ព័ត៌មានជាតិ
សហគ្រិនខ្មែរ នឹងបើកការប្រកួតពានរង្វាន់សហគ្រាសធុនតូច និងមធ្យម ឆ្នាំ ២០២៣
កម្មវិធីប្រកួតពានរង្វាន់សហគ្រិនខ្មែរ សហគ្រាសធុនតូច និងមធ្យម ២០២៣ (Khmer Enterprise SMEs Awards Competition ២០២៣) បានប្រកាសស្វែងរកសហគ្រិនឆ្នើម ដើម្បីចូលរួមប្រកួត ទៅតាមវិស័យអាទិភាពរបស់សហគ្រិនខ្មែរ ពោលគឺ៖ វិស័យកសិកម្ម សេវាកម្ម បច្ចេកវិទ្យាគមនាគមន៍ព័ត៌មានវិទ្យា និងផលិតកម្ម។
កម្មវិធីប្រកួតពានរង្វាន់សហគ្រិនខ្មែរ មិនត្រឹមតែជាវេទិការប្រកួតធ្វើបទបង្ហាញអាជីវកម្ម តែប៉ុណ្ណោះទេ ប៉ុន្តែសហគ្រិនខ្មែរ ក៏បានរៀបចំវគ្គត្រៀមខ្លួនក្នុងការប្រកួតបន្ថែមក្នុងអំឡុងពេលប្រកួត ដល់សហគ្រិនដែលជាប់វគ្ជម្រុះផងដែរ។ នេះបើតាមការប្រកាសរបស់សហគ្រិនខ្មែរ។
សហគ្រិនខ្មែរ កម្មវិធីនេះត្រូវបានរៀបចំឡើងជារៀងរាល់ឆ្នាំ ក្នុងគោលបំណង ដើម្បីលើកកម្ពស់ វប្បធម៌សហគ្រិនភាព និងធ្វើឱ្យបណ្តាញទំនាក់ទំនងក្នុងចំណោមតួអង្គសកម្មទាំងអស់ នៅក្នុងប្រព័ន្ធអេកូឡូស៊ីប្រសើរឡើង និងជាពិសេសផ្ដល់ការគាំទ្រដល់សហគ្រាសធុនតូចនិងមធ្យម ដែលមកពីគ្រប់វិស័យទូទាំងប្រទេសកម្ពុជា។
គួរបញ្ជាក់ថា កម្មវិធីប្រកួត ពានរង្វាន់សហគ្រិនខ្មែរ សហគ្រាសធុនតូច និងមធ្យម ២០២៣ ជាកម្មវិធីប្រកួតប្រជែងផ្នែកសហគ្រិនភាពមួយក្នុងចំណោមកម្មវិធីប្រកួតផ្សេងៗទៀត ដែលរៀបចំឡើងដោយសហគ្រិនខ្មែរ ក្នុងឆ្នាំ២០២៣។ កម្មវិធីប្រកួតនេះ រួមមានពានរង្វាន់សហគ្រិនខ្មែរកម្រិត វិទ្យាល័យ ២០២៣ Khmer Enterpris Highschools Awards Competition និងកម្មវិធីប្រកួតពានរង្វាន់សហគ្រិនខ្មែរ ធុរកិច្ចបង្កើតថ្មី ២០២៣ Khmer Enterprise Startups Awards Competition ។
កម្មវិធីប្រកួតពានរង្វាន់សហគ្រិនខ្មែរ សហគ្រាសធុនតូច និងមធ្យមនេះ នឹងបើកទទួលពាក្យសុំ ចូលរួមចាប់ពីថ្ងៃទី ១២ សីហា នេះតទៅ។
សហគ្រិនខ្មែរ (KE) ជាស្ថាប័នក្រោមចំណុះក្រសួងសេដ្ឋកិច្ច និងហិរញ្ញវត្ថុ ដើម្បីអនុវត្តកម្មវិធីគាំទ្រ និងធ្វើការដោយផ្ទាល់ជាមួយស្ថាប័នដៃគូ និងអត្ថគាហកៈ។ គោលបំណងរបស់សហគ្រិនខ្មែរ គឺដើម្បីកៀរគរ, វិនិយោគ និងគ្រប់គ្រងបរធនពីប្រភពស្របច្បាប់ទាំងអស់ដើម្បីគាំទ្រដល់ការអភិវឌ្ឍប្រព័ន្ធអេកូឡូស៊ីសហគ្រិនភាពដែលមានភាពរស់រវើក និងផ្តល់ការគាំទ្រផ្នែកហិរញ្ញវត្ថុ និងមិនមែនហិរញ្ញវត្ថុដល់ អ្នកកសាងប្រព័ន្ធអេកូឡូស៊ីសហគ្រិនភាព។ អត្ថគាហកៈរួមមាន
សហគ្រិនធុរកិច្ចបង្កើតថ្មីដែលមានលក្ខណៈនវានុវត្តន៏ (innovative startups), សហគ្រាសធុនតូច និងមធ្យមដែលមានសក្តានុពល (potential SMEs) និងស្ថាប័នដៃគូដែលចូលរួមជំរុញសកម្មភាពសហគ្រិនភាពផ្សេងៗសំដៅជំរុញ នវានុវត្តន៏ (innovation) និងការបង្កើតតម្លៃបន្ថែមនៅក្នុងសេដ្ឋកិច្ចនៃប្រទេសកម្ពុជា។
សហគ្រិនដែលមានបំណងចង់ចូលរួមអាចទំនាក់ទំនង +855 10 748 497 អុីមែល: [email protected] និងធ្វើការ CC: [email protected] ៕
-
ចរាចរណ៍២ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ជីវិតកម្សាន្ដ៤ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
សេចក្ដីជូនដំណឹង៤ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ៧ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
ព័ត៌មានអន្ដរជាតិ៣ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម៧ ថ្ងៃ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ៣ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង
-
ព័ត៌មានជាតិ៥ ថ្ងៃ ago
សាលារៀនគ្រូយើង បើកបវេសនកាល ២០២៤-២០២៥ ដោយនាំយកកម្មវិធីសិក្សាថ្មីៗជាច្រើន