកដ្ឋានគយនិងរដ្ឋាករកម្ពុជា មាន​ប្រព័ន្ធចាត់តាំង​គ្រប់គ្រងឯកភាពទូទាំងប្រទេស មាន​សិទ្ធិដឹកនាំ​និងត្រួតពិនិត្យ លើ​រាល់អង្គភាពគយនិងរដ្ឋាករ​ពីថ្នាក់កណ្ដាលរហូតដល់​ថ្នាក់មូលដ្ឋាន តាម​ការកំណត់​របស់ក្រសួងសេដ្ឋកិច្ចនិងហិរញ្ញវត្ថុ។

អគ្គនាយកដ្ឋានគយ និងរដ្ឋាករកម្ពុជា បែងចែក​​រចនាសម្ព័ន្ធមាន​ថ្នាក់កណ្តាល​និង​ថ្នាក់មូលដ្ឋាន៖

ក-ថា្នក់កណ្តាល

– លេខាធិការដ្ឋាន ថ្នាក់ស្មើនាយកដ្ឋាន
– នាយកដ្ឋានហិរញ្ញវត្ថុនិងបុគ្គលិក
– នាយកដ្ឋានផែនការនិងបច្ចេកទេស
– នាយកដ្ឋានកិច្ចការច្បាប់ និងទំនាក់ទំនងសាធារណៈ
– នាយកដ្ឋានសវនកម្មគយ
– នាយកដ្ឋានបង្ការនិងបង្ក្រាបបទល្មើស
– នាយកដ្ឋានរដ្ឋាករ
– នាយកដ្ឋានរបបគយ
– នាយកដ្ឋានគ្រប់គ្រងតំបន់រួចពន្ធ
– នាយកដ្ឋានបច្ចេកវិទ្យាព័ត៌មាន
– នាយកដ្ឋានសហប្រតិបត្តិការគយអន្តរជាតិ
-​ នាយកដ្ឋានគ្រប់គ្រងការនាំចេញ
– នាយកដ្ឋានគយនិងរដ្ឋាកររាជធានីភ្នំពេញ
– សាលាជាតិគយ ថ្នាក់ស្មើនាយកដា្ឋន។

ខ-ថា្នក់មូលដា្ឋន

អង្គភាពមូលដ្ឋាននៃអគ្គនាយកដ្ឋានគយ និងរដ្ឋាករកម្ពុជា​មាន៖

– បណ្ដា​សាខាគយ​និងរដ្ឋាករ ដែល​ដឹកនាំ​ដោយ​ប្រធានមួយរូបមាន​ឋានៈ​ស្មើ​អនុប្រធាន​នាយកដ្ឋាន​នៅ​ថ្នាក់​កណ្តាល និង​អនុប្រធាន​មួយ​ចំនួនឋានៈ​ស្មើប្រធាន​ការិយាល័យ​នៅ​ថ្នាក់​កណ្តាល​ជា​ជំនួយ​ការ។
-បណ្តាការិយាល័យគយ​និងរដ្ឋាករ​ ក្រោមឱវាទ​សាខាគយនិងរដ្ឋាករដែល​ដឹកនាំ​ដោយ​ប្រធាន​មួយ​រូប មាន​ឋានៈ​ស្មើ​ប្រធាន​ការិយាល័យ​នៅថ្នាក់កណ្តាល និង​អនុប្រធានមួយចំនួនឋានៈ​ស្មើ​អនុប្រធាន​ការិយាល័យនៅថ្នាក់កណ្តាលជា​ជំនួយការ។

ភារកិច្ច​​លេខាធិការ​ដ្ឋាន និង​នាយកដ្ឋាន​នៅ​ក្នុង​អង្គភាព​គយ​និង​រដ្ឋាករ៖

-លេខាធិការដ្ឋាន បំពេញមុខងារ​ជាសេនាធិការឱ្យអគ្គនាយកដ្ឋានគយ​និងរដ្ឋាករកម្ពុជា លើការងារ​លេខាធិការដ្ឋាន របស់​អគ្គនាយកដ្ឋានគយនិងរដ្ឋាករកម្ពុជា។

-នាយកដ្ឋានហិរញ្ញវត្ថុនិងបុគ្គលិក បំពេញ​មុខងារជា​សេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើការងារ ហិរញ្ញវត្ថុនិងបុគ្គលិក។

-នាយកដ្ឋានផែនការនិងបច្ចេកទេស បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើការងារ ផែនការនិងបច្ចេកទេស។

-នាយកដ្ឋានកិច្ចការច្បាប់និងទំនាក់ទំនងសាធារណៈ បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើការងារច្បាប់ និងទំនាក់ទំនងសាធារណះ។

-នាយកដ្ឋានសវនកម្មតយ បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើការងារសវនកម្មគយ។

-នាយកដ្ឋានបង្ការនិងបង្ក្រាបបទល្មើស បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើការងារ បង្ការនិងបង្ក្រាបបទល្មើស។

-នាយកដ្ឋានរដ្ឋាករ បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើការងាររដ្ឋាករ។

-នាយកដ្ឋានរបបតយ បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើការងាររបបតយ។

-នាយកដ្ឋានគ្រប់គ្រងតំបន់រួចពន្ធ បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើការងារ គ្រប់គ្រងតំបន់រួចពន្ធ។

-នាយកដ្ឋានបច្ចេកវិទ្យាព័ត៌មាន បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើការងារ បច្ចេកវិទ្យាព័ត៌មាន។

-នាយកដ្ឋានសហប្រតិបត្តិការតយអន្តរជាតិ បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើ ការងារសហប្រតិបត្តិការគយអន្តរជាតិ។

-នាយកដ្ឋានគ្រប់គ្រងការនាំចេញ បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើការងារ គ្រប់គ្រងការនាំចេញ។

-នាយកដ្ឋានគយនិងរដ្ឋាកររាជធានីភ្នំពេញ បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា

លើការងារអនុលោមភាពនិងបង្ក្រាបបទល្មើសគយក្នុងភូមិសាស្ត្ររាជធានីភ្នំពេញ។

-សាលាជាតិគយ បំពេញមុខងារជាសេនាធិការឱ្យអគ្គនាយកដ្ឋានគយនិងរដ្ឋាករកម្ពុជា លើការងារបណ្តុះបណ្តាល មុខជំនាញទាក់ទងនឹងគយនិងរដ្ឋាករ។

អគ្គនាយកដ្ឋានគយ និង​រដ្ឋាករ​កម្ពុជា​ដឹក​នាំ​ដោយ​លោក គុណ ញឹម រដ្ឋមន្រ្តី​ប្រតិភូអមនាយកដ្ឋមន្រ្តី​ទទួលបន្ទុកជា​អគ្គនាយក៕