រដ្ឋសភា បន្តសម័យប្រជុំលើកទី ១ នីតិកាលទី ៧ ដោយមានរបៀបវារៈចំនួន ២

រដ្ឋសភា នៅព្រឹកថ្ងៃទី ៣១ ខែសីហា ឆ្នាំ ២០២៣នេះ បានបន្តសម័យប្រជុំរដ្ឋសភាលើកទី ១ នីតិកាលទី ៧ ក្រោមអធិបតីភាពរបស់លោកជំទាវ ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា។​ សម័យប្រជុំនាព្រឹកនេះ មានសមាជិក-សមាជិការដ្ឋសភា ចូលរួមចំនួន ៨៧រូប។

ក្នុងសម័យប្រជុំនេះ មានរបៀបវារៈចំនួន ២៖ ទី១. ការសម្រេចអំពីសុពលភាព នៃអាណត្តិរបស់បេក្ខជនជាប់ឆ្នោតតំណាងរាស្រ្ដ នីតិកាលទី ៧ នៃរដ្ឋសភាចំនួន ២៩រូប ជំនួសតំណាងរាស្រ្ដដែលបានសុំលាលែង។

ទី២. ការបោះឆ្នោតជ្រើសតាំងលោក យក់ ង៉ុយ ជាសមាជិកក្រុមប្រឹក្សាធម្មនុញ្ញជំនួសលោក សំ ព្រហ្មនា សមាជិកក្រុមប្រឹក្សាធម្មនុញ្ញ ដែលបានទទួលមរណភាព ជ្រើសតាំងដោយរដ្ឋសភា នីតិកាលទី ៧៕